LIVE KERALA NEWS
Thursday 25. Apr 2024
ന്യൂയോര്‍ക്ക്: അമേരിക്കന്‍ പ്രസിഡന്റ് സ്ഥാനാര്‍ത്ഥികളെ തെരഞ്ഞെടുക്കുന്നതിനുളള നടപടിക്രമങ്ങള്‍ പുരോഗമിക്കുന്നു. മൂന്നാംഘട്ട പ്രൈമറിയും, കോക്കസും പുരോഗമിക്കവെ ഡെമോക്രാറ്റിക് പാര്‍ട്ടിയുടെ ഹിലരി ക്ലിന്റണിന് നെവാഡ കോക്കസില്‍ ശക്തമായ തിരിച്ചുവരവ് നടത്തി. നരത്തെ രണ്ടാംഘട്ടത്തില്‍ അയോവയില്‍ ഹിലരി ക്ലിന്റണിനെ തോല്‍പ്പിച്ച ബേണി സാന്‍ഡേഴ്‌സിനെതിരെ വന്‍മുന്നേറ്റം നടത്തിയാണ് നെവാഡയില്‍ ഹിലരി മൂന്നാംഘട്ടത്തില്‍ ജയിച്ചുകയറിയത്. ഡെമോക്രാറ്റിക് പാര്‍ട്ടിയുടെ പ്രസിഡന്റ് സ്ഥാനാര്‍ത്ഥിയാകാനുളള ഹിലാരിയുടെ സാധ്യതകളേറിയിരിക്കുകയാണ്.ഫെബ്രുവരി 27നാണ് ഇനി സൗത്ത് കാരലൈനില്‍ ഡെമോക്രാറ്റിക് പാര്‍ട്ടിയുടെ കോക്കസ്. അതേസമയം ഡൊണാള്‍ഡ് ട്രംപിന്റെ കുടിയേറ്റക്കാര്‍ക്കെതിരെയുളള പ്രസ്താവനക്കെതിരെ മാര്‍പാപ്പ രംഗത്തെത്തിയതിനുശേഷവും സൗത്ത് കാരലൈനയില്‍ നടന്ന മൂന്നാംഘട്ട പ്രൈമറിയില്‍ റിപ്പബല്‍ക്കന്‍ പാര്‍ട്ടിയുടെ ഡൊണാള്‍ഡ് ട്രംപ് വ്യക്തമായ മുന്നേറ്റം നടത്തി ജയിച്ചു. 33 ശതമാനം വോട്ടുനേടിയാണ് ട്രംപ് വ്യക്തമായ ആധിപത്യം ഉറപ്പിച്ചത്. ഇവിടെ നാലാം സ്ഥാനത്തേക്ക് പിന്തള്ളപ്പെട്ട ജെബ് ബുഷ് പ്രസിഡന്റ് സ്ഥാനാര്‍ത്ഥിയാകാനുളള മത്സരത്തില്‍ നിന്നും പിന്മാറുകയും ചെയ്തു.
മാര്‍കോ റുബിയോക്ക് 21.56 ശതമാനം വോട്ടും, ടെഡ് ക്രൂസിന് 21.54 ശതമാനം വോട്ടുമാണ് ലഭിച്ചത്.സൗത്ത് കാരലൈനില്‍ തന്റേത് സാധ്യമായ വിജയമെന്നായിരുന്നു ഫലമറിഞ്ഞശേഷം ട്രംപിന്റെ ട്വീറ്റ്. അമേരിക്കന്‍ പ്രസിഡന്റ് സ്ഥാനത്തേക്കുളള സ്ഥാനാര്‍ത്ഥി നിര്‍ണയത്തിനായി പ്രൈമറി, കോക്കസ് എന്നിങ്ങനെയാണ് തെരഞ്ഞെടുപ്പ് നടത്തുന്നത്. ഇതില്‍ പ്രൈമറിയില്‍ വോട്ടെടുപ്പും, കോക്കസില്‍ സംവാദവുമാണ് നടക്കുന്നത്. പന്ത്രണ്ടോളം സംസ്ഥാനങ്ങളില്‍ സൂപ്പര്‍ ടൂസ്‌ഡെ ആയ മാര്‍ച്ച് ഒന്നിനു നടക്കുന്ന വോട്ടെടുപ്പിനു മുന്നോടിയായി ശക്തമായ പ്രചാരണങ്ങളോടെ മുന്‍പന്തിയിലെത്താനാണ് സ്ഥാനര്‍ത്ഥികളുടെ ശ്രമം. ഏറെ ആവേശഭരിതമായ തിരഞ്ഞെടുപ്പിനാണ് അമേരിക്ക സാക്ഷ്യം വഹിക്കുക.
വാഷിംഗ്ടണ്: അമേരിക്കന്‍ പ്രസിഡന്റ് തെരഞ്ഞെടുപ്പില് ക്രമക്കേട് നടന്നുവെന്ന് ആരോപണം. ഡോണള്ഡ് ട്രംപിന് നേരിയ…