ന്യൂഡല്ഹി: ജെഎന്യു സര്വകലാശാല ക്യാമ്പസില് അഫ്സല് ഗുരു അനുസ്മരണം നടത്തിയതിനെത്തുടര്ന്ന് റിമാന്ഡിലായ വിദ്യാര്ഥി യൂണിയന് നേതാവ് കനയ്യകുമാറിനെ ഹാജരാക്കാനെത്തിയ പട്യാല കോടതിക്ക് മുമ്പിലാണ് സംഘര്ഷം. പുറത്തുനിന്നെത്തിയ സംഘമാണ് അക്രമം അഴിച്ചുവിട്ടത്. അക്രമത്തില് ജെഎന്യു അധ്യാപകര്ക്കും വിദ്യാര്ത്ഥികള്ക്കും ഉള്പ്പെടെ നിരവധി പേര്ക്ക് മര്ദനമേറ്റു.
പോലീസ് നോക്കിനില്ക്കെയാണ് സംഘം വിദ്യാര്ത്ഥികളെയും മാധ്യമപ്രവര്ത്തകരെയും അധ്യാപകരെയും ആക്രമിച്ചത്. കൈരളി-പീപ്പിള് റിപ്പോര്ട്ടര് മനുശങ്കറിനെ ബിജെപി അനുകൂല അഭിഭാഷകര് വളഞ്ഞിട്ടുമര്ദ്ധിച്ചു. ഈ സമയം പൊലീസ് നോക്കിനില്ക്കുകയായിരുന്നെന്ന് ദൃക്സാക്ഷികള് ആരോപിച്ചു.