മുംബൈ: ‘എങ്ങനെ ചാവേറുകളായി പൊട്ടിത്തെറിക്കാം’ എന്ന വിഷയത്തില് ഇന്ത്യയിലെ യുവതീ-യുവാക്കള്ക്ക് ഇസ്ലാമിക് സ്റ്റേറ്റ് വീഡിയോ കോണ്ഫറന്സ് വഴി പരിശീലനം നല്കുന്നതിന്റെ വിവരങ്ങള് മുംബൈ ഭീകരവിരുദ്ധ സ്ക്വാഡ് പുറത്തുവിട്ടു. ഐഎസ് നേതാവ് അബൂബക്കര് അല് ബാഗ്ദാദി ഓണ്ലൈന് പരിശീലനം നല്കുന്നുവെന്ന് റിപ്പോര്ട്ട്. മുബൈ തീവ്രവാദ വിരുദ്ധ സ്ക്വാഡാണ് (എടിഎസ്) ഞെട്ടിക്കുന്ന ഈ വിവരം പുറത്തുവിട്ടിരിക്കന്നത്. ഓണ്ലൈനില് വീഡിയോ കോണ്ഫറന്സിലൂടെയാണ് ബാഗ്ദാദി ക്ലാസുകള് എടുക്കുന്നത്. സ്കൈപ്പ് ഉള്പ്പെടെയുള്ള സോഫ്റ്റ് വെയറുകള് ഇതിനായി ഉപയോഗിക്കുന്നുണ്ടെന്നും റിപ്പോര്ട്ടില് സൂചിപ്പിക്കുന്നു. എങ്ങനെ ചാവേറുകളാകാമെന്നാണ് മുംബൈയിലെയും മറ്റു സംസ്ഥാനങ്ങളിലെയും യുവാക്കളെ പഠിപ്പിക്കുന്നത്. പെണ്കുട്ടികളും പരിശീലന ക്ലാസുകളില് പങ്കെടുക്കുന്നുണ്ടെന്നാണ് എടിഎസ് റിപ്പോര്ട്ട് ചെയ്യുന്നത്. മുംബൈയിലുള്ളവരെയാണ് ഐഎസ് പ്രധാനമായും ലക്ഷ്യം വെയ്ക്കുന്നത്.