ശ്രീനഗർ: ജമ്മു കശ്മീരിലെ ഷോപിയാനിൽ നിന്ന് കഴിഞ്ഞ ദിവസം തീവ്രവാദികൾ തട്ടിക്കൊണ്ടുപോയ പൊലീസ് കോൺസ്റ്റബിളിനെ കൊല്ലപ്പെട്ട നിലയിൽ കണ്ടെത്തി. ജാവേദ് അഹമ്മദ് എന്ന കോൺസ്റ്റബിളാണ് കൊല്ലപ്പെട്ടത്. ഷോപിയാനിലെ ദൻഗമിൽ വെടികൊണ്ട് മുറിവേറ്റ നിലയിൽ ഇന്ന് രാവിലെയാണ് മൃതദേഹം കണ്ടെത്തിയത്.
കച്ച്ദ്വാരയിലുള്ള വീട്ടിലേക്ക് അതിക്രമിച്ച് കയറിയാണ് ഇന്നലെ തീവ്രവാദികൾ ജാവേദിനെ തട്ടിക്കൊണ്ട് പോയത്. പ്രദേശത്ത് ശക്തമായ തെരച്ചിൽ നടത്തിയങ്കിലും കോൺസ്റ്റബിളിനെ കണ്ടെത്താനായിരുന്നില്ല. ഏപ്രിലിൽ അഞ്ച് തീവ്രവാദികളെ സുരക്ഷാ സൈന്യം കൊലപ്പെടുത്തിയത് ഇൗ ഗ്രാമത്തിൽ വെച്ചായിരുന്നു.