LIVE KERALA NEWS
Sunday 19. Jan 2025
തിരുവനന്തപുരം: നിയന്ത്രണങ്ങള് കടുപ്പിച്ച് സംസ്ഥാനം.കേരളത്തില് വീണ്ടും സ്കൂളുകള് അടയ്ക്കും. ഇന്ന് ചേര്ന്ന കൊവിഡ് അവലോകന യോഗത്തിലാണ് തീരുമാനം.ഒന്നുമുതല് ഒമ്പതാം ക്ലാസ് വരെയാണ് അടയ്ക്കുന്നത്. ഈ മാസം 21 മുതലാണ് സ്കൂളുകള് അടച്ചിടുക.10,11,12 ക്ലാസുകള് മാത്രമായിരിക്കും ക്ലാസുകള് നടക്കുക.രണ്ടാഴ്ചത്തേക്ക് അടച്ചിടാനാണ് നിലവിലെ തീരുമാനം. അതുവരെ ഓൺലൈൻ ക്ലാസുകൾ തുടരും
വിദ്യാര്ത്ഥികളുടെ കാര്യത്തില് രക്ഷിതാക്കളുടെ ആളങ്കകള് പരിഗണിച്ചാണ് ചെറിയ ക്ലാസുകള് അടച്ചിട്ട് ഓണ്ലൈന് പഠനം തുടരാനുള്ള തീരുമാനം.മറ്റേന്തെങ്കിലും മേഖലയില് നിയന്ത്രണം വരുത്തണോ എന്നതിന് തിങ്കാളാഴ്ച തീരുമാനമാകും.യോഗത്തില് സ്കൂളുകള് തുറന്നു പ്രവര്ത്തിക്കുന്നതില് പുനര്ചിന്തനം വേണമെന്ന് പറഞ്ഞാല് ഇക്കാര്യം പരിഗണിക്കുമെന്ന് മന്ത്രി ശിവന്കുട്ടി കഴിഞ്ഞ ദിവസം അറിയിച്ചിരുന്നു.നിലവില് സംസ്ഥാനത്ത് കൊവിഡ് കേസുകള് കൂടുമ്പോഴും വിദ്യാര്ത്ഥികളില് രോഗവ്യാപനം ഉണ്ടായിട്ടില്ല.എന്നിരുന്നാലും കുട്ടികളുടെ ആരോഗ്യം പ്രധാനപ്പെട്ട കാര്യമാണെന്നും വിദ്യാഭ്യാസ മന്ത്രി പറഞ്ഞു. പരീക്ഷ നടത്തിപ്പും, സ്കൂളുകളുടെ നിലവിലെ സാഹചര്യവും മുഖ്യമന്ത്രിയെ അറിയിക്കുമെന്നും മന്ത്രി പറഞ്ഞു. മുഖ്യമന്ത്രിയുടെ അധ്യക്ഷതയിലാണ് കൊവിഡ് അവലോകന യോഗം ചേരുന്നത്.തിങ്കളാഴ്ചയാണ് കൊവിഡ് അവലോകന യോഗം അവസാനം ചേര്ന്നത്. സ്കൂളുകള് അടയ്ക്കുക, വാരാന്ത്യ നിയന്ത്രണം ഏര്പ്പെടുത്തുക തുടങ്ങിയ നിര്ദ്ദേശങ്ങള് യോഗത്തില് ഉയര്ന്നെങ്കിലും കടുത്ത നിയന്ത്രണങ്ങള് തീരുമാനിച്ചിരുന്നില്ല. അതേസമയം സ്വകാര്യ ചടങ്ങുകളില് പങ്കെടുക്കുന്നവരുടെ എണ്ണം 50 ആയി പരിമിതപ്പെടുത്തിയിരുന്നു.
കോവിഡ് മഹാമാരി ജനങ്ങളുടെ ആയുര്ദൈര്ഘ്യം മെച്ചപ്പെടുത്തുന്നതിലെ ഒരു ദശാബ്ദത്തോളം നീണ്ട പുരോഗതി ഇല്ലാതാക്കിയെന്ന്…