കൊച്ചി: നടിയെ തട്ടിക്കൊണ്ടുപോയി പീഡിപ്പിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ച കേസില് നടന് ദിലീപിന്റെ മുന്കൂര് ജാമ്യഹര്ജി പരിഗണിക്കുന്നത് മാറ്റിവച്ചു. മുതിര്ന്ന അഭിഭാഷകന് കൊവിഡ് ആയതിനാള് ഹാജരായില്ല.ജാമ്യാപേക്ഷ വെള്ളിയാഴ്ച പരിഗണിക്കും. വെള്ളിയാഴ്ച വരെ അറസ്റ്റുണ്ടാകില്ലെന്ന് സര്ക്കാര് കോടതിയെ അറിയിച്ചു. ഹരിജി പരിഗണിക്കുന്നത് തിങ്കളാഴ്ചത്തേക്ക് മാറ്റണമെന്നായിരുന്നു ദിലീപിന്റെ ആവശ്യം. അന്വേഷണ ഉദ്യോഗസ്ഥനെ വിസ്തരിക്കാനിരിക്കെയാണ് പുതിയ കേസ്.ദിലീപും ബന്ധുക്കളും സുഹൃത്തുക്കളും ചേര്ന്ന് കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഡാലോചന നടത്തിയെന്നാണ് കേസ്. ഇതിന്റെ ശബ്ദരേഖകളും പുറത്തു വന്നിരുന്നു, ദിലീപിന്റെ സഹോദരന് അനൂപ് സഹോദരി ഭര്ത്താവ് സുരാജ് എന്നിവരാണ് മുന്കൂര് ജാമ്യം തേടിയ മറ്റുള്ളവര്. പോലീസ് രജിസ്റ്റര് ചെയ്ത പുതിയ ഗുഢാലോചന കേസ് കെട്ടിച്ചമച്ചതാണ് എന്ന് ചൂണ്ടിക്കാട്ടിയാണ് മുന്കൂര് ജാമ്യം തേടിയത്. പുതിയ കേസ് കെട്ടിച്ചമച്ച വിസ്താരം നീട്ടിവെക്കാന് ആണ് ഉദ്യോഗസ്ഥര് ശ്രമിക്കുന്നത് എന്നും ദിലീപ് ആരോപിക്കുന്നു. ജാമ്യമില്ലാ വകുപ്പുകള് പ്രകാരമാണ് ദിലീപിനെതിരെ എറണാകുളം ക്രൈംബ്രാഞ്ച് കേസ് രജിസ്റ്റര് ചെയ്തിരിക്കുന്നത്. ദിലീപിനെ ഒന്നാം പ്രതിയാക്കി ആറ് പേരെ ഉള്പ്പെടുത്തിയാണ് പ്രതികളാക്കിയാണ് കേസ് രജിസ്റ്റര് ചെയ്തിട്ടുള്ളത്. ദിലീപ്, സഹോദരന് അനൂപ് സഹോദരീ ഭര്ത്താവ് സുരാജ്. ഇതുവരെ അന്വേഷണ സംഘത്തിന് കണ്ടെത്താനാവാത്ത വിഐപി, സുഹൃത്ത് ബൈജു, അപ്പു എന്നിവര്ക്കെതിരെയാണ് കേസ്. അന്വേഷണ ഉദ്യോഗസ്ഥന് ബൈജു പൗലോസാണ് ദിലീപിനെതിരെ പരാതി നല്കിയത്.അതേസമയം, ദിലീപിനെതിരെയുള്ള ഗൂഢാലോചന കേസില് തെളിവുകള് അന്വേഷണ സംഘത്തിന് കൈമാറിയെന്ന് സംവിധായകന് ബാലചന്ദ്ര കുമാര് പറഞ്ഞിരുന്നു. കേസിലെ ഓഡിയോ റെക്കോര്ഡുകളാണ് കൈമാറിയത്. കളമശ്ശേരി ക്രൈംബ്രാഞ്ച് ഓഫിസിലെത്തിയാണ് ബാലചന്ദ്ര കുമാര് മൊഴി നല്കിയത്.