തിരുവനന്തപുരം: സംസ്ഥാനത്ത് വീണ്ടും ശക്തമായ മഴക്ക് സാധ്യതയെന്ന് മുന്നറിയിപ്പ്. ഇന്നും നാളെയും 12 ജില്ലകളില് മഴ മുന്നറിയിപ്പ്.തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം, ആലപ്പുഴ ജില്ലകളില് ഇന്ന് ശക്തമായ മഴയ്ക്കു സാധ്യതയുള്ളതിനാല് ഓറഞ്ച് അലര്ട്ട് പ്രഖ്യാപിച്ചു.എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെലോ അലര്ട്ട് ്. ഇന്നു മുതല് 31 വരെ അറബിക്കടലില് മീന് പിടിക്കാന് പോകരുതെന്നും നിര്ദേശമുണ്ട്. മഴയ്ക്കൊപ്പം ശക്തമായ കാറ്റും ഇടിമിന്നലും ഉണ്ടാകും.നാളെ തിരുവനന്തപുരം മുതല് വയനാട് വരെയുള്ള ജില്ലകളില് യെലോ അലര്ട്ട് നല്കിയിട്ടുണ്ട്.ബംഗാള് ഉള്ക്കടലിലെ ന്യൂനമര്ദവും അറബിക്കടലിലെ ചക്രവാതച്ചുഴിയുമാണ് കേരളത്തില് മഴ ശക്തമാകാന് കാരണം.