ഇന്ത്യയിലെ ആദ്യത്തെ ഇന്റഗ്രേറ്റഡ് മീറ്റ് റീട്ടെയില്‍ ബ്രാന്‍ഡായ ബോചെ ദ ബുച്ചര്‍ അത്യാധുനിക സൗകര്യങ്ങളോട് കൂടി കോഴിക്കോട് എരഞ്ഞിപ്പാലത്ത് പ്രവര്‍ത്തനമാരംഭിച്ചു. ബീഫ്, മട്ടന്‍, ചിക്കന്‍, താറാവ്, കാട എന്നിവയുടെ ഇറച്ചി, വിവിധയിനം ഗ്രേവികള്‍, മീറ്റ് അച്ചാറുകള്‍ എന്നിവ ഇനിമുതല്‍ ഒരു കുടക്കീഴില്‍ ലഭിക്കും. ബോചെ ഉദ്ഘാടനം നിര്‍വ്വഹിച്ചു. കേരള ഹോട്ടല്‍ & റെസ്റ്റോറന്റ് അസോസിയേഷന്‍ ജില്ലാ സെക്രട്ടറി എസ്. യു. സന്തോഷ് കുമാര്‍ ആദ്യവില്‍പ്പന സ്വീകരിച്ചു. കെഎച്ച്ആര്‍എ ജില്ലാ പ്രസിഡന്റ് രൂപേഷ് കോളിയോട്ട്, ബോബി ഗ്രൂപ്പ് മാര്‍ക്കറ്റിംഗ് ജനറല്‍ മാനേജര്‍ അനില്‍ സി.പി. എന്നിവര്‍ ചടങ്ങില്‍ സന്നിഹിതരായി.
കശാപ്പുകാരന്റെ വേഷത്തിലെത്തിയ ബോചെ ഉദ്ഘാടനശേഷം ഇറച്ചിവെട്ടി കസ്റ്റമേഴ്സിന് വിതരണം ചെയ്തു. പാകം ചെയ്ത ബീഫ് ഉദ്ഘാടനത്തിനെത്തിയ അതിഥികള്‍ക്ക് വിളമ്പി. നറുക്കെടുപ്പിലൂടെ വിജയികളായവര്‍ക്ക് ബോചെ ദ ബുച്ചറിന്റെ ഇറച്ചി പാക്കറ്റുകള്‍ സമ്മാനമായി നല്‍കി. ശിങ്കാരിമേളത്തിന്റെ കലാകാരന്മാര്‍ക്കൊപ്പം ചെണ്ടകൊട്ടി ചുവടുകള്‍ വെച്ചുകൊണ്ട് ബോചെ ഉദ്ഘാടനചടങ്ങ് വേറിട്ടതാക്കി.
ബോചെ ദ ബുച്ചര്‍ സ്റ്റോറില് രോഗമുള്ളതോ ചത്തതോ ആയ മൃഗങ്ങളെ കശാപ്പ് ചെയ്യാറില്ല. വെറ്റിനറി ഡോക്ടര്‍മാര്‍ പരിശോധിച്ച് സാക്ഷ്യപ്പെടുത്തിയ പ്രീമിയം ക്വാളിറ്റിയിലുള്ള മാംസം മാത്രമാണ് സ്റ്റോറില് ലഭ്യമാവുക. അംഗീകൃത കശാപ്പുശാലയില്‍ അറുത്ത് അപ്പോള്‍ തന്നെ 0-4 ഡിഗ്രിയില്‍ സൂക്ഷിക്കുകയും ചെയ്യുന്നതുമൂലം രോഗകാരികളായ ബാക്ടീരിയകള്‍ ഇല്ലാത്ത ഇറച്ചി ഉപഭോക്താക്കള്‍ക്ക് ലഭിക്കുന്നു. ശുചിത്വപൂര്‍ണമായ അന്തരീക്ഷത്തില്‍ ഇറച്ചി വാങ്ങാനുള്ള സൗകര്യവും ബോചെ ദ ബുച്ചര്‍ ഉറപ്പാക്കുന്നു.
സംസ്ഥാന എകണോമിക്സ് ആന്റ് സ്റ്റാറ്റിസ്റ്റിക്സ് വകുപ്പിന്റെ സര്‍വ്വെ പ്രകാരം സംസ്ഥാനത്ത് 15680 മാംസ വിപണനശാലകളാണുള്ളത്. ഇതില്‍ യാതൊരു രജിസ്ട്രേഷനുമില്ലാത്തവ 75.30 ശതമാനം വരും. എല്ലാ അനുമതിയും ഉള്ളവ 3.27 ശതമാനം മാത്രമാണ്. 2021 ഒക്ടോബറില്‍ തദ്ദേശ സ്വയം ഭരണ വകുപ്പ് കോഴിക്കടകളും മാംസ സ്റ്റാളുകളും എങ്ങിനെ പ്രവര്‍ത്തിക്കണമെന്ന മാര്‍ഗ്ഗരേഖ പുറത്തിറക്കിയിട്ടുണ്ട്. അതിന്റെ അടിസ്ഥാന
ത്തില്‍ കൂടിയാണ് ബോചെ ദ ബുച്ചര്‍ എന്ന സ്ഥാപനം രൂപകല്‍പ്പന ചെയ്തിട്ടുള്ളത്. ശുചിയായ മാംസം ശാസ്ത്രീയമായി സംസ്‌കരിച്ച് ഗുണഭോക്താക്കളിലെത്തിക്കുകയെന്ന സാമൂഹിക ഉത്തരവാദിത്വമാണ് ഈ സംരംഭത്തിലൂടെ ലക്ഷ്യമിടുന്നത് എന്ന് ബോചെ അറിയിച്ചു.
ചുരുങ്ങിയത് 400 സ്‌ക്വയര്‍ഫീറ്റ് റൂമുകള്‍ ഉള്ളവര്‍ക്ക് ബോചെ ദ ബുച്ചറിന്റെ ഫ്രാഞ്ചൈസികള്‍ക്ക് ഇപ്പോള്‍ അപേക്ഷിക്കാവുന്നതാണ്. ഫ്രാഞ്ചൈസി എടുക്കുന്നവര്‍ക്ക് മാര്‍ക്കറ്റില്‍ ലഭിക്കുന്ന ഹോള്‍സെയില്‍ വിലയില്‍ നിന്നും കുറഞ്ഞ നിരക്കിലാണ് മാംസം ലഭ്യമാക്കുക. ആധുനിക ഉപകരണങ്ങളോടുകൂടി ഫര്‍ണിഷ് ചെയ്ത് അന്താരാഷ്ട്ര നിലവാരത്തിലുള്ള വിപണനശാലകള്‍ സജ്ജീകരിച്ച് കൊടുക്കുകയും മലങ്കര ക്രെഡിറ്റ് സൊസൈറ്റിയിലൂടെ ലോണ്‍ സൗകര്യം ലഭ്യമാക്കുകയും ചെയ്യുന്നു. ഈ മേഖലയില്‍ പ്രവര്‍ത്തിക്കുന്നവര്‍ക്കും പുതുതായി കടന്നുവരുന്നവര്‍ക്കും പ്രോത്സാഹനം നല്‍കി മികച്ച സംരംഭകരാകാന്‍ അവരെ പ്രാപ്തരാക്കുക എന്ന ലക്ഷ്യത്തോടെയാണ് ബോചെ ദ ബുച്ചര്‍ ഫ്രാഞ്ചൈസികള്‍ നല്‍കുന്നത്.
കോഴിക്കോട്: മോഡലും നടിയുമായ ഷഹനയുടെ മരണത്തിൽ ഭർത്താവ് സജാദിനെതിരെ കുറ്റപത്രം സമർപ്പിച്ചു. ഷഹനയെ മാനസികവും ശാരീരികവുമായി പീഡിപ്പിച്ചിരുന്നു. മരിക്കുന്ന ദിവസവും ഇരുവരും തമ്മിൽ വഴക്കുണ്ടായി. ഷഹനയുടെ ഡയറി കുറിപ്പുകളിൽ ഇതിനുള്ള തെളിവുണ്ടെന്നും പൊലീസ് തയ്യാറാക്കിയ കുറ്റപത്രത്തിലുണ്ട്.
മെയ് 13ന് ആണ് കോഴിക്കോട് പറമ്പിൽ ബസാറിലെ വാടക ക്വാർട്ടേഴ്സിൽ ഷഹാനയെ മരിച്ച നിലയിൽ കണ്ടെത്തിയത്. ഷഹാന ആത്മഹത്യ ചെയ്തതാണെന്ന് പൊലീസ് നേരത്തെ സ്ഥിരീകരിച്ചിരുന്നു. ഭർത്താവിനെതിരെ കുടുംബം പരാതിയുമായി രംഗത്തെത്തിയതോടെ പൊലീസ് ശാസ്ത്രീയ പരിശോധൻ ഉൾപ്പെടെ നടത്തിയിരുന്നു. ലഹരി മാഫിയയിലെ കണ്ണിയായ സജാദ് ഓൺലൈൻ ഭക്ഷണ വിതരണത്തിനിടെ ലഹരി വിൽപന നടത്തിയിരുന്നെന്ന് അന്വേഷണ സംഘം കണ്ടെത്തിയിരുന്നു. ഇതുമായി ബന്ധപ്പെട്ട തെളിവുകളും വെയിങ് മെഷീനും വാടക വീട്ടിൽ നിന്ന് അന്വേഷണ സംഘം കണ്ടെത്തിയിരുന്നു. ഇതിന് പിന്നാലെയാണ് സ്ത്രീപീഡനം (498A),ആത്മഹത്യാ പ്രേരണ (306) എന്നീ കുറ്റങ്ങൾ ചുമത്തി ചേവായൂർ പൊലീസ് സജാദിനെ അറസ്റ്റ് ചെയ്തത്.
ഭര്‍ത്താവ് സജാദില്‍ നിന്നും ഭര്‍തൃ വീട്ടുകാരില്‍ നിന്നും ഏറെ പീഡനം ഏറ്റുവാങ്ങി ഇരുന്നവെന്നാണ് ഷഹാനയുടെ ഡയറിയിലുള്ളത്. ഭക്ഷണം നൽകാതെ പട്ടിണിക്കിട്ടു. ചില ദിവസങ്ങളിൽ ഭക്ഷണം ഒന്നോ രണ്ടോ ബ്രഡ് കഷ്ണം മാത്രം. മുറി വൃത്തിയാക്കിയത് ശരിയായില്ലെന്ന് പറഞ്ഞ് സജാദിന്‍റെ വീട്ടുകാർ മർദ്ദിച്ചെന്നും ഡയറിയിലുണ്ട്. സജാദിന്‍റെ വീട്ടിൽ തനിക്ക് കിട്ടിയത് വേലക്കാരിയുടെ പരിഗണനയാണെന്നും ഷഹാന കുറിച്ചിട്ടുണ്ട്. ഷഹാനയുടെ ഡയറി അന്വേഷണ ഉദ്യോഗസ്ഥൻ എ സി പി സുദർശന് കൈമാറും.
കോഴിക്കോട്ടെ വാടകവീട്ടിൽ മരിച്ച നിലയിൽ കണ്ടെത്തിയ ഷഹാനയുടെത് ആത്മഹത്യയെന്നായിരുന്നു പോസ്റ്റുമോർട്ടം റിപ്പോർട്ടിലെ പ്രാഥമിക കണ്ടെത്തൽ. എന്നാൽ ഭർത്താവ് സജാദിനെതിരെ ആരോപണങ്ങളുമായി ഷഹാനയുടെ കുടുംബാംഗങ്ങൾ രംഗത്തെത്തിയതോടെയാണ് പൊലീസ് ശാസ്ത്രീയ പരിശോധന നടത്തിയത്. കയറ് ഉപയോഗിച്ച് തന്നെയാണ് ഷഹാന തൂങ്ങിമരിച്ചതെന്നാണ് നിഗമനം. നേരത്തെ സജാദിനെ അന്വേഷണ സംഘം വാടകവീട്ടിലെത്തിച്ച് തെളിവെടുപ്പ് നടത്തിയിരുന്നു.
ഡൽഹി: ഉദയ്പൂർ കൊലപാതകവുമായി ബന്ധപ്പെട്ട് പ്രതികൾക്ക് പിന്നിലെ പാക് പങ്കിന് തെളിവ് ലഭിച്ചതായി എൻഐഎ. കനയ്യ ലാലിന്റെ കൊലപാതകത്തിന് പിന്നിലെ സൂത്രധാരൻ പാകിസ്ഥാനിലുള്ള സൽമാനെന്നും ഏജൻസി വ്യക്തമാക്കുന്നു. നബി വിരുദ്ധ പരാമർശത്തിനെതിരെ ശക്തമായ തിരിച്ചടി നൽകണമെന്ന് പ്രതികളോട് സൽമാൻ നിർദ്ദേശിച്ചതായി എൻഐഎ വൃത്തങ്ങൾ ദേശീയ മാധ്യമങ്ങളോട് പറഞ്ഞു. മഹാരാഷ്ട്ര, ഗുജറാത്ത് എന്നിവിടങ്ങളിൽ നടന്ന കൊലപാതകങ്ങളുമായി ഉദയ്പൂർ കേസിന് ബന്ധമുള്ളതായാണ് ഏജൻസിയുടെ നിഗമനം.
പ്രവാചകനെ അപകീർത്തിപ്പെടുത്തുന്ന തരത്തിൽ സംസാരിച്ച നൂപുർ ശർമയെ പിന്തുണച്ച് സോഷ്യൽമീഡിയയിൽ പോസ്റ്റിട്ടതിനാണ് കനയ്യ ലാൽ എന്ന തയ്യൽക്കാരനെ പട്ടാപ്പകൽ ഗോസ് മുഹമ്മദ്, റിയാസ് അക്താരി എന്നിവർ കഴുത്തറുത്ത് കൊലപ്പെടുത്തിയത്. സംഭവം മൊബൈൽ ഫോണിൽ ചിത്രീകരിച്ച് സോഷ്യൽമീഡിയയിലൂടെ പ്രചരിപ്പിക്കുകയും ചെയ്തു. രക്ഷപ്പെടാൻ ശ്രമിക്കുന്നതിനിടെയാണ് പ്രതികളെ പൊലീസ് പിടികൂടിയത്.
കോട്ടയം: ന്യൂസിലാൻഡിലെ ആദ്യ മലയാളി പൊലീസ് ഉദ്യോഗസ്ഥ എന്ന നേട്ടത്തിനുടമയായി പാലാ സ്വദേശിനി അലീന അഭിലാഷ്.ഓക്ലാൻഡിലാണ് ആദ്യ നിയമനം.
റോയൽ ന്യൂസിലൻഡ് പൊലീസ് കോളേജിൽ പരിശീലനം പൂർത്തിയാക്കിയ അലീന കോൺസ്റ്റബിൾ റാങ്കിലാണ് നിയമിതയായിരിക്കുന്നത്. ഒട്ടാഗോ യൂണിവേഴ്സിറ്റിയിൽ നിന്ന് സൈക്കോളജിയും ക്രിമിനോളജിയും പൂർത്തിയാക്കിയത് ശേഷമാണ് അലീന പൊലീസിൽ ജോലി നേടിയിരിക്കുന്നത്.
അലീന ആറാം ക്ലാസ് വരെ പഠിച്ചത് പാലാ ചവറ പബ്ലിക് സ്കൂളിലാണ്. പിന്നീട് അലീനയുടെ കുടുംബം ന്യൂസിലാൻഡിലെത്തി. പാമർസ്റ്റൺ നോർത്തിലാണ് ഈ കുടുംബം സ്ഥിരതാമസം.
ഉളളനാട് പുളിക്കൽ അഭിലാഷ് സെബാസ്റ്റ്യന്റെയും പിഴക് പുറവക്കാട്ട് ബോബിയുടെയും മകളാണ് ഇരുപത്തിരണ്ടുകാരിയായ അലീന.
റിയാദ്: ബഹ്റൈനിൽ നിന്ന് സൗദി അറേബ്യയിലേക്ക് മദ്യം കടത്തിയ കേസിൽ മലയാളി യുവാവിന് സൗദി അറേബ്യയിൽ 11 കോടിയോളം രൂപ പിഴ. കോട്ടയം ഈരാറ്റുപേട്ട സ്വദേശി ഷാഹുൽ മുനീറിനാണ് (26) ബഹ്റൈനിൽ നിന്ന് സൗദി അറേബ്യയിലേക്ക് മദ്യം കടത്തിയ കേസിൽ ദമ്മാം ക്രിമിനൽ കോടതി കനത്ത പിഴയും നാടുകടത്തലും ശിക്ഷിച്ചത്.
52,65,180 സൗദി റിയാൽ (11 കോടിയിലധികം ഇന്ത്യൻ രൂപ) ആണ് കോടതി ചുമത്തിയിരിക്കുന്ന പിഴ. മൂന്ന് മാസം മുമ്പാണ് കേസിന് ആസ്പദമായ സംഭവം നടന്നത്. സൗദി അറേബ്യയേയും ബഹ്‌റൈനിനെയും ബന്ധിപ്പിക്കുന്ന കിങ് ഫഹദ് കോസ്വേയിൽ കസ്റ്റംസ് പരിശോധനക്കിടെ ഇയാൾ പിടിയിലാകുകയായിരുന്നു.
നാലായിരത്തോളം മദ്യകുപ്പികളാണ് ഇയാളുടെ ട്രെയിലറിൽ നിന്ന് കസ്റ്റംസ് ഉദ്യോഗസ്ഥർ പിടിച്ചത്. എന്നാൽ ട്രെയിലറിൽ മദ്യക്കുപ്പികളായിരുന്നുവെന്ന് തനിക്ക് അറിയില്ലായിരുന്നെന്ന് യുവാവ് കോടതിയിൽ വാദിച്ചെങ്കിലും തെളിവുകൾ അദ്ദേഹത്തിന് എതിരായിരുന്നു.
കേസിൽ അപ്പീൽ കോടതിയിൽ നിരപരാധിത്വം തെളിയിക്കാൻ കോടതി ഒരുമാസം സമയം അനുവദിച്ചിട്ടുണ്ട്. നാലു വർഷമായി ജിദ്ദയിലെ ഒരു സ്വകാര്യ കമ്പനിയിൽ ഡ്രൈവറായി ജോലി ചെയ്യുകയാണ് ശിക്ഷിക്കപ്പെട്ട മലയാളി യുവാവ്. പിഴയടച്ചാൽ കരിമ്പട്ടികയിൽ പെടുത്തി നാടുകടത്തും.
പിടികൂടിയ മദ്യത്തിന്റെ വിലക്കനുസരിച്ചാണ് ഇത്തരം കേസുകളിൽ പിഴ ചുമത്തുന്നത്. പിഴ അടച്ചില്ലെങ്കിൽ പിഴക്ക് തുല്യമായ കാലയളവിൽ ജയിലിൽ കഴിയേണ്ടി വരും. പിന്നീട് സൗദി അറേബ്യയിലേക്ക് തിരിച്ചുവരാനാകില്ല. ഇത്തരം കേസിൽ സമീപകാലത്ത് ലഭിച്ച ഏറ്റവും വലിയ പിഴ ശിക്ഷയാണിത്.
ഉദയ്പൂർ: രാജസ്ഥാനിലെ ഉദയ്പൂരിൽ തീവ്ര ഇസ്‌ലാമിസ്റ്റുകളാൽ കൊല്ലപ്പെട്ട തയ്യൽക്കാരൻ കനയ്യ ലാലിന്റെ കുടുംബത്തെ സഹായിക്കാൻ ബി.ജെ.പി നേതാവ് കപിൽ മിശ്ര നടത്തിയ ധനസമാഹരണം 24 മണിക്കൂറിനുള്ളിൽ ലക്ഷ്യം കണ്ടു. 24 മണിക്കൂറിനുള്ളിൽ ധനസമാഹരണം ഒരു കോടി രൂപ സമാഹരിക്കുക എന്ന ലക്ഷ്യം പൂർത്തീകരിച്ചു. കനയ്യ ലാലിന്റെ കുടുംബത്തിന് ഇപ്പോഴും സഹായങ്ങൾ വന്നുകൊണ്ടിരിക്കുകയാണ്.
ബി.ജെ.പിയുടെ മുൻ വക്താവ് നൂപുർ ശർമ്മ പ്രവാചകൻ മുഹമ്മദ് നബിയെ കുറിച്ച് നടത്തിയ മതനിന്ദ പരാമർശങ്ങളെ പിന്തുണച്ചതിനാണ് കനയ്യ ലാലിനെ ഇസ്ലാമിസ്റ്റുകളായ റിയാസ് ജബ്ബാറും ഗൗസ് മുഹമ്മദും ചേർന്ന് കൊലപ്പെടുത്തിയത്. തലവെട്ടിയായിരുന്നു കൊലപാതകം. ശേഷം, പ്രതികൾ ദൃശ്യങ്ങൾ സോഷ്യൽ മീഡിയയിൽ പ്രചരിപ്പിച്ചു. പ്രതികളെ പോലീസ് പിടികൂടിയ ശേഷമാണ്, ബി.ജെ.പി നേതാവ് കപിൽ മിശ്ര മുൻകൈയെടുത്ത് ധനസമാഹരണ പ്ലാറ്റ്‌ഫോമായ ക്രൗഡ്‌കാഷിൽ കനയ്യ ലാലിന്റെ കുടുംബത്തിനായി ധനസമാഹരണം നടത്തിയത്. സംഭാവന നൽകാൻ ആളുകളോട് അദ്ദേഹം അഭ്യർത്ഥിക്കുകയും ചെയ്തു. ‘മതത്തിന്റെ പേരിൽ കനയ്യ ലാൽ ജി ക്രൂരമായി കൊല്ലപ്പെട്ടു. ഈ അവസ്ഥയിൽ അവരുടെ കുടുംബത്തെ ഉപേക്ഷിക്കാൻ ഞങ്ങൾക്ക് കഴിയില്ല. കുടുംബത്തിന് ഒരു ധനസഹായം നിർമ്മിക്കാൻ ഞങ്ങൾ തീരുമാനിച്ചു, കൂടാതെ ഒരു കോടി രൂപ ഫണ്ട് സ്വരൂപിക്കാൻ ഞങ്ങൾ ലക്ഷ്യമിടുന്നു. കുടുംബത്തെ നേരിട്ട് സന്ദർശിച്ച് തുക കൈമാറും. ഈ ആവശ്യത്തിനായി സംഭാവന നൽകാൻ ഞാൻ ആളുകളോട് അഭ്യർത്ഥിക്കുന്നു’, അദ്ദേഹം പറഞ്ഞു.കനയ്യ ലാലിന്റെ മകനുമായും കപിൽ മിശ്ര സംസാരിച്ചു. മറ്റൊരു ട്വീറ്റിലാണ് അദ്ദേഹം ഇത് സംബന്ധിച്ച വിവരം പങ്കുവെച്ചത്. ‘ഞാൻ കനയ്യ ലാൽ ജിയുടെ മകൻ യാഷുമായി ഒരു ഹ്രസ്വ സംഭാഷണം നടത്തി. ദുഃഖത്തിന്റെ ഈ വേളയിൽ ഞങ്ങളെല്ലാം അവർക്കൊപ്പമുണ്ടെന്ന് ഞാൻ അദ്ദേഹത്തോട് പറഞ്ഞു. നാമെല്ലാവരും ഈ കുടുംബത്തോട് കടപ്പെട്ടിരിക്കുന്നു. ലോകമെമ്പാടുമുള്ള ഹിന്ദുക്കൾ കനയ്യ ലാൽ ജിയുടെ പരമമായ ത്യാഗത്തിന് മുന്നിൽ നമിക്കുന്നു. അവരുടെ കുടുംബത്തെ ഞങ്ങൾ ഉപേക്ഷിക്കില്ല. ധീരനായ പിതാവിന്റെ ശോഭയുള്ള മകനാണ് യാഷ്’, കപിൽ മിശ്ര പറഞ്ഞു.ഒരു കോടി രൂപ എന്ന ലക്ഷ്യം പൂർത്തിയാക്കിയ ശേഷം, എല്ലാ ദാതാക്കൾക്കും നന്ദി അറിയിച്ച കപിൽ മിശ്ര, കനയ്യ ലാലിനെ രക്ഷിക്കാനുള്ള ശ്രമത്തിൽ ഗുരുതരമായി പരിക്കേറ്റ ഈശ്വർ സിംഗിന് 25 ലക്ഷം രൂപ സംഭാവന നൽകുമെന്നും വ്യക്തമാക്കി.
മലപ്പുറം: ബൈക്കപകടത്തിൽ ഗുരുതരമായി പരിക്കേറ്റ ശങ്കു ടി ദാസ് കണ്ണ് തുറന്നതായി റിപ്പോർട്ട്. കെ സുരേന്ദ്രൻ പങ്കുവെച്ച ഫേസ്ബുക്ക് പോസ്റ്റിലാണ് ഈ വിവരങ്ങൾ ഉള്ളത്. അദ്ദേഹം പ്രതികരിക്കുന്നതായും സഹോദരൻ അറിയിച്ചതായി സുരേന്ദ്രൻ പങ്കുവെക്കുന്നു.
ഫേസ്ബുക്ക് പോസ്റ്റിന്റെ പൂർണ്ണ രൂപം: ‘ശങ്കു. ടി. ദാസ് കണ്ണു തുറന്നുവെന്നും പ്രതികരിക്കുന്നുണ്ടെന്നും സഹോദരൻ ഭാസ്കർ വിളിച്ചുപറഞ്ഞ ശുഭവാർത്ത പങ്കുവെക്കുകയാണ്. പ്രാർത്ഥനകൾ തുടരുക.’
ജൂൺ 23ന് രാത്രി ഓഫീസിൽ നിന്ന് മടങ്ങുമ്പോൾ ചമ്രവട്ടത്തിന് സമീപം പെരുന്തല്ലൂരിൽ ആണ് അപകടം ഉണ്ടായത്. ശങ്കു ടി ദാസ് സഞ്ചരിച്ച ബൈക്ക് മറ്റൊരു ബൈക്കുമായി കൂട്ടിയിടിക്കുകയായിരുന്നു. ആദ്യം കോട്ടക്കൽ ഉള്ള സ്വകാര്യ ആശുപത്രിയിൽ പ്രവേശിപ്പിച്ച ശങ്കു. ടി. ദാസിനെ പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു. കരളിനാണ് പരിക്കേറ്റതെന്നും ശസ്ത്രക്രിയയ്ക്ക് വിധേയനാക്കിയെന്നും ഡോക്ടർമാർ അറിയിച്ചു. ബാർ കൗണ്‍സിൽ അംഗമായ ശങ്കു ടി ദാസ്, കഴിഞ്ഞ നിയമസഭാ തെര‍ഞ്ഞെടുപ്പിൽ തൃത്താലയിലെ ബിജെപി സ്ഥാനാർഥിയായിരുന്നു. പന്തളം കൊട്ടാരത്തിലെ ചെമ്പോല തിട്ടൂരം എന്ന പേരിൽ മോൻസൺ മാവുങ്കൽ നിർമിച്ച വ്യാജരേഖയിൽ അന്വേഷണം ആവശ്യപ്പെട്ട് പൊലീസ് മേധാവിക്ക് പരാതി നൽകിയതും ശങ്കു. ടി. ദാസ് ആണ്.
വീട്ടമ്മമാരും കന്യാസ്ത്രീകളും ഉള്ള ഇടവക ഗ്രൂപ്പിലേക്ക് അശ്ളീല വീഡിയോ അയച്ചു:വൈദികനെതിരെ പരാതി.
കണ്ണൂര്‍: വീട്ടമ്മമാരും കന്യാസ്ത്രീകളും ഉള്ള വാട്സ്ആപ് ഗ്രൂപ്പിലേക്ക് വൈദികന്‍ അശ്ളീല വീഡിയോ അയച്ചതായി പരാതി. കണ്ണൂർ അടയ്ക്കാത്തോട് പള്ളി വികാരി ഫാദർ സബാസ്റ്റ്യൻ കീഴേത്തിനെതിരെയാണ് പരാതി ഉയര്‍ന്നിരിക്കുന്നത്. മാതൃവേദി സംഘടനയുടെ ഡയറക്ടർ കൂടിയായ പുരോഹിതനെതിരെയാണ് ആരോപണം വന്നിരിക്കുന്നത്.
വൈദികനെതിരെ നടപടി ആവശ്യപ്പെട്ട് വീട്ടമ്മമാ‍ർ മാനന്തവാടി ബിഷപ്പിനെ സമീപിച്ചു. അതേസമയം, പിശക് പറ്റിയതാണ് എന്നാണ് ഫാദർ സബാസ്റ്റ്യൻ കീഴേത്ത് നല്‍കുന്ന വിശദീകരണം. മറ്റൊരു വൈദികൻ അയച്ചുതന്ന വീഡിയോ തിരിച്ചയച്ചപ്പോൾ പിശക് പറ്റിയെന്നാണ് ഇദ്ദേഹം പറയുന്നത്.നാനൂറിലധികം വനിതകളുള്ള ഭക്തസംഘത്തിന്റെ വാട്സാപ്പിലേക്കാണ് വീഡിയോ അയച്ചത്. പരാതിയെത്തുടര്‍ന്ന് വൈദികനെ ചുമതലകളിൽ നിന്നും നീക്കിയതായി മാനന്തവാടി രൂപത പിആർഒ സാലു എബ്രഹാം പറഞ്ഞു. വീട്ടമ്മമാരുടെ പരാതി ഗൗരവത്തോടെ രൂപത കാണുന്നു. മൂന്നംഗ കമ്മറ്റിയുടെ തെളിവെടുപ്പിന് ശേഷം തുടർ നടപടി ഉണ്ടാകും.
കൊച്ചി: നാഷനൽ ഹെറാൾഡ് പത്രവുമായി ബന്ധപ്പെട്ട കള്ളപ്പണക്കേസിൽ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്യും എന്ന അഭ്യൂഹം പരന്നപ്പോള്‍ അതില്‍ പ്രശ്നമില്ലെന്നാണ് കോൺഗ്രസ് നേതാവ് രാഹുല്‍ ഗാന്ധി തന്നോട് പറഞ്ഞതെന്ന് എഐസിസിസി ജനറല്‍ സെക്രട്ടറി കെ.സി.വേണുഗോപാല്‍. ജയിലില്‍ കിടന്നോളാം, പക്ഷേ ആശുപത്രിയില്‍ കിടക്കുന്ന അമ്മ ഇതറിയരുത് എന്നു മാത്രമായിരുന്നു രാഹുല്‍ ആവശ്യപ്പെട്ടത്. ഇഡിയുടെ ചോദ്യം ചെയ്യലിന് കോണ്ഗ്രസ് എതിരല്ല. അതിന്റെ രീതിയോടാണ് എതിര്‍പ്പെന്ന് കെ.സി.വേണുഗോപാല്‍ പറഞ്ഞു.
നയതന്ത്ര സ്വര്‍ണക്കടത്തുകേസില്‍ കേന്ദ്ര അന്വേഷണ ഏജന്‍സികള്‍ മുഖ്യമന്ത്രി പിണറായി വിജയനെ കുടുക്കാന്‍ ശ്രമിക്കുന്നു എന്ന ധാരണ മനഃപൂര്‍വം പരത്തി സിപിഎമ്മിനെ സഹായിക്കുകയായിരുന്നു ബിജെപി സര്‍ക്കാര്‍ ചെയ്തത്.
തിരഞ്ഞെടുപ്പിന് ശേഷം അന്വേഷണം നിലച്ചത് അതിന്റെ തെളിവാണ്. അന്വേഷണത്തിന്‍റെ ഭാഗമായി മുഖ്യമന്ത്രിയെ ഒന്നു വിളിച്ചു ചോദിക്കാന്‍ പോലും അന്വേഷണ ഏജന്‍സികള്‍ തയാറായില്ല.
ആരോപണങ്ങള്‍ എല്ലാം വിശ്വസിക്കുന്നില്ലെങ്കിലും അന്വേഷിക്കുന്നതില്‍ എന്താണ് തെറ്റ്. കേരളത്തിലും ബിജെപിയുടെ ടാര്‍ഗറ്റ് കോണ്ഗ്രസ് തന്നെയാണെന്നും കെ.സി. വേണുഗോപാല്‍ പറഞ്ഞു.
കാസർകോട്ടെ മുസ്‌ലീഗ് നേതാവിന്റെ മകനെ 60,24,340 രൂപ വില വരുന്നു സ്വർണവുമായി മംഗളൂരു കസ്റ്റംസ് പിടികൂടി; സ്വർണം ഗോളങ്ങളാക്കി മലദ്വാരത്തിൽ തിരുകി കയറ്റി ഒളിപ്പിച്ച്‌ കടത്താനുള്ള ശ്രമം വിഫലമായി.
മംഗളുരു : മംഗളൂരു അന്താരാഷ്ട്ര വിമാനത്താവളം വഴി കടത്താൻ ശ്രമിച്ച 1 കിലോ 116 ഗ്രാം സ്വർണവുമായി കാസർകോട് സ്വദേശിയെ കസ്റ്റംസ് അധികൃതർ അറസ്റ്റ് ചെയ്തു. ബോവിക്കാനം മുളിയാർ പൊവ്വൽ സ്വദേശി അബ്‌ദുൾ സൽമാൻ (27) ആണ് തിങ്കളാഴ്‌ച കസ്റ്റംസിന്റെ പിടിയിലായത്. ഇയാളിൽനിന്ന്‌ പിടികൂടിയ സ്വർണത്തിന്‌ 60,24,340 രൂപ വില വരും. രാസവസ്‌തുക്കൾ ചേർത്ത്‌ പേസ്റ്റ്‌ രൂപത്തിലാക്കിയ സ്വർണം ഗോളങ്ങളാക്കി മലദ്വാരത്തിൽ തിരുകി കയറ്റി ഒളിപ്പിച്ച്‌ കടത്താനുള്ള ശ്രമമായിരുന്നു കസ്റ്റംസ് മുന്നിൽ തകർന്നു വീണത്. ഇതേ രീതിയിൽ സ്വർണ്ണ വേട്ട നടത്താറുണ്ടെങ്കിലും മലദ്വാരത്തിൽ നിന്നും ഏറ്റവും കൂടുതൽ സ്വർണം പിടികൂടിയത് കേസ് ഇതാണന്നാണ് മംഗളൂരു കസ്റ്റംസ് പറയുന്നത്. അമിതമായ തിരുകിക്കയറ്റിയ സ്വർണ്ണ ഗോളങ്ങൾ യുവാവിൻ്റെ ചലനങ്ങളിൽ ഭാവവ്യത്യാസം ഉണ്ടാക്കുകയും ഇത് നടത്തത്തിൽ പ്രതിപാദിക്കുകയും ചെയ്തതോടെയാണ് കസ്റ്റംസിന് സംശയമുണ്ടായത്.
മുസ്‌ലീഗ് ഉദുമ നിയജക മണ്ഡലം ജനറൽ സെക്ടറിയിയും പവ്വൽ ജുമാമസ്ജിദ് പ്രസിഡണ്ടും കാസർകോട് ജില്ല എസ് വൈ എസ് ജോയിൻറ് സെക്രട്ടറി സമസ്ത മഹൽ ഫെഡറേഷൻ ഉദുമ വർക്കിങ് പ്രസിഡണ്ടുമായ എ ബി ഷാഫിയുടെ മകനാണ് അബ്ദുൽ സൽമാൻ. പ്രതിയുടെ ഭാര്യയും മക്കളും ദുബായിൽ താമസിച്ചുവരികയാണ്. നേരത്തെ പാസ്പോർട്ടിൽ ഫോട്ടോ മാറ്റി ആളുകളെ വിദേശത്തേക്ക് കയറ്റി വിടുന്ന മാഫിയ സംഘത്തിലും ഇവർ പ്രവർത്തിച്ചിരുന്നതായി പറയപ്പെടുന്നു. സംസ്ഥാന സർക്കാറിനെതിരെ സ്വർണ്ണക്കടത്ത് ആരോപണം ഉന്നയിച്ച് നിയമസഭയിലും പുറത്തും പ്രതിഷേധം ഉയൂരുമ്പോഴാണ് മുസ്ലിം ലീഗിൻറെ സമുന്നതനായ നേതാവിൻ്റെ മകൻ മലദ്വാരത്തിൽ ഗോള രൂപത്തിലാക്കി മാറ്റിയ സ്വർണം കടത്തിയത്തിന്ന് കർണാടകയിലെ കസ്റ്റംസിന്റെ പിടിയിലാകുന്നത് .
ഇന്ത്യയിലെ ആദ്യത്തെ ഇന്റഗ്രേറ്റഡ് മീറ്റ് റീട്ടെയില്‍ ബ്രാന്‍ഡായ ബോചെ ദ ബുച്ചര്‍ കോഴിക്കോട്ടും പ്രവര്‍ത്തനമാരംഭിക്കുന്നു. വിവിധ മാംസ ഉത്പന്നങ്ങള്‍ ഒരു കുടക്കീഴില്‍ ലഭിക്കുന്ന അത്യാധുനിക സൗകര്യങ്ങളോട് കൂടിയ ഇത്തരത്തിലുള്ള ആദ്യത്തെ സ്റ്റോറാണിത്.
ചില്‍ഡ് മീറ്റ്, ഫ്രോസന്‍ മീറ്റ് എന്നീ രീതികളില്‍ ബീഫ്, മട്ടന്‍, ചിക്കന്‍, താറാവ്, കാട എന്നിവയുടെ ഇറച്ചി ഇവിടെ ലഭിക്കും. ജൂലൈ 1 വെള്ളിയാഴ്ച വൈകുന്നേരം 4 മണിക്ക് കോഴിക്കോട് എരഞ്ഞിപ്പാലത്തുള്ള ബോചെ ദ ബുച്ചര്‍ സ്റ്റോര്‍, 812 കി.മീ. റണ്‍ യുനീക് വേള്‍ഡ് റെക്കോര്‍ഡ് ജേതാവും ലോകസമാധാനത്തിനുള്ള ഗിന്നസ് റെക്കോര്‍ഡ് ജേതാവുമായ ബോചെ (ഡോ. ബോബി ചെമ്മണൂര്‍) ഉദ്ഘാടനം ചെയ്യും. ഇറച്ചിക്ക് പുറമേ വിവിധ മീറ്റ് അച്ചാറുകള്‍, പച്ചമുളക് ബീഫ് ഗ്രേവി തുടങ്ങിയ ഉത്പന്നങ്ങളും ബോചെ ദ ബുച്ചര്‍ സ്റ്റോറില് ലഭിക്കും. വെറ്റിനറി ഡോക്ടര്‍മാര്‍ പരിശോധിച്ച് സാക്ഷ്യപ്പെടുത്തിയ പ്രീമിയം ക്വാളിറ്റിയിലുള്ള മാംസം മാത്രമാണ് സ്റ്റോറില് ലഭ്യമാവുക. ശുചിത്വപൂര്‍ണമായ അന്തരീക്ഷത്തില്‍ ഇറച്ചി വാങ്ങാനുള്ള സൗകര്യവും ബോചെ ദ ബുച്ചര്‍ ഉറപ്പാക്കുന്നു
സുരക്ഷിതമല്ലെന്ന് കണ്ടെത്തിയ അമൃതംപൊടി സംസ്ഥാനത്തെ അങ്കണവാടികളിൽ വിതരണം ചെയ്തുവെന്ന് കണ്ടെത്തൽ. സിഎജി റിപ്പോർട്ടിലാണ് കണ്ടെത്തലുകൾ. 3556 കിലോ അമൃതം പൊടിയാണ് വിതരണം ചെയ്തത്. 444 കിലോ ബംഗാൾ പയറും സുരക്ഷിതമല്ലെന്ന് കണ്ടെത്തി. അമൃതംപൊടി സുരക്ഷിതമല്ലെന്ന് കണ്ടെത്തിയിട്ടും പിടിച്ചെടുക്കാനോ തിരിച്ചെടുക്കാനോ തയാറായില്ല. ആറ് മാസം മുതൽ മൂന്ന് വയസ് വരെയുള്ള കുട്ടികളിൽ ഇവ ഉപയോഗിച്ചു.സംസ്ഥാനത്ത് സുരക്ഷിതമല്ലെന്ന് കണ്ടെത്തിയ 159 ഭക്ഷ്യ ഉത്പന്നങ്ങളിൽ 35 എണ്ണം തിരിച്ചെടുത്തില്ല. 106 കേസുകളിൽ തുടർ നടപടികൾ സ്വീകരിച്ചില്ല.ശബരിമലയിലെ അരവണ പ്രസാദ ടിന്നിൽ കാലഹരണപ്പെടുന്ന തീയതി രേഖപ്പെടുത്തിയില്ലെന്നും സിഎജി റിപ്പോർട്ടിൽ പരാമർശമുണ്ട്. സംസ്ഥാന ധനകാര്യ കമ്മീഷൻ ശുപാർശകൾ നടപ്പാക്കുന്നില്ലെന്നും സർക്കാർ അംഗീകരിച്ച 325 ശുപാർശകളാൽ 200 എണ്ണം നടപ്പാക്കുന്നില്ലെന്നും റിപ്പോർട്ടിൽ വ്യക്തമാക്കി.
എല്ലാ കാര്യത്തിലും വ്യത്യസ്തത പുലര്‍ത്തുന്ന ബോചെ തന്റെ 53ാം ജന്മദിനം തികച്ചും വ്യത്യസ്തമായി ആഘോഷിച്ചു. മൂന്ന് പുവര്‍ ഹോമുകളിലെ അന്തേവാസി കള്‍ക്കൊപ്പമാണ് പ്രാതലും, ഉച്ച ഭക്ഷണവും അത്താഴവും കഴിച്ചത്. സാധാരണയായി സെലിബ്രിറ്റികള്‍ ചെയ്യുന്നതില്‍ നിന്നും തികച്ചും വ്യത്യസ്തമായിരുന്നു ആഘോഷം. ഒരു ആടിനെ വെട്ടി സ്വയം പാകം ചെയ്ത ‘ബോചെ ലാമ്പ് ഡിങ്കോള്‍ഫി’ അന്തേവാസികള്‍ക്ക് വിളമ്പി അവര്‍ക്കൊപ്പം നൃത്തം ചെയ്യുന്നതിന്റെ വീഡിയോ 30 ലക്ഷത്തിലധികം ജനങ്ങളിലൂടെ വൈറലായി. കുടുംബവും സുഹൃത്തുക്കളും ഇല്ലാതെ അശരണര്‍ക്കൊപ്പമാണ് എല്ലാ വര്‍ഷവും ബോചെ തന്റെ ജന്മദിനം ആഘോഷിക്കാറ്.
കണ്ണൂർ: പയ്യന്നൂരിൽ ഗാന്ധി പ്രതിമയുടെ തലയറുത്ത സംഭവത്തിൽ രണ്ട് ഡി.വൈ.എഫ്.ഐ പ്രവർത്തകർ അറസ്റ്റിൽ. താനിശ്ശേരി സ്വദേശി ടി. അമൽ, മൂരിക്കൂവൽ സ്വദേശി എം.വി. അഖിൽ എന്നിവരാണ് പോലീസിന്റെ പിടിയിലായത്. നേരത്തെ, പ്രതികളെക്കുറിച്ച് വ്യക്തമായ സൂചന ലഭിച്ചിട്ടും പൊലീസ് അറസ്റ്റ് ചെയ്തില്ലെന്ന ആരോപണം ഉയർന്നിരുന്നു. സംഭവവുമായി ബന്ധപ്പെട്ട് കോൺഗ്രസ് ശക്തമായ പ്രതിഷേധം രേഖപ്പെടുത്തിയിരുന്നു.
തുടർന്ന്, കെ.പി.സി.സി പ്രസിഡന്റ് കെ. സുധാകരൻ, പ്രതിപക്ഷ നേതാവ് വി.ഡി. സതീശൻ എന്നിവർ പ്രതിഷേധം അറിയിക്കുകയും ചെയ്തു. ഇതിന് പിന്നാലെയാണ്, പൊലീസ് പ്രതികളെ അറസ്റ്റ് ചെയ്തത്. മുഖ്യമന്ത്രി പിണറായി വിജയനെതിരായി യൂത്ത് കോൺഗ്രസ് പ്രവർത്തകർ വിമാനത്തിൽ പ്രതിഷേധം നടത്തിയ ജൂൺ 13ന് രാത്രിയാണ് ഗാന്ധിപ്രതിമയുടെ തലയറുത്തത്. പയ്യന്നൂരിലെ കോൺഗ്രസ് ബ്ളോക്ക് ഓഫീസിൽ സ്ഥാപിച്ചിരുന്ന പ്രതിമയാണ് പ്രതികൾ തകർത്തത്.
തിരുവനന്തപുരം: തൃശ്ശൂരിൽ വിദ്യാർഥിയെ പീഡിപ്പിച്ച കേസിൽ മദ്രസ അദ്ധ്യാപകൻ അറസ്റ്റിലായ സംഭവത്തിൽ പ്രതികരണവുമായി ജസ്‌ല മാടശ്ശേരിയുടെ ഫേസ്ബുക്ക് പോസ്റ്റ്‌. കൊച്ചു കുട്ടികളെ ജൻഡർ വ്യത്യാസമില്ലാതെ കാമകേളിക്കുപയോഗിക്കുന്ന തൊപ്പിയും തലേക്കെട്ടുമിട്ട വെള്ളയിട്ട മനുഷ്യരെന്ന് ജസ്‌ല ഉസ്താദുമാരെക്കുറിച്ച് പറഞ്ഞു. അറപ്പു തോന്നുന്നു ഈ കാമപ്രാന്തന്മാരെ ഓർത്തെന്നും, എത്ര കുഞ്ഞുങ്ങളെയാണ് ഇവന്മാരെ പോലുള്ളവർ മാനസിക ട്രോമയിലേക്ക് തള്ളി വിടുന്നതെന്നും ജസ്‌ല കുറിച്ചു.
‘സാധാരണ ഇത്തരം വാർത്തകൾ അവഗണിക്കാറാണ് പതിവ്. ദിവസവും വരുന്നത് കൊണ്ട് എന്നും ഒരേ വിഷയത്തിൽ എങ്ങനെ എഴുതും എന്ന് വച്ചിട്ട്. ശ്ശെ നാണം കെട്ട കൊറേ എണ്ണം. ഫേസ്ബുക്കിൽ ഒരു ഫോട്ടോ ഇട്ടാൽ വരെ ഈ മതം പുഴുങ്ങികൾ പറയുന്ന ഭാഷ എന്തൊരശ്ലീലമാണ്’, ജസ്‌ല കുറിച്ചു.
ഫേസ്ബുക്ക് കുറിപ്പിന്റെ പൂർണ്ണരൂപം:
യുക്തിവാദികൾ അമ്മയുമായും പെങ്ങളുമായും അച്ഛനുമായും സഹോദരനുമായും ഒക്കെ ലൈംഗികബന്ധത്തിൽ ഏർപ്പെടുന്നവരാണ്. ആര് പറഞ്ഞു ? ബിശ്വാസികൾ.
ആഴ്ചയിൽ രണ്ടോ മൂന്നോ വീതം ഈ വിശ്വാസികളെ വാർത്തെടുക്കുന്ന മദ്രസകളിൽ നടക്കുന്ന വാർത്തകൾ എന്തൊക്കെ. കുഞ്ഞു കുട്ടികളിലേക്ക് മതം കുത്തിനിറക്കുന്ന മതസ്ഥാപനങ്ങളിലാണ് ഡെയിലി ഇത്തരം വാർത്തകൾ വരുന്നത്. കൊച്ചു കുട്ടികളെ, അത് ജൻഡർ വ്യത്യാസമില്ലാതെ കാമകേളിക്കുപയോഗിക്കുന്ന കുറെ തൊപ്പിയും തലേക്കെട്ടുമിട്ട വെള്ളയിട്ട മനുഷ്യർ. അറപ്പു തോന്നുന്നു ഈ കാമപ്രാന്തന്മാരെ ഓർത്ത്. എത്ര കുഞ്ഞുങ്ങളെ ആണ് ഇവന്മാരെ പോലുള്ളവർ മാനസിക ട്രോമയിലേക്ക് തള്ളി വിടുന്നത്. ഈ ഫ്രസ്‌ട്രേഷൻ ഒക്കെ ഉള്ളിൽ വെച്ചല്ലെ കുട്ടികൾ വളർന്നു വരുന്നതും പലരും ഇതേ രീതി പിന്തുടർന്ന് പോകുന്നതും.
തൃശ്ശൂരിൽ വിദ്യാർഥിയെ പീഡിപ്പിച്ച കേസിൽ മദ്രസ അധ്യാപകൻ അറസ്റ്റിൽ. കയ്പമംഗലം ചളിങ്ങാട് സ്വദേശി തോയപുറത്ത് വീട്ടിൽ ജുബൈറി(36)നെയാണ് മതിലകം ഇൻസ്പെക്ടർ ടി.കെ. ഷൈജുവും സംഘവും അറസ്റ്റ് ചെയ്തത്.13 വയസ്സുള്ള വിദ്യാർത്ഥിയെയാണ് പീഡിപ്പിച്ചത് . ഇയാൾക്കെതിരേ പോക്സോ നിയമപ്രകാരമാണ് കേസെടുത്തിരിക്കുന്നത്.
സാധാരണ ഇത്തരം വാർത്തകൾ അവഗണിക്കാറാണ് പതിവ്. ദിവസവും വരുന്നത് കൊണ്ട് എന്നും ഒരേ വിഷയത്തിൽ എങ്ങനെ എഴുതും എന്ന് വെച്ചിട്ട്. ശ്ശെ നാണം കെട്ട കൊറേ എണ്ണം. ഫേസ്ബുക്കിൽ ഒരു ഫോട്ടോ ഇട്ടാൽ വരെ ഈ മതം പുഴുങ്ങികൾ പറയുന്ന ഭാഷ എന്തൊരശ്ലീലമാണ്. അതു പക്ഷെ സ്ത്രീകളോടും കമ്മ്യൂണിറ്റി മെമ്പേഴ്സിനോടുമൊക്കെ പറയുകയുള്ളൂ. ഇതുപോലെ പരിപാടി ചെയ്യുന്നവരോട് എത്ര മാന്യമായാണ് ഈ മതത്തിന്റെ ആളുകൾ സംസാരിക്കുന്നത്. എന്നും ആവർത്തിക്കപ്പെടുന്ന ഈ സംഭവങ്ങൾ അവർക്കു എന്നും ഒറ്റപ്പെട്ട സംഭവങ്ങളാണ്.
റിയാദ്: സൗദി അറേബ്യന്‍ തുറമുഖ നഗരമായ ജിദ്ദയില്‍ നടക്കുന്ന സര്‍ക്കാരിന്റെ കുടിയൊഴിപ്പിക്കലുകളും കെട്ടിടം പൊളിക്കലും രാജ്യത്തെ പ്രവാസികള്‍ക്കെതിരായ വിവേചനമാണെന്ന് റിപ്പോര്‍ട്ട്.
സര്‍ക്കാരിന്റെ നിര്‍ബന്ധിത ഒഴിപ്പിക്കലുകള്‍ അന്താരാഷ്ട്ര മനുഷ്യാവകാശ സ്റ്റാന്‍ഡേര്‍ഡുകളെ ലംഘനമാണെന്നും ആംനെസ്റ്റി ഇന്റര്‍നാഷണല്‍ ബുധനാഴ്ച പുറത്തുവിട്ട റിപ്പോര്‍ട്ടില്‍ പറയുന്നു.
2021ന്റെ അവസാനം മുതല്‍ 2022ന്റെ തുടക്കം വരെ ജിദ്ദയുടെ തെക്കന്‍ പ്രദേശങ്ങളില്‍ നടത്തിയ കെട്ടിടം പൊളിക്കലുകളിലും കുടിയൊഴിപ്പിക്കലുകളിലുമായി ആയിരക്കണക്കിന് ജനങ്ങള്‍ക്കാണ് വീട് നഷ്ടപ്പെട്ടത്. ജിദ്ദയുടെ വിശാലമായ വികസന പദ്ധതിയുടെ ഭാഗമായാണ് അധികൃതര്‍ ഇവരെ ഒഴിപ്പിക്കുന്നത്.
ജിദ്ദയിലെ, കുടിയൊഴിക്കപ്പെടുന്നവരില്‍ 47 ശതമാനം പേരും പ്രവാസികളാണെന്നും റിപ്പോര്‍ട്ടില്‍ പറയുന്നു. കുടിയൊഴിപ്പിക്കലിന്റെ ഭാഗമായി സൗദി അധികൃതര്‍ നഷ്ടപരിഹാര സ്‌കീം പ്രഖ്യാപിച്ചിട്ടുണ്ടെങ്കിലും പ്രവാസികളെ ഇതില്‍ നിന്നും ഒഴിവാക്കിയിരിക്കുകയാണ്.
മാറിത്താമസിക്കുന്നത് സംബന്ധിച്ച് ചിന്തിക്കാന്‍ പോലും അധികൃതര്‍ സമയം നല്‍കിയില്ലെന്നും ചിലര്‍ക്ക് തങ്ങളുടെ ഫര്‍ണിച്ചറുകള്‍ റോഡുകളിലുപേക്ഷിച്ച് പാലങ്ങള്‍ക്കും മറ്റും താഴെ അഭയം പ്രാപിക്കേണ്ടി വന്നതായും പ്രവാസികളും ദൃക്‌സാക്ഷികളും പറഞ്ഞതായി മിഡില്‍ ഈസ്റ്റ് ഐ റിപ്പോര്‍ട്ട് ചെയ്തു.
കൃത്രിമമായ ഈ മോടി കാണിക്കല്‍ കൊണ്ട് ലോകത്തെ മണ്ടന്മാരാക്കാനാകില്ല,” ആംനെസ്റ്റി ഇന്റര്‍നാഷണലിന്റെ മിഡില്‍ ഈസ്റ്റിലെയും നോര്‍ത്ത് ആഫ്രിക്കയിലെയും ആക്ടിങ് ഡെപ്യൂട്ടി ഡയറക്ടര്‍ ഡയാന സെമാന്‍ പറഞ്ഞു.
താമസസ്ഥലം ഒഴിയാന്‍ മതിയായ സമയമോ വേറെ വീട് കണ്ടെത്താന്‍ വേണ്ട നഷ്ടപരിഹാരമോ നല്‍കാതെയാണ് ഇവരെ വീടുകളില്‍ നിന്നും അടിച്ചിറക്കിയതെന്നും ഡയാന സെമാന്‍ കൂട്ടിച്ചേര്‍ത്തു.
നഷ്ടപരിഹാരം നല്‍കുന്നതില്‍ സൗദി പൗരന്മാരെന്നോ പ്രവാസികളെന്നോ ഉള്ള വ്യത്യാസമോ രേഖകള്‍ ഉള്ളവരെന്നോ ഇല്ലാത്തവരെന്നോ ഉള്ള വ്യത്യാസമോ കാണിക്കരുതെന്നും റിപ്പോര്‍ട്ടില്‍ നിര്‍ദേശിക്കുന്നുണ്ട്.
സൗദി അറേബ്യയിലെ ഏറ്റവും വലിയ രണ്ടാമത്തെ നഗരമായ ജിദ്ദയില്‍ 45 ലക്ഷമാണ് ജനസംഖ്യ.
20 ബില്യണ്‍ ഡോളര്‍ പദ്ധതിയുടെ വികസന പദ്ധതിയാണ് ജിദ്ദയില്‍ സര്‍ക്കാര്‍ നടപ്പാക്കുന്നത്. മ്യൂസിയം, സ്‌പോര്‍ട്‌സ് സ്‌റ്റേഡിയം എന്നിവ അടങ്ങുന്നതാണ് പദ്ധതി.
സംസ്ഥാനത്ത് വൈദ്യുതി നിരക്കിൽ വർധന. പുതുക്കിയ വൈദ്യുതി നിരക്ക് ഇന്ന് പ്രഖ്യാപിക്കുമെന്ന് റിപ്പോർട്ട്. വൈദ്യുതി റെഗുലേറ്ററി കമ്മിഷന്‍ അധ്യക്ഷന്‍ പ്രേമന്‍ ദിന്‍രാജ് ഉച്ചയ്ക്ക് 3.30ന് വാര്‍ത്താസമ്മേളനത്തില്‍ നിരക്ക് വര്‍ധന പ്രഖ്യാപിക്കുന്നതായിരിക്കും. യൂണിറ്റിന് ശരാശരി 60 പൈസവരെ വർധിക്കാനാണ് സാധ്യത. യൂണിറ്റിന് ശരാശരി 92 പൈസയുടെ വര്‍ദ്ധന വേണമെന്നാണ് കെഎസ്ഇബിയുടെ ആവശ്യം എന്നത്. 2019 ജൂലൈ 19ന് അംഗീകരിച്ച വൈദ്യുതി നിരക്കാണ് സംസ്ഥാനത്ത് നിലവിൽ ഉള്ളത്.
അതോടൊപ്പം തന്നെ നിരക്ക് തീരുമാനിക്കാനുള്ള അധികാരം റെഗുലേറ്ററി കമ്മീഷനാണ്. ഗാര്‍ഹിക വൈദ്യുതി നിരക്കില്‍ തന്നെ 18 ശതമാനം വര്‍ദ്ധനയാവശ്യപ്പെട്ടുള്ള താരിഫ് പ്ലാനാണ് വൈദ്യുതി ബോര്‍ഡ് റഗുലേറ്ററി കമ്മീഷന് സമര്‍പ്പിച്ചിരിക്കുന്നത്. ചെറുകിട വ്യവസായിക ഉപഭോക്താക്കള്‍ക്ക് 11.88 ശതമാനവും, വന്‍കിട വ്യാവസായിക ഉപഭോക്താക്കള്‍ക്ക് 11.47 ശതമാനം വര്‍ദ്ധനയും വേണമെന്നാണ് കെഎസ്ഇബിയുടെ ശുപാര്‍ശ എന്നത്.
അതേസമയം ചെറുകിട കാര്‍ഷിക ഉപഭോക്താക്കള്‍ക്ക് നിലവില്‍ യൂണിറ്റിന് 2.75 രൂപയെന്നത് 3.64 രൂപയാക്കണം. വന്‍കിട കാര്‍ഷിക ഉപഭോക്താക്കള്‍ക്ക് 5.67 രൂപയെന്നത് 6.86 രൂപയാക്കി ഉയര്‍ത്തണം. കൊച്ചി മെട്രോക്കുള്ള നിരക്ക് യൂണിറ്റിന് 6.46 രൂപയെന്നത് 7.18 ആക്കി ഉയര്‍ത്തണമെന്നും കെഎസ്ഇബി ആവശ്യപ്പെട്ടിരിക്കുകയാണ്. അങ്ങനെ വരവും ചെലവും കണക്കാക്കിയുള്ള വര്‍ധന ആണ് കെഎസ്ഇബി ആവശ്യപ്പെട്ടിരിക്കുന്നത്. നിലവിലെ സാഹചര്യത്തില്‍ തന്നെ ബോര്‍ഡിന്റെ ആവശ്യത്തില്‍ വലിയ ഭേദഗതികള്‍ ഇല്ലാതെ നിരക്ക് വര്‍ധനവ് ഉണ്ടായേക്കുന്നതാണ്. നിരക്ക് വര്‍ദ്ധനയിലൂടെ 2,284 കോടി വരുമാനം കണ്ടെത്താനാകുമെന്നാണ് കെഎസ്ഇബി നിലവിൽ പ്രതീക്ഷിക്കുന്നത്.
കുവൈറ്റിലെത്തിക്കുന്ന സ്ത്രീകളെ കണ്ണൂർ സ്വദേശി ഗസാലി എന്ന മജീദ് അറബികൾക്ക് വിൽക്കും. പത്തു ലക്ഷം രൂപ വരെ വാങ്ങും. അറബികൾ രാവിലെ 7 മുതൽ രാത്രി 11 വരെ കഠിനമായി പണിയെടുപ്പിക്കും. ദിവസം ഒരു കട്ടൻചായയും കുബൂസും മാത്രമാണ് കഴിക്കാൻ ലഭിച്ചതെന്ന് തിരിച്ചെത്തിയ തൃക്കാക്കര സ്വദേശിനി പറഞ്ഞു.മുഖത്ത് ചൂടുവെള്ളം ഒഴിക്കുക, വയറ്റിൽ ചവിട്ടുക, മർദ്ദിക്കുക തുടങ്ങിയ ക്രൂരതകൾക്ക് ഇരയായി. മടങ്ങണമെന്നാവശ്യപ്പെട്ടപ്പോൾ സിറിയയിലെ ഐസിസ് ഭീകരർക്ക് വിൽക്കുമെന്ന് മജീദ് ഭീഷണിപ്പെടുത്തി. അരലക്ഷം രൂപ നാട്ടിൽ മകനിൽ നിന്ന് വാങ്ങിയശേഷമാണ് തിരിച്ചയച്ചതെന്നും പൊലീസിന് നൽകിയ പരാതിയിൽ പറയുന്നു.
കുവൈറ്റിൽ ഹോം നഴ്സ്, ആയ ജോലികൾക്ക് ആളെ വേണമെന്ന നോട്ടീസ് പട്ടണങ്ങളിൽ പതിപ്പിച്ചാണ് തട്ടിപ്പ് ആസൂത്രണം ചെയ്തത്. കൊച്ചി രവിപുരത്തെ ഗോൾഡൻ വയയുടെ നടത്തിപ്പുകാരായ ആനന്ദ്, അജുമോൻ എന്നിവരാണ് മനുഷ്യക്കടത്ത് നടത്തുന്നത്. നോട്ടീസ് കണ്ട് ബന്ധപ്പെടുന്നവരെ ഗോൾഡൻ വയയിൽ എത്താൻ നിർദ്ദേശിക്കും. എല്ലാ അംഗീകാരവുമുള്ള സ്ഥാപനമെന്ന് സ്ഥാപിക്കാൻ ചില രേഖകൾ കാണിക്കും. ആർ.ടി.പി.സി.ആർ പരിശോധനയുടെ ചെലവ് മാത്രം വഹിച്ചാൽ മതിയെന്ന് അറിയിക്കും. തുടർന്ന് വിസിറ്റിംഗ് വിസ നൽകി ദുബായിലെത്തിക്കും. അവിടെ നിന്ന് റോഡ് മാർഗമാണ് കുവൈറ്റിലെത്തിച്ചിരുന്നതെന്ന് ഇരകൾ പറയുന്നു.
ചൈനയിൽ നിന്നും പാകിസ്ഥാൻ സ്വന്തമാക്കിയ യുദ്ധക്കപ്പലുകൾ ഒരു ഉപയോഗവുമില്ലാത്ത കാഴ്ചവസ്തുക്കളാകുന്നു എന്ന് റിപ്പോർട്ട്. നിരവധി സാങ്കേതിക പോരായ്മകൾ ഈ കപ്പലുകളുടെ പ്രവർത്തനത്തെ നിരന്തരമായി തടസപ്പെടുത്തുന്നുവെന്ന് പ്രതിരോധ മാദ്ധ്യമങ്ങൾ റിപ്പോർട്ട് ചെയ്യുന്നു. പാകിസ്ഥാൻ നാവികസേനയുടെ ഭാഗമായിട്ടുള്ള ചൈനീസ് നിർമ്മിത മൾട്ടിറോൾ ഫ്രിഗേറ്റുകൾക്കാണ് സാങ്കേതിക പ്രശ്നങ്ങളുള്ളത്. കപ്പലിൽ നിന്നും മിസൈലുകൾ വിക്ഷേപിക്കാൻ കഴിയാത്ത അവസ്ഥയാണുള്ളത്
2009 ജൂലായിൽ നാല് ചൈനീസ് യുദ്ധക്കപ്പലുകൾ വാങ്ങുവാനാണ് പാകിസ്ഥാൻ തീരുമാനിച്ചത്. ഇതിൽ മൂന്നെണ്ണം ചൈന ഷിപ്പ് ബിൽഡിംഗ് ട്രേഡിംഗ് കമ്പനിയിൽ നിന്നും നേരിട്ടും, ഒരെണ്ണം ചൈനീസ് കമ്പനിയുമായുള്ള സാങ്കേതിക കൈമാറ്റ കരാറോടെ കറാച്ചി ഷിപ്പ്യാർഡ് ആൻഡ് എഞ്ചിനീയറിംഗ് വർക്ക്സിൽ നിർമ്മിച്ചതുമാണ്. 2013നുള്ളിൽ കരാർ പ്രകാരം നാല് കപ്പലുകളും പാക് നാവിക സേനയ്ക്ക് കൈമാറി. 750 മില്യൺ ഡോളറിന്റെ കരാറാണ് യുദ്ധക്കപ്പലുകൾക്കായി പാകിസ്ഥാൻ ചൈനയുമായി ഒപ്പുവച്ചത്. ഇതാദ്യമായിട്ടല്ല ചൈനയുടെ ആയുധങ്ങൾ വാങ്ങി പാകിസ്ഥാൻ അബദ്ധത്തിലാവുന്നത്. അടുത്തിടെ പാകിസ്ഥാൻ സൈന്യം ചൈനയിൽ നിന്ന് ഇറക്കുമതി ചെയ്ത ടാങ്കുകൾക്കും, പീരങ്കി തോക്കുകൾക്കും ഗുണനിലവാരത്തിൽ വീഴ്ചകളുണ്ടെന്ന് കണ്ടെത്തിയിരുന്നു. ലോകത്തിലെ മറ്റ് ആയുധ നിർമ്മാതാക്കളായ അമേരിക്ക, റഷ്യ എന്നിവയുടേത് പോലെ ഗുണനിലവാരത്തിൽ മുൻപന്തിയിൽ നിൽക്കാൻ ചൈനയ്ക്ക് ഒരിക്കലും കഴിഞ്ഞിട്ടില്ല. പ്രധാനമായും ചൈനീസ് ആയുധങ്ങൾ യുദ്ധത്തിൽ പരീക്ഷിക്കപ്പെടുന്നില്ലെന്നതും പോരായ്മയാണ്.
ഇ.ഡിക്കും മോദി സർക്കാറിനും തന്നെ ഭയപ്പെടുത്താനാകില്ലെന്ന് കോൺഗ്രസ് അധ്യക്ഷൻ രാഹുൽ ഗാന്ധി. അഗ്നിപഥ് പദ്ധതിക്കെതിരെ കോൺഗ്രസ് സംഘടിപ്പിച്ച പ്രതിഷേധ പരിപാടിയിലാണ് ഇ.ഡിയുടെ ചോദ്യം ചെയ്യലിനെ താൻ ഭയക്കുന്നില്ലെന്ന് രാഹുൽ ഗാന്ധി പറഞ്ഞത്. ഇ.ഡി മുറിയിൽ താൻ ഒറ്റയ്ക്കായിരുന്നില്ല. ഓരോ കോൺഗ്രസ് പ്രവർത്തകനും, ഓരോ നേതാവുമുണ്ടായിരുന്നു.സർക്കാറിനെതിരെ നിൽക്കുന്ന ഓരോ ഇന്ത്യക്കാരനും തന്റെ പിറകിലുണ്ട്. പിന്നെ താൻ എങ്ങനെ ക്ഷീണിതനാകുമെന്നും രാഹുൽ പറഞ്ഞു. ഇ.ഡിയും ഇത്തരത്തിലുള്ള ഏജൻസികളും തന്നെ ബാധിക്കില്ലെന്നും അദ്ദേഹം പറഞ്ഞു. ഇത്രമാത്രം ക്ഷമ എവിടുന്നു കിട്ടി എന്ന ഇ.ഡി ഉദ്യോഗസ്ഥരുടെ ചോദ്യത്തിന്. 2004 മുതൽ ഞാൻ കോൺഗ്രസിൽ പ്രവർത്തിക്കുകയാണെന്നും, അവിടെ നിന്നാണ് ക്ഷമ കൈവന്നത് എന്ന് താൻ ഉത്തരം നൽകിയതെന്നും അദ്ദേഹം കൂട്ടിച്ചേർത്തു.അഗ്നിപഥ് പിൻവലിക്കുന്നതു വരെ പോരാട്ടം തുടരുമെന്നും രാഹുൽ വ്യക്തമാക്കി. ‘കർഷക സമരം പിൻവലിക്കേണ്ടി വരുമെന്ന് താൻ നേരത്തെ പറഞ്ഞിരുന്നു. അഗ്നിപഥ് പദ്ധതിയും പിൻവലിക്കേണ്ടി വരുമെന്ന് കോൺഗ്രസ് പറയുകയാണിപ്പോൾ. രാജ്യത്തിന്റെ സൈന്യത്തെ ദുർബലപ്പെടുത്തുകയാണ് അവർ. യഥാർത്ഥ ദേശസ്‌നേഹം എന്താണ് എന്ന് രാജ്യത്തെ ജനങ്ങൾക്കറിയാമെന്നും ഈ പദ്ധതി പിൻവലിക്കുമെന്ന് ഞങ്ങൾ ഉറപ്പു നൽകുന്നുവെന്നും അദ്ദേഹം കൂട്ടിച്ചേർത്തു.
അതേസമയം, നാഷണൽ ഹെറാൾഡ് കേസിൽ അഞ്ചു ദിവസത്തിനിടെ അമ്പത് മണിക്കൂറാണ് രാഹുൽ ഗാന്ധിയെ ഇ.ഡി ചോദ്യം ചെയ്തത്. അഞ്ചാം ദിവസം 12 മണിക്കൂറായിരുന്നു ചോദ്യം ചെയ്യൽ.
ഭുവനേശ്വർ: ലോകത്തെ ഏറ്റവും വലിയ ജനാധിപത്യ രാഷ്ട്രത്തിന്റെ അധിപയാകുമെന്ന് ഉറപ്പായിട്ടും ജീവിതരീതികളിൽ മാറ്റമില്ലാതെ ദ്രൗപതി മുർമു. രാഷ്ട്രപതി സ്ഥാനാർത്ഥിയായി ബിജെപി പ്രഖ്യാപിച്ചതിന് ശേഷവും ദിനചര്യകളിലൊന്നും ദ്രൗപതി മാറ്റം വരുത്തിയില്ല. പതിവ് പോലെ ക്ഷേത്ര ദർശനത്തിനെത്തിയ ദ്രൗപതി മുർമു പതിവ് രീതികൾ മാറ്റാൻ തയ്യാറായിട്ടില്ല. പൂർണ്ണന്ദേശ്വര് ശിവക്ഷേത്രത്തിൽ പ്രാർത്ഥന നടത്തുന്നതിന് മുമ്പ് മുർമു ചൂലെടുത്തു ക്ഷേത്ര പരിസരം വൃത്തിയാക്കി. ക്ഷേത്രത്തിന്റെ മുറ്റം വൃത്തിയാക്കുന്ന ദ്രൗപതി മുർമുവിന്റെ ചിത്രങ്ങൾ സമൂഹമാദ്ധ്യമങ്ങളിലടക്കം പ്രചരിക്കുകയാണ്. ഒഡീഷയിലെ മയൂർഭഞ്ച് ജില്ലയിലെ റായങ്പൂർ ടൗൺഷിപ്പിലാണ് ഈ ക്ഷേത്രം.
സന്താൾ ഗോത്രവർഗ നേതാവായ മുർമു ഇന്ന് വീട്ടിന് അടുത്തുള്ള മൂന്നോളം ക്ഷേത്രങ്ങളിൽ ദർശനം നടത്തിയിരുന്നു.റൈരംഗ്പൂർ പ്രജാപിത ബ്രഹ്മ കുമാരി ഈശ്വരീയ വിശ്വ വിദ്യാലയം സന്ദർശിച്ച മുർമു അവിടെയും പ്രാർത്ഥന നടത്തി. ഒഡീഷയിലെ സ്ത്രീകൾ അവരുടെ വീടുകൾക്കും ക്ഷേത്രങ്ങൾക്കും മുന്നിലെ തെരുവുകൾ തൂത്തുവാരുന്നത് വളരെ സാധാരണമാണെന്ന് ബിജെപി സംസ്ഥാന അദ്ധ്യക്ഷൻ സമീർ മൊഹന്തി അഭിപ്രായപ്പെട്ടു.
ഇന്ത്യയുടെ ചരിത്രത്തിൽ ആദ്യമായിട്ടാണ് ആദിവാസി വിഭാഗത്തിൽ നിന്ന് ഒരു രാഷ്ട്രപതി സ്ഥാനാർത്ഥി വരുന്നത്. ജൂലായ് 18നാണ് പുതിയ രാഷ്ട്രപതിക്കായി തിരഞ്ഞെടുപ്പ് നടത്തുന്നത്. ഒഡീഷയിലെ സന്താൾ ആദിവാസി സമൂഹത്തിൽ നിന്ന് ഉയർന്നു വന്ന പ്രമുഖ വനിതാ നേതാവാണ് ദ്രൗപതി മുർമു. രാഷ്ട്രപതി തിരഞ്ഞെടുപ്പിൽ എൻ.ഡി.എക്ക് മുൻതൂക്കമുള്ളതിനാൽ രാജ്യത്ത് ആദിവാസി വിഭാഗത്തിൽ നിന്ന് ഒരു രാഷ്ട്രപതിയെ ലഭിക്കാൻ ഇതോടെ വഴിയൊരുങ്ങി.റൈരംഗ്പൂർ നഗർ പഞ്ചായത്തിൽ കൗൺസിലറായിട്ടാണ് മുർമു രാഷ്ട്രീയ ജീവിതം ആരംഭിച്ചത്. 2000ൽ ഒഡീഷ സർക്കാരിൽ മന്ത്രിയായി. ബി ജെ പി ബന്ധം വിച്ഛേദിച്ച ശേഷം 2009ൽ മുഖ്യമന്ത്രി നവീൻ പട്നായിക്ക് തൂത്തുവാരിയ സംസ്ഥാന തിരഞ്ഞെടുപ്പിലും റൈരംഗ്പൂരിൽ മുർമുവിനെ ജനം കൈവിട്ടില്ല. 2015ൽ ജാർഖണ്ഡ് ഗവർണറായതോടെ സംസ്ഥാനത്തെ ആദ്യ വനിതാ ഗവർണർ എന്ന ബഹുമതിയും ദ്രൗപതി മുർമുവിന് സ്വന്തമാക്കി.
ബാംഗ്ലൂര്‍: ബോചെ ഗോള്‍ഡ് ലോണിന്റെ 158- മത് ബ്രാഞ്ച് ബാംഗ്ലൂരിലെ യെലഹങ്കയില്‍ പ്രവര്‍ത്തനമാരംഭിച്ചു. ജൂണ്‍ 9 ന് വൈകീട്ട് നടന്ന ചടങ്ങ് ചെയര്‍മാന്‍ ബോചെ ഉദ്ഘാടനം ചെയ്തു. ചന്ദ്രമ്മ കേപ് ഗൗഡ, ബി.എന്‍. ഗോവര്‍ദ്ധന്‍, ലക്ഷമി, പത്മാവതി അമര്‍നാഥ് തുടങ്ങിയ പ്രമുഖര്‍ ചടങ്ങില്‍ പങ്കെടുത്തു. കഴിഞ്ഞ ഏതാനും മാസത്തിനുള്ളില്‍ ബോചെ ഗോള്‍ഡ് ലോണിന്റെ 15 പുതിയ ബ്രാഞ്ചുകളാണ് ബാംഗ്ലൂരില്‍ പ്രവര്‍ത്തനമാരംഭിച്ചത്. വരും വര്‍ഷങ്ങളില്‍ ഇന്ത്യയൊട്ടാകെ ചെമ്മണൂര്‍ ക്രെഡിറ്റ്സ് ആന്‍ഡ് ഇന്‍വെസ്റ്റ്മെന്റ്സ് ലിമിറ്റഡിന്റെ 5000 ബോചെ ഗോള്‍ഡ് ലോണ്‍ ബ്രാഞ്ചുകള്‍ ആരംഭിക്കുമെന്ന് ബോചെ അറിയിച്ചു.
ഓരോ ബ്രാഞ്ചിന്റെയും ഉദ്ഘാടനത്തിന് പങ്കെടുക്കുന്നവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെടുന്നവര്‍ക്ക് സൗജന്യ റോള്‍സ് റോയ്സ് യാത്ര, ബോബി ഓക്സിജന്‍ റിസോര്‍ട്ടുകളില്‍ താമസം, ബോചെ മറഡോണ ഗോള്‍ഡ് കോയിന്‍ എന്നിവയാണ് സമ്മാനം. മത്തിക്കര, ജാലഹള്ളി, മദനായകനഹള്ളി, കുനിഗല്‍, മഗദി, ദൊഡ്ഡബല്ലാപ്പൂര്‍, രാജനുകുണ്ടെ, തവരെകെരെ, വിദ്യാരണ്യപുര, ചിക്കബല്ലാപ്പൂര്‍ എന്നീ ബ്രാഞ്ചുകള്‍ ഈയിടെ ഉദ്ഘാടനം ചെയ്തിരുന്നു. നെലമംഗല, കൊത്തന്നൂര്‍ എന്നിവിടങ്ങളിലാണ് മറ്റ് പുതിയ ബ്രാഞ്ചുകള്‍ ആരംഭിക്കുന്നത്.
