എകെ ആന്റണിയുടെ രണ്ടാമത്തെ മകന്‍ അജിത് പോള്‍ ആന്റണിയും രാഷ്ട്രീയത്തിലേക്ക് ,രാഹുൽ പ്രിയങ്ക ​ഗാന്ധി സേനയുടെ ദേശീയ വൈസ് പ്രസിഡന്റായി ചുമതലയേറ്റു.

ഡൽഹി: മുതിർന്ന കോൺ​ഗ്രസ് നേതാവും മുൻ കേന്ദ്ര മന്ത്രിയുമായിരുന്ന എ കെ ആന്റണിയുടെ മകൻ അജിത് പോള്‍ ആന്റണി രാഷ്ട്രീയത്തിലേക്ക്. രാഹുൽ പ്രിയങ്ക ​ഗാന്ധി സേനയുടെ ദേശീയ വൈസ് പ്രസിഡന്റായി ചുമതലയേറ്റാണ് അജിത് പോള്‍ ആന്റണിയുടെ രം​ഗപ്രവേശം. സംഘടനയുടെ ദക്ഷിണേന്ത്യയുടെ ചുമതലയും അദ്ദേഹത്തിനായിരിക്കുമെന്ന് രാഹുൽ പ്രിയങ്ക ​ഗാന്ധി സേന നേതാവ്
ജ​ഗദീഷ് ശർമ്മ ട്വീറ്റ് ചെയ്തു.

​ദീർഘനാളത്തെ ദേശീയ രാഷ്ട്രീയ പ്രവർത്തനം മതിയാക്കി എകെ ആന്റണി കേരളത്തിലേക്ക് തിരിച്ചുവന്നതിന് പിന്നാലെയാണ് അജിത് പോൾ ആന്റണിയുടെ രാഷ്ട്രീയപ്രവേശനമെന്നതും ശ്രദ്ധേയമാണ്. ഇനിയുളള രാഷ്ട്രീയ പ്രവർത്തനം കേരളത്തിലായിരിക്കുമെന്നും അദ്ദേഹം പ്രഖ്യാപിച്ചിരുന്നു. രാജ്യസഭാംഗമായി പതിറ്റാണ്ടുകള്‍ പ്രവര്‍ത്തിച്ചിട്ടുള്ള എ കെ ആന്റണിയുടെ കാലാവധി 2022 ഏപ്രില്‍ രണ്ടിന് അവസാനിച്ചിരുന്നു. പിന്നാലെയാണ് ഡല്‍ഹി വിടുന്നതായി പ്രഖ്യാപിച്ചത്. നിലവില്‍ എഐസിസി അച്ചടക്ക സമിതിയുടെ അധ്യക്ഷന്‍ കൂടിയാണ് എകെ ആന്റണി.

© 2022 Live Kerala News. All Rights Reserved.