ഒമിക്രോണ്‍ വകഭേദം; യൂറോപ്പില്‍ കോവിഡ് മഹാമാരിയുടെ അവസാനഘട്ടത്തിലേക്ക്;ലോകാരോഗ്യ സംഘടന

ലണ്ടന്‍:ഒമിക്രോണ്‍ വകഭേദം യൂറോപ്പില്‍ കോവിഡ് മഹാമാരിയുടെ അന്ത്യത്തോട് അടുക്കുന്നുവെന്ന് ലോകാരോഗ്യ സംഘടന (ഡബ്ല്യൂ.എച്ച്.ഓ). ആദ്യമായിട്ടാണ് ഡബ്ല്യൂ.എച്ച്.ഓ ഇത്തരമൊരു സൂചന നല്‍കുന്നത്. യൂറോപ്പ് മഹാമാരിയുടെ അവസാനഘട്ടത്തിലേക്ക് നീങ്ങുന്നു എന്നത് വിശ്വസനീയമാണ്’ ലോകാരോഗ്യ സംഘടന യൂറോപ്പ് ഡയറക്ടര്‍ ഹാന്‍സ് ക്ലൂഗെ വാര്‍ത്താ ഏജന്‍സിയായ എ.എഫ്.പിക്ക് നല്‍കിയ അഭിമുഖത്തില്‍ പറഞ്ഞു. ഒമിക്രോണ്‍ വകഭേദം കോവിഡ് മഹാമാരിയെ ഒരു പുതിയ ഘട്ടത്തിലേക്ക് പ്രവേശിച്ചു. മാര്‍ച്ചോടെ 60 ശതമാനത്തോളം യൂറോപ്യന്മാരെയും ഒമിക്രോണ്‍ ബാധിച്ചേക്കുമെന്നും ക്ലൂഗെ കൂട്ടിച്ചേര്‍ത്തു.യൂറോപ്പിലുടനീളം വ്യാപിച്ചിരിക്കുന്ന ഒമിക്രോണിന്റെ നിലവിലെ കുതിച്ചുചാട്ടം കുറഞ്ഞുകഴിഞ്ഞാല്‍,ശാന്തമായ കുറച്ച് ആഴ്ചകളും മാസങ്ങളും ഉണ്ടായേക്കാം.ഒരു ആഗോള പ്രതിരോധശേഷി നാം കൈവരിച്ചേക്കും,ഒന്നുകില്‍ വാക്സിന് നന്ദി പറയേണ്ടി വരും. അല്ലെങ്കില്‍ രോഗബാധമൂലം ആളുകളില്‍ പ്രതിരോധശേഷി ലഭ്യമാകും. കോവിഡ് മടങ്ങി വരുന്നതിന് മുമ്പ് ഒരു ശാന്തമായ കാലഘട്ടം ഉണ്ടാകുമെന്ന് തങ്ങള്‍ പ്രതീക്ഷിച്ചു. എന്നാല്‍ കോവിഡ് തിരിച്ചുവരണമെന്ന് ഇല്ലെന്നും ക്ലൂഗെ വ്യക്തമാക്കി.

© 2022 Live Kerala News. All Rights Reserved.