ലണ്ടന്: ദക്ഷിണാഫ്രിക്കയില് കണ്ടെത്തിയ പുതിയ കോവിഡ് വകഭേദം അതീവ ഗൗരവമേറിയതെന്ന് ലോകാരോഗ്യസംഘടന. പുതിയ വകഭേദത്തിന് ഒമൈക്രോണ് എന്നാണ് പേരിട്ടിരിക്കുന്നത്.വൈറസിന്റെ തീവ്രത ആശങ്കപ്പെടുത്തുന്നതാണെന്ന് ലോകാരോഗ്യസംഘടനയും പ്രഖ്യാപിച്ചു.അതിവേഗ ഘടനാമാറ്റവും തീവ്ര വ്യാപന ശേഷിയുമുള്ള ഒമിക്രോണിനെ ആശങ്കപ്പെടുത്തുന്ന വക ഭേദം എന്നാണ് പറയപ്പെടുന്നത്.
യഥാര്ത്ഥ കൊറോണ വൈറസില് നിന്ന് ഏറെ മാറ്റം സംഭവിച്ച ഒമിക്രോണ് രോഗമുക്തരായവരിലേക്ക് വീണ്ടും പകരാന് സാധ്യത കൂടുതലാണ്. ആഫ്രിക്കന് രാജ്യങ്ങള്ക്കും ഹോങ്കോങ്ങിനും പിന്നാലെ യൂറോപ്പിലും ഇന്നലെ ഒമിക്രോണിന്റെ സാന്നിധ്യം സ്ഥിരീകരിച്ചു.ബെല്ജിയത്തിലാണ് യൂറോപ്പിലെ ആദ്യ കേസ് റിപ്പോര്ട്ട് ചെയ്തത്. ഈജിപ്റ്റില് നിന്ന് വന്ന യാത്രക്കാരിയിയിലാണ് രോഗബാധ സ്ഥിരീകരിച്ചത്. പിന്നാലെ അമേരിക്ക, യുകെ, ,ജപ്പാന്, സിംഗപ്പൂര് , യുഎഇ , ബ്രസീല് തുടങ്ങിയ രാഷ്ട്രങ്ങള് ഏഴ് ആഫ്രിക്കന് രാജ്യങ്ങളിലേക്കുള്ള യാത്രയ്ക്ക് നിയന്ത്രണം പ്രഖ്യാപിച്ചു. അന്താരാഷ്ട്രതലത്തില് വലിയ ആശങ്ക സൃഷ്ടിച്ചിരിക്കുകയാണ് B11529 എന്ന പുതിയ വൈറസെന്ന് ലോകാരോഗ്യ സെക്രട്ടറി സാജിദ് ജാവിദ് പറഞ്ഞു. നിലവിലുള്ള വാക്സീനുകള് പുതിയ വകഭേദത്തിനു ഫലപ്രദമാണോ എന്നത് അറിയാന് ആഴ്ചകളെടുക്കുമെന്നും ലോകാരോഗ്യ സംഘടന വെളിപ്പെടുത്തി.ദക്ഷിണാഫ്രിക്കയുടെ ആകെ ജനസംഖ്യയുടെ 24 ശതമാനത്തിന് മാത്രമേ വാക്സിന് ലഭിച്ചിട്ടുള്ളൂ.