LIVE KERALA NEWS

ഗുഡ് ഫോര്‍ യു എന്ന ഗാനത്തിന് ശേഷം സെലീന പുറത്തിറക്കുന്ന സിംഗിളിന്റെ പേര് സെയിം ഓള്‍ഡ് ലൗവ്. സെലീന തന്നെ ഒരു അഭിമുഖത്തില്‍ വെളിപ്പെടുത്തിയതാണ് തന്റെ പുതിയ സിംഗിളിന്റെ പേര്. പോപ്പ് ഗായികയും പാട്ടെഴുത്തുകാരിയുമായ ചാര്‍ളി എസ് സി എക്‌സാണ് ഗാനത്തിന്റെ വരികളെഴുതിയിരിക്കുന്നതെന്നും താരം പറഞ്ഞു.

കഴിഞ്ഞ ദിവസം ഇന്‍സ്റ്റഗ്രാമിലൂടെ തന്റെ പുതിയ ആല്‍ബത്തിന്റെ പേര് റിവൈവല്‍ എന്നാണെന്ന് താരം അറിയിച്ചിരുന്നു. സെലീന ഒറ്റയ്ക്ക് പുറത്തിറക്കുന്ന രണ്ടാമത്തെ ആല്‍ബമാണ് റിവൈവല്‍. 2013 ല്‍ പുറത്തിറക്കിയ സ്റ്റാര്‍ ഡാന്‍സായിരുന്നു ആദ്യ ആല്‍ബം. സെലീന ഹോട്ട് അവതാരത്തിലെത്തുന്ന ഗുഡ് ഫോര്‍ യു എന്ന ഗാനത്തിന്റെ വിഡിയോയ്ക്ക് മികച്ച പ്രതികരണമാണ് ലഭിക്കുന്നത്. ഇതുവരെ 6.4 കോടി ആളുകളാണ് ഗാനം യൂട്യൂബിലൂടെ മാത്രം കണ്ടിരിക്കുന്നത്. തന്റെ സംഗീതജീവിതത്തിലെ പുതിയ കാലഘട്ടത്തിനാണ് ഗുഡ് ഫോര്‍ യുവിലൂടെ തുടക്കം കുറിക്കുന്നത് എന്ന് ഗാനം പുറത്തിറക്കിക്കൊണ്ട് താരം പറഞ്ഞിരുന്നു.
കം ആന്റ് ഗെറ്റ് ഇറ്റ്, സ്‌ലോ ഡൗണ്‍, ദ ഹേര്‍ട്ട് വാണ്ട്‌സ് വാട്ട് ഇറ്റ് വാണ്ട്‌സ്, ഗുഡ് ഫോര്‍ യു എന്നിങ്ങനെ നാല് സിംഗിളുകളാണ് സെലീന ഇതുവരെ പുറത്തിറക്കിയിരിക്കുന്നത്. ഇതുകൂടാതെ ഡിജെയുമായ സെഡുമായി ചേര്‍ന്ന് ഐ വാണ്ട് യു ടു നോ എന്ന ഗാനം സെലീന പുറത്തിറക്കിയിരുന്നു. സെഡ്ഡിന്റെ ആല്‍ബത്തിലെ ഗാനം ഇതുവരെ 6.1 കോടി ആളുകളാണ് ഗാനം യൂട്യൂബിലൂടെ മാത്രം കണ്ടിരിക്കുന്നത്. സെലീനയുടെ ആദ്യ സിംഗിളായ കം ആന്റ് ഗെറ്റ് ഇറ്റ് ഇതുവരെ 36 കോടി ആളുകളും രണ്ടാമത്തെ സിംഗിള്‍ സ്‌ലോ ഡൗണ്‍ 17 കോടി ആളുകളും മൂന്നാമത്തെതായ ദ ഹേര്‍ട്ട് വാണ്ട്‌സ് വാട്ട് ഇറ്റ് വാണ്ടസ് 26 കോടി ആളുകളും യൂട്യൂബിലൂടെ കണ്ടുകഴിഞ്ഞു.