LIVE KERALA NEWS
Sunday 19. Jan 2025
ന്യൂഡല്ഹി: 15 നും 18 നും ഇടയില് പ്രായമുള്ള കൗമാരക്കാര്ക്ക് കോവിഡ് വാക്സിന് രജിസ്ട്രേഷന് ജനുവരി 1 മുതല് ആരംഭിക്കും.കോവിന് രജിസ്ട്രേഷന് പോര്ട്ടലിന്റെ മേധാവിയായ ഡോ. ആര്.എസ് ശര്മയാണ് ഇക്കാര്യം അറിയിച്ചത്. രജിസ്ട്രേഷന് വിദ്യാര്ത്ഥി ഐ ഡി കാര്ഡ് ഉപയോഗിക്കാവുന്നതാണ്.കൗമാരക്കാരില് ചിലര്ക്ക് ആധാര് കാര്ഡ് ഇല്ലാത്ത പശ്ചാത്തലത്തിലാണ് ഈ നടപടിയെന്ന് അധികൃതര് പറഞ്ഞു.ചിലര്ക്ക് ആധാര് കാര്ഡുകള് ഇല്ലാത്തതിനാല് വിദ്യാര്ത്ഥികള്ക്ക് അവരുടെ ഐഡി കാര്ഡ് ഉപയോഗിച്ച് രജിസ്റ്റര് ചെയ്യാന് CoWIN പ്ലാറ്റ്ഫോമില് വ്യവസ്ഥ ചെയ്തിട്ടുണ്ടെന്ന് CoWIN പ്ലാറ്റ്ഫോം മേധാവി ഡോ RS ശര്മ്മ ANI യോട് പറഞ്ഞു.ജനുവരി 3 മുതല് കൗമാരക്കാര്ക്ക് കൊറോണ വൈറസിനെതിരെ വാക്സിനേഷന് നല്കുമെന്ന് പ്രധാനമന്ത്രി നരേന്ദ്ര മോദി ശനിയാഴ്ച പറഞ്ഞിരുന്നു. ഇത് വൈറസിനെതിരായ പോരാട്ടം വര്ദ്ധിപ്പിക്കുമെന്നും രാജ്യത്തുടനീളമുള്ള സ്കൂളുകള് സാധാരണ നിലയിലേക്ക് മടങ്ങാന് സഹായിക്കുമെന്നും പ്രധാനമന്ത്രി പറഞ്ഞു.
ജനുവരി 10 മുതല് കോവിഡ് മുന്നണി പോരാളികള്ക്കും 60 വയസ്സിന് മുകളിലുള്ള രോഗികള്ക്കും ബൂസ്റ്റര് ഡോസ് വാക്സിന് നല്കുമെന്നും പ്രധാനമന്ത്രി പ്രഖ്യാപിക്കുകയുണ്ടായി.
ഇന്ത്യയിൽ വീണ്ടും വൈറസ് ബാധിതരുടെ എണ്ണം വർദ്ധിക്കുന്ന സാഹചര്യത്തിൽ കോവിഡ്-19 വാക്സിൻ കോവിഷീൽഡിന്റെ…