കുമളി; ജലനിരപ്പ് ഉയര്ന്നതിനെ തുടര്ന്ന് മുല്ലപ്പെരിയാര് അണക്കെട്ടിന്റെ ഷട്ടറുകള് തുറന്നു. അണക്കെട്ടിന്റെ 3, 4 സ്പില്വേ ഷട്ടറുകള് 35 സെ.മീ. വീതമാണ് ഉയര്ത്തിയത്. ആദ്യ സിപില്വേ ഷട്ടര് തുറന്നത് 7.29 നാണ്. ആദ്യം വെള്ളമെത്തുക വള്ളക്കടലില്. പിന്നാലെ വണ്ടിപ്പെരിയാര്, ചപ്പാത്ത്,ഉപ്പുതുറ മേഖലകളില് വെള്ളമെത്തും. പെരിയാര് തീരത്ത് അതീവ ജാഗ്രതയാണ് സര്ക്കാര് പുറപ്പെടുവിച്ചിരിക്കുന്നത്. മന്ത്രിമാരായ റോഷി അഗസ്റ്റിനും കെ. രാജനും 6.45ന് തന്നെ തേക്കടിയില്നിന്നു ബോട്ടില് മുല്ലപ്പെരിയാര് അണക്കെട്ടില് എത്തിയിരുന്നു. രണ്ടു ഷട്ടറുകളില് നിന്നായി സെക്കന്ഡില് 267 ഘനയടി വെള്ളം വീതം 534 ഘനയടി വെള്ളമാണ് പുറത്തേക്ക് ഒഴുക്കിവിടുന്നത്. സെക്കന്ഡില് 15,117 ലീറ്റര് ജലമാണ് പെരിയറിലൂടെ ഒഴുകുന്നത്. മഴ തുടരുന്നതിനാല് ഷട്ടറുകള് കൂടുതല് ഉയര്ത്തേണ്ടി വരുമെന്ന് മന്ത്രി കെ.രാജന് പറഞ്ഞു2018ലെ മഹാപ്രളയത്തിനുശേഷം ആദ്യമായാണ് മുല്ലപ്പെരിയാര് അണക്കെട്ട് തുറക്കുന്നത്. അണക്കെട്ട് തുറക്കുന്നതിന് മുന്നോടിയായി 350 കുടുംബങ്ങളിലെ 1079 പേരെ സുരക്ഷിത സ്ഥലങ്ങളിലേക്കു മാറ്റി.11 കുടുംബത്തിലെ 35 പേരെ വണ്ടിപ്പെരിയാര് മോഹനഓഡിറ്റോറിയത്തിലേക്കും നാല് കുടുംബത്തിലെ 19 പേരെ വണ്ടി പ്പെരിയാര് സെന്റ് ജോസഫ് ഇംഗ്ലീഷ് മീഡിയം സ്കൂളിലും സജ്ജമാക്കിയ ക്യാമ്പിലേക്കും മറ്റുള്ളവര് ബന്ധു വീട്ടിലേക്കാണ് മാറിയിട്ുള്ളത്.അണക്കെട്ട് തുറന്നാല് ആദ്യം വെള്ളമെത്തുന്ന ജനവാസമേഖലയായ വള്ളക്കടവിലാണ്. തുടര്ന്ന് വണ്ടിപ്പെരിയാര്, ചപ്പാത്ത്, ഉപ്പുതറ വഴി ഇടുക്കി ഡാമില് എത്തും.മുല്ലപ്പെരിയാറില് നിന്നുള്ള വെള്ളം എത്തിയാല് ഇടുക്കി ഡാമില് 0.25 അടി മാത്രമേ ജലനിരപ്പ് ഉയരൂ. പക്ഷേ, നിലവിലെ റൂള് കര്വ് 2398.31 ആയതിനാല് ഇടുക്കി ഡാമും തുറന്നേക്കും. ഇടുക്കിയില് ഇന്നലെ രാത്രി 8നു ജലനിരപ്പ് 2398.30 അടിയാണ് (സമുദ്രനിരപ്പില്നിന്ന്). ഇന്ന് വൈകിട്ട് നാലിനോ നാളെ രാവിലെയോ ഇടുക്കി ഡാമിന്റെ ഒരു ഷട്ടര് വീണ്ടും തുറന്നേക്കും. രക്ഷാപ്രവര്ത്തനങ്ങള്ക്കായി എസ്റ്റേറ്റുകളുടെ ഗേറ്റുകള് എല്ലാ തുറന്നിടാന് നിര്ദ്ദേശം നല്കിയിട്ടുണ്ട്. വില്ലേജ്, താലുക്ക്,കലകേട്രറ്റില് ജില്ലാതലത്തിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് തുറന്നിട്ടുണ്ട്. എല്ലാവിധ സുരക്ഷാ ഉപകരണങ്ങളോടുകൂടി ഫയര്ഫോഴ്സും സജ്ജമാണെന്നും മന്ത്രി അറിയിച്ചു.