ന്യൂഡല്ഹി: മുന് ഇന്ത്യന് ക്രിക്കറ്റ് താരം രാഹുല് ദ്രാവിഡിനെ നാഷണല് ക്രിക്കറ്റ് അക്കാദമി (എന്സിഎ) തലവനായി ബിസിസിഐ നിയമിച്ചു. എന്സിഎയിലെ ക്രിക്കറ്റ് സംബന്ധിച്ച എല്ലാ ഉത്തരവാദിത്തങ്ങളും ഇനി ദ്രാവിഡിനായിരിക്കും. ദ്രാവിഡ് നേരത്തെ തന്നെ ഈ സ്ഥാനത്തെത്തുമെന്ന് റിപ്പോട്ടുകള് ഉണ്ടായിരുന്നു.
ജൂലായ് ഒന്നു മുതല് തന്നെ ദ്രാവിഡ് സ്ഥാനമേറ്റെടുക്കേണ്ടതായിരുന്നു. എന്നാല് അദ്ദേഹം ഇന്ത്യ സിമന്റ്സ് വൈസ് പ്രസിഡന്റായതിനാല് ചുമതലയേല്ക്കുന്നത് വൈകുകയായിരുന്നു.
ഇന്ത്യന് ക്രിക്കറ്റിന്റെ ഭാവി തലമുറയെ വാര്ത്തെടുക്കുന്നതിനായുള്ള സ്ഥാപനമാണു ബംഗളൂരു ആസ്ഥാനമായി പ്രവര്ത്തിക്കുന്ന നാഷണല് ക്രിക്കറ്റ് അക്കാദമി. ഇന്ത്യ എ, അണ്ടര്-19 ടീമുകളുടെ പരിശീലക ചുമതല വഹിക്കുന്ന ദ്രാവിഡ് ഇനി ഈ സ്ഥാനങ്ങളില് തുടരുമോ എന്നതു വ്യക്തമല്ല.
ദേശീയ വനിതാ, പുരുഷ ടീമുകളുടെ പരിശീലകരുമായി ചേര്ന്ന് ദ്രാവിഡിന് പ്രവര്ത്തിക്കാം. ഇന്ത്യ എ, അണ്ടര് 23, അണ്ടര് 19 എന്നീ ടീമുകളുടെ പരിശീലനം ഉള്പ്പെടെ ഇനി ഇദ്ദേഹത്തിന്റെ മേല്നോട്ടത്തിലായിരിക്കും. എന്നാര് ദ്രാവിഡിന്റെ പ്രവര്ത്തന കാലാവധി ബിസിസിഐ വ്യക്തമാക്കി.