ഭീകരാക്രമണം പോലുളള കുറ്റകൃത്യങ്ങള് നടത്തുന്ന പ്രതികള്ക്ക് പശ്ചാത്താപം ഉണ്ടാകാന് സാധ്യതയില്ലെന്നായിരുന്നു ബിജെപി എംപി വരുണ് ഗാന്ധിയുടെ അഭിപ്രായം. തീവ്രവാദക്കേസുകളിലെയും അപൂര്വങ്ങളില് അപൂര്വമായ കേസുകളിലെയും പ്രതികള്ക്ക് വധശിക്ഷ നല്കുന്നതില് തെറ്റ് പറയാനാകില്ലെന്നും വരുണ് ഗാന്ധി പറഞ്ഞു. യോഗത്തിന്റെ ഭാഗമായി ദേശീയ നിയമസര്വകലാശാല നടത്തിയ പഠനത്തില് രാജ്യത്ത് വധശിക്ഷയ്ക്ക് വിധിക്കപ്പെട്ടവരില് നാലില് മൂന്ന് പേരും ദളിത്, ന്യൂനപക്ഷവിഭാഗങ്ങളില് പെട്ടവരാണെന്നും കണ്ടെത്തിയിട്ടുണ്ട്. വധശിക്ഷയ്ക്ക് വിധിക്കപ്പെട്ട് ഏറ്റവും കൂടുതല് പേര് ജയിലില് കഴിയുന്നത് ഉത്തര്പ്രദേശിലാണ്. 79 പേര്. കേരളത്തില് 15 പേരാണ് വധശിക്ഷയ്ക്ക് വിധിക്കപ്പെട്ട് കാത്തിരിക്കുന്നത്. വിവിധ കക്ഷികളില് നിന്ന് ശേഖരിച്ച അഭിപ്രായങ്ങള് വിലയിരുത്തിയാകും നിയമകമ്മീഷന്റെ അന്തിമറിപ്പോര്ട്ട്.