തിരുവനന്തപുരം: സംസ്ഥാനത്ത് ഓാണക്കാലത്തെ മദ്യവില്പനയില് റെക്കോര്ഡ്. ഇത്തവണ മദ്യവില്പനയിലൂടെ മുന്വര്ഷത്തേക്കാള് 16 ശതമാനം വര്ധനവാണ് ഉണ്ടായിരിക്കുന്നത്. കഴിഞ്ഞ എട്ടുദിവസംകൊണ്ട് 410 കോടി രൂപയുടെ മദ്യമാണ് ബിവറേജസ് കോര്പ്പറേഷന് വിറ്റത്. കഴിഞ്ഞ വര്ഷം ഇതേ സമയത്ത് 353.08 കോടി രൂപയുടെ മദ്യമാണ് വിറ്റത്. ഈ മാസം ഒന്നുമുതല് ഉത്രാടദിനമായ ഇന്നലെ വരെയുള്ള 13 ദിവസംകൊണ്ട് വിറ്റത് 532.34 കോടി രൂപയുടെ മദ്യമാണെന്നും ബിവറേജസ് കോര്പ്പറേഷന് പുറത്തുവിട്ട കണക്കില് പറയുന്നു. ഇത്തവണ ഉത്രാടദിനത്തില് മാത്രം 58.01 കോടി രൂപയുടെ മദ്യം വിറ്റു. കഴിഞ്ഞ വര്ഷം ഇത് 59 കോടിയായിരുന്നു. ഉത്രാടദിനത്തില് ഏറ്റവും കൂടുതല് മദ്യം വിറ്റത് തൃശ്ശൂര് ജില്ലയിലെ ഇരിങ്ങാലക്കുടയിലാണ്. ഓണക്കാലത്താകെ 53.84 ലക്ഷം രൂപയുടെ മദ്യമാണ് ഇവിടെ വിറ്റത്. കഴിഞ്ഞ വര്ഷം ഏറ്റവും കൂടുതല് മദ്യം വിറ്റ ചാലക്കുടിയില് ഇത്തവണ 40 ലക്ഷം രൂപയുടെ മദ്യമാണ് വിറ്റത്.