തിരുവനന്തപുരം: കാമുകന്റെ സഹായത്തോടെ കുഞ്ഞിനെയും ഭര്തൃമാതാവിനെയും കൊലപ്പെടുത്തിയ യുവതിക്ക് ഇരട്ട ജീവപര്യന്തവും കാമുകന് വധശിക്ഷയും കോടതി വിധിച്ചു. ആറ്റിങ്ങല് ഇരട്ടക്കൊലപാതക കേസില് ഒന്നാം പ്രതി നിനോ മാത്യുവിനാണ് വധശിക്ഷ. തിരുവനന്തപുരം പ്രിന്സിപ്പള് സെക്ഷന്സ് കോടതിയുടേതാണ് വിധി.അനുശാന്തിക്ക് ജീവപര്യന്തം തടവ് രണ്ടാം പ്രതിയായ അനുശാന്തി മാതൃത്വത്തിന് അപമാനമെന്നും കോടതി നിരീക്ഷിച്ചു. 2014 ഏപ്രില് 16 നാണ് കേരളത്തെ ഞെട്ടിച്ച കൊലപാതകം നടന്നത്. ടെക്നോപാര്ക്കിലെ ജീവനക്കാരനായ നിനോ മാത്യുവും കാമുകി അനുശാന്തിയും ഒരുമിച്ച് ജീവിക്കാന് നടത്തിയ ഗൂഢാലോചനയുടെ ഫലമാണ് കൊലപാതകമെന്നാണ് കുറ്റപത്രം. ഇതിനായി 2014 ജനുവരി മാസത്തില് അനുശാന്തി തന്റെ വീടിന്റെ ദൃശ്യങ്ങളും വീട്ടിലേക്ക് എത്താനുള്ള വഴികളും മൊബൈല് ക്യാമറയില് പകര്ത്തി നിനോ മാത്യുവിന് വാട്സ് ആപ്പില് നല്കുകയായിരുന്നു. ുടര്ന്ന് 2014 ഏപ്രില് 16 ന് കൊലനടത്താനായി നിനോ മാത്യു അനുശാന്തിയുടെ വീട്ടിലെത്തി. അപ്പോള് അനുശാന്തിയുടെ നാല് വയസുള്ള മകള് സ്വാസ്തികയും ഭര്ത്താവ് ലതീഷിന്റെ മാതാവ് ഓമനയുമാണ് വീട്ടില് ഉണ്ടായിരുന്നത്. ലതീഷിന്റെ സുഹൃത്താണെന്ന് നിനോ പറഞ്ഞതനുസരിച്ച് ഓമന ലതീഷിനെ ഫോണില് വിളിച്ച് വീട്ടിലേക്ക് വരാന് ആവശ്യപ്പെട്ടു. ഇതിനിടയില് നിനോ നാല് വയസ്സുള്ള കുഞ്ഞിനേയും ഓമനേയും വെട്ടിക്കൊലപ്പെടുത്തുകയായിരുന്നു. വെട്ടേറ്റ ലതീഷ് രക്ഷപ്പെട്ടു. ലതീഷ് ആണ് കേസിലെ പ്രധാന സാക്ഷിയും.