LIVE KERALA NEWS
Friday 24. Oct 2025
തിരുവനന്തപുരം:കേരളത്തെ വരള്‍ച്ചാ ബാധിത പ്രദേശമായി പ്രഖ്യാപിച്ചു. റവന്യു മന്ത്രി ഇ.ചന്ദ്രശേഖരനാണ് നിയമസഭയില്‍ പ്രഖ്യാപനം നടത്തിയത്. വരള്‍ച്ചയെ കുറിച്ച്്ചര്‍ച്ച ചെയ്യണമെന്ന് ആവശ്യപ്പെട്ട് പ്രതിപക്ഷം നല്‍കിയ അടിയന്തരപ്രമേയ നോട്ടീസിനു മറുപടി നല്‍കുകയായിരുന്നു മന്ത്രി. കേരളത്തില്‍ ഇത്തവണ മഴയില്‍ വന്‍ കുറവുണ്ടായതായി മന്ത്രി അറിയിച്ചു. തെക്ക് പടിഞ്ഞാറന്‍ കാലവര്‍ഷത്തില്‍ 34 ശതമാനം കുറവുണ്ടായി. ഒക്ടോബറില്‍ ലഭിക്കേണ്ട മഴയില്‍ 69 ശതമാനം കുറവുണ്ടായതായും മന്ത്രി പറഞ്ഞു. വി.എസ് ശിവകുമാറാണ് അടിയന്തരപ്രമേയത്തിന് നോട്ടീസ് നല്‍കിയത്. ഈ വര്‍ഷം കാലവര്‍ഷത്തില്‍ വന്‍ കുറവാണ് രേഖപ്പെടുത്തിയത്. തുലാവര്‍ഷത്തിലാകട്ടെ ഇതുവരെയായിട്ടും വേണ്ടത്ര മഴ ലഭിച്ചിട്ടില്ല. ഈ സാഹതര്യത്തില്‍ നവംബര്‍,ഡിസംബര്‍ മാസങ്ങളില്‍ മഴ ലഭിച്ചാല്‍ പോലും വരള്‍ച്ചയ്ക്ക് കുറവുണ്ടാകുമെന്ന്് കരുതാനാകില്ല. മുഴുവന്‍ ജില്ലകളും വരള്‍ച്ചാ ബാധിതമാണ്. ഈ സാഹചര്യത്തിലാണ് കേരളത്തെ വരള്‍ച്ചാബാധിത പ്രദേശമായി പ്രഖ്യാപിച്ചതെന്നും മന്ത്രി പറഞ്ഞു.നിലവില്‍ ഡാമുകളില്‍ ജലനിരപ്പു ശരാശരിയെക്കാള്‍ 22 ശതമാനത്തോളം കുറവാണ്. തുലാമഴ കനിഞ്ഞില്ലെങ്കില്‍ വേനല്‍ക്കാലത്തു വൈദ്യുതി നിയന്ത്രണത്തിനും സാധ്യതയുണ്ട്.
തിരുവനന്തപുരം: പൊലീസുകാർ പൊറോട്ടയും ബീഫും വാങ്ങിക്കൊടുത്താണ് രഹ്ന ഫാത്തിമയേയും ബിന്ദു…