തിരുവനന്തപുരം: സംസ്ഥാനത്ത് ശനിയാഴ്ചവരെ കനത്ത മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. അടുത്ത 24 മണിക്കൂറിനുള്ളില് ലക്ഷദ്വീപ് ഭാഗത്ത് വടക്കുപടിഞ്ഞാറന് കാറ്റിന്റെ വേഗത 35 മുതല് 45 കിലോമീറ്റര്വരെയാകാന് സാധ്യതയുണ്ട്.
ബുധനാഴ്ച രാത്രി 11.30വരെ മംഗലാപുരം മുതല് കാര്വാര്വരെയുള്ള കര്ണാടക തീരത്തും മിനിക്കോയ് മുതല് ബിത്രവരെയുള്ള ലക്ഷദ്വീപിലും തിരമാലകള് 3.5 കിലോമീറ്റര്വരെ ഉയരും. കുളച്ചല് മുതല് ധനുഷ്കോടിവരെയുള്ള തെക്കന് തമിഴ്നാട് തീരത്ത് തിരമാലകള് 3.5 മീറ്റര്വരെ ഉയരും.
അടുത്ത മൂന്നു ദിവസങ്ങളില് സോമാലിയ തീരത്തും തെക്കുപടിഞ്ഞാറന് അറബിക്കടലിലും തെക്കുപടിഞ്ഞാറന് കാറ്റിന്റെ വേഗത മണിക്കൂറില് 40 മുതല് 50 കിലോമീറ്റര്വരെയാകാന് സാധ്യതയുണ്ട്. അതിനാല് മീന്പിടിത്തക്കാര് ഈ ഭാഗങ്ങളിലേക്ക് മത്സ്യബന്ധനത്തിനു പോകരുത്.