തിരുവനന്തപുരം: അഞ്ചാമതും തോല്ക്കാന് മനസ്സ് ഇല്ലാത്തതിനാല് ഒരിക്കലെങ്കിലും നിയമസഭാംഗം ആകാനുള്ള മോഹം ഉപേക്ഷിച്ചെന്ന് ഇടതുപക്ഷ സഹയാത്രികനായ ചെറിയാന് ഫിലിപ്പ് ഫെയ്സ്ബുക്കില് കുറിച്ചു. മോഹമുക്തനായ കോണ്ഗ്രസുകാരന് എന്ന് ഇഎംഎസ് തന്നെ വിശേഷിപ്പിച്ചത് ഇപ്പോള് അന്വര്ത്ഥമായി, ജീവിതത്തിന്റെ മുഖ്യഭാഗവും എംഎല്എ ഹോസ്റ്റലിന്റെ ഇടനാഴികളില് കഴിഞ്ഞതുകൊണ്ടാവാം എംഎല്എ ആകാനുള്ള മോഹം ഇല്ലാതെ പോയതെന്നും അദ്ദേഹം ഫെയ്സ്ബുക്കില് കുറിച്ചിട്ടുണ്ട്. കര്മ്മശേഷി നശിക്കത്തിടത്തോളം കാലം കേരളത്തിന്റെ പൊതുജീവിതത്തില് തലയുയര്ത്തി നില്ക്കുമെന്നും ശരിയെന്നു തോന്നുന്ന കാര്യങ്ങള്ക്കു വേണ്ടി പ്രവര്ത്തിച്ചുകൊണ്ടേയിരിക്കുമെന്നും പറഞ്ഞാണ് പോസ്റ്റ് അവസാനിക്കുന്നത്.
ഫെയ്സ്ബുക്ക് പോസ്റ്റിന്റെ പൂര്ണ്ണരൂപം
അഞ്ചാമത് തവണ തോല്ക്കാന് മനസില്ലാത്തതിനാല് ഒരിക്കലെങ്കിലും നിയമസഭാംഗം ആകാനുള്ള മോഹം ഞാന് ഉപേക്ഷിച്ചിരിക്കുകയാണ് . വര്ഷങ്ങള്ക്കു മുന്പ് ‘മോഹമുക്തനായ കോണ്ഗ്രസുകാരന്’ എന്ന് ഇ.എം.എസ് എന്നെ വിശേഷിപ്പിച്ചത് ഇപ്പോള് അന്വര്ത്ഥമായി. ജീവിതത്തിന്റെ മുഖ്യഭാഗവും എം എല് എ ഹോസ് റ്റലിന്റെ ഇടനാഴികളില് കഴിഞ്ഞത് കൊണ്ടാകാം എം എല് എ ആകാനുള്ള യോഗം ഇല്ലാതെ പോയത് . കര്മശേഷി നശിക്കാത്തിടത്തോളം കാലം കേരളത്തിന്റെ പൊതുജീവിതത്തില് തലയുയര്ത്തി നില്ക്കും. ശരിയെന്നു തോന്നുന്ന കാര്യങ്ങള്ക്കു വേണ്ടി പ്രതികരിച്ചു കൊണ്ടിരിക്കും