LIVE KERALA NEWS
Wednesday 11. Sep 2024
മുംബൈ: ബോളിവുഡില് പ്രണയവും വേര്വിരിയലും പുതിയ സംഭവമല്ല. ആലിയഭട്ടുമായുള്ള രണ്ബീറിന്റെ പുതിയ അടുപ്പമാണ് കത്രീനകൈഫിന് വിനയായതെന്നആണ് വിവരം. രണ്ബീര്-ക്തരീന കൈഫ് പ്രണയം തകര്ത്തെന്നാണ് ബോളിവുഡിലെ സംസാരം. രണ്ബീറിന്റെ മുന് കാമുകി ദീപികയും കത്രീനയുടെ മുന് കാമുകന് സല്മാനുമെല്ലാം വേര്പിരിയലിന് കാരണമായെന്ന് ഗോസിപ്പുകളുണ്ടായിരുന്നു. ആലിയ ഭട്ടിനോടുള്ള രണ്ബീറിന്റെ അടുക്കം കത്രീനയെ ചൊടിപ്പിച്ചതാണ് ബ്രേക്കപ്പിനുള്ള കാരണമെന്ന് ചില മാധ്യമങ്ങള് റിപ്പോര്ട്ട് ചെയ്യുന്നു. മാസങ്ങള്ക്ക് മുന്പ് ഇംതിയാസ് അലിയുടെ വീട്ടില് വെച്ചായിരുന്നു പ്രണയത്തകര്ച്ചയ്ക്ക് തുടക്കമിട്ടതെന്നും പറപ്പെടുന്നുണ്ട്. ഇംതിയാസ് അലിയുടെ വീട്ടില്വെച്ചു നടന്ന പരിപാടിയില് ബോളിവുഡിലെ പ്രമുഖരെ ക്ഷണിച്ചിരുന്നു. രണ്ബീറും കത്രിനയും ആലിയയുമെല്ലാം പരിപാടിയില് പങ്കെടുത്തു. ചടങ്ങില് ആരെയും ആകര്ഷിക്കുന്ന വേഷം ധരിച്ചെത്തിയ ആലിയ രണ്ബീറിന്റെ ശ്രദ്ധനേടാന് ശ്രമിച്ചതും രണ്ബീര് ആലിയയുമായി കൂടുതല് ഇടപഴകിയതും കത്രീനയെ ചൊടിപ്പിച്ചത്രെ. ഇതേച്ചൊല്ലി ഇവര് താമസിക്കുന്ന സ്ഥലത്തുവെച്ചും വാക്കേറ്റത്തില് ഏര്പ്പെട്ടു. പിന്നിട് ചെറിയ കാരണങ്ങള്ക്കുപോലും ഇരുവരും അകന്നുതുടങ്ങി. രണ്ബീറിന്റെ ദീപികയുമായുള്ള സിനിമ റിലീസ് ചെയ്തതോടെ പൂര്ണമായി അകലുകയായിരുന്നു. രണ്ബീര് തന്റെ ഏറ്റവും അടുത്ത സുഹൃത്താണെന്നും താന് പറയാതെ വിവാഹം കഴിക്കില്ലെന്നുമുള്ള ദീപികയുടെ പരാമര്ശവും പിണക്കത്തിന്റെ ആക്കം കൂട്ടി. എന്നാല് ആലിയ ഇക്കാര്യത്തില് തന്റെ നിലപാട് വ്യക്തമാക്കിയിട്ടില്ല.
ചെന്നൈ: നടന് വിജയ്യുടെ പാര്ട്ടിക്ക് കേന്ദ്ര തിരഞ്ഞെടുപ്പ് കമ്മീഷന്റെ അംഗീകാരം. തമിഴക…