LIVE KERALA NEWS

തിരുവനന്തപുരം: തദ്ദേശ തെരഞ്ഞെടുപ്പിനുള്ള ഫണ്ട് സമാഹരണം നേരത്തേ നടത്താൻ കോൺ​ഗ്രസ്. വാർഡുകൾ കേന്ദ്രീകരിച്ച് തെരഞ്ഞെടുപ്പ് ഫണ്ട് സമാഹരിക്കാനാണ് കോൺ​ഗ്രസ് നേതൃത്വം നിർദ്ദേശം നൽകിയിരിക്കുന്നത്. ഓരോ വാർഡിൽ നിന്നും 60,000 രൂപ പിരിച്ചെടുക്കാനാണ് നിർദ്ദേശം. ഇതിന്റെ പത്തുശതമാനം ഡിസിസിക്ക് നൽകണമെന്നും ബാക്കി തുക അതത് വാർഡുകളിലെ തെരഞ്ഞെടുപ്പ് പ്രവർത്തനങ്ങൾക്കായി വിനിയോ​ഗിക്കണം എന്നുമാണ് നിർദ്ദേശം.

പണം നേതാക്കളുടെ കൈവശം സൂക്ഷിക്കുന്നതിനും വിലക്കുണ്ട്. ബാങ്ക് അക്കൗണ്ടിൽ വേണം പിരിച്ചെടുക്കുന്ന പണം സൂക്ഷിക്കാൻ. ഇതിനായി മണ്ഡലം പ്രസിഡന്റും വാർഡ് പ്രസിഡന്റും ചേർന്ന് സംയുക്ത ബാങ്ക് അക്കൗണ്ട് ആരംഭിക്കണം. ഈ അക്കൗണ്ടിലാകും പിരിച്ചെടുക്കുന്ന തുക സൂക്ഷിക്കുക.