LIVE KERALA NEWS

കണ്ണൂര്‍: കൈതപ്രത്ത് ഓട്ടോ ഡ്രൈവറായ ബിജെപി പ്രവര്‍ത്തകനെ വെടിവെച്ച് കൊന്ന സംഭവത്തില്‍ ഭാര്യയും പിടിയില്‍. മരിച്ച കെ കെ രാധാകൃഷ്ണന്റെ ഭാര്യയും ബിജെപി വനിതാ നേതാവുമായ മിനി നമ്പ്യാരെയാണ് പരിയാരം പൊലീസ് അറസ്റ്റ് ചെയ്തത്. രാധാകൃഷ്ണന്റെ മരണത്തിലെ ഗൂഢാലോചനയില്‍ പങ്കുണ്ടെന്ന് ആരോപിച്ചാണ് അറസ്റ്റ്. തുടര്‍ന്ന് പയ്യന്നൂര്‍ മജിസ്‌ട്രേറ്റ് കോടതി റിമാന്‍ഡ് ചെയ്തു. മിനിയും സന്തോഷും തമ്മിലുള്ള വഴിവിട്ട ബന്ധം രാധാകൃഷ്ണന്‍ ചോദ്യം ചെയ്തതിനെത്തുടര്‍ന്നാണ് കലപാതകം. രാധാകൃഷ്ണനെ സന്തോഷ് വെടിവെച്ച് കൊന്നെന്നാണ് കേസ്.

കേസില്‍ മിനിയുടെ സുഹൃത്ത് സന്തോഷിനെയും തോക്ക് നല്‍കിയ സജോ ജോസഫിനെയും പൊലീസ് നേരത്തെ അറസ്റ്റ് ചെയ്തിരുന്നു. 2025 മാര്‍ച്ച് 20നാണ് കൊലപാതകം നടന്നത്. കൈതപ്രത്ത് പണിയുന്ന വീടിനുള്ളില്‍ വെച്ച് രാധാകൃഷ്ണനെ സന്തോഷ് വെടിവെച്ച് കൊലപ്പെടുത്തുകയായിരുന്നു. സന്തോഷും മിനിയും നേരത്തെയേ ബന്ധമുണ്ടായിരുന്നതായാണ് വിവരം. സന്തോഷിന്റെ മൊബൈല്‍ ഫോണില്‍ നിന്ന് ഇരുവരുടെയും സ്വകാര്യ ചിത്രങ്ങള്‍ പൊലീസ് കണ്ടെത്തിയിരുന്നു.