LIVE KERALA NEWS

ഇസ്രായേലി വിനോദസഞ്ചാരികള്‍ക്ക് നേരെ ആക്രമണം നടത്താന്‍ പദ്ധതിയിട്ടെന്ന് സംശയിക്കുന്ന രണ്ട് പേരെ ശ്രീലങ്കയിലെ തീവ്രവാദ വിരുദ്ധ പോലീസ് അറസ്റ്റ് ചെയ്തതായി പ്രാദേശിക മാധ്യമങ്ങള്‍ വ്യാഴാഴ്ച റിപ്പോര്‍ട്ട് ചെയ്തു. ഇന്ത്യന്‍ രഹസ്യാന്വേഷണ വിഭാഗമാണ് (റോ) ഭീഷണിയെക്കുറിച്ച് ശ്രീലങ്കയ്ക്ക് സൂചന നല്‍കിയത് എന്നാണ് പ്രമുഖ അന്താരാഷ്ട്ര മാധ്യമമായ റഷ്യ ടുഡേയും റിപ്പോര്‍ട്ട് ചെയ്തിരിക്കുന്നത്.

ശ്രീലങ്കയുടെ കിഴക്കന്‍ മേഖലയിലെ അരുഗംബേയിലെ സര്‍ഫിംഗ് റിസോര്‍ട്ടില്‍ വെച്ചാണ് പ്രതികളെ കസ്റ്റഡിയിലെടുത്തിരിക്കുന്നത്. ഒരു കെട്ടിടത്തില്‍ വെച്ച് ഇസ്രായേല്‍ പൗരന്മാരെ ആക്രമിക്കാന്‍ ഇരുവരും പദ്ധതിയിട്ടിരിക്കാമെന്നാണ് പോലീസ് വക്താവ് പറഞ്ഞതെന്നും വാര്‍ത്താ മാധ്യമം റിപ്പോര്‍ട്ട് ചെയ്തിട്ടുണ്ട്.