LIVE KERALA NEWS
Thursday 16. Oct 2025
ചെന്നൈ: ചെറിയ ഇടവേളയ്ക്ക് ശേഷം തമിഴ് താരം മാധവന്‍ പുതിയ ഗെറ്റപ്പിലെത്തുന്ന ചിത്രമാണ് സാലാ ഗദൂസ്. സ്‌പോര്‍ട്‌സ് ത്രില്ലറായ ചിത്രത്തില്‍ പുതുമുഖം റിതികാ സിംഗാണ് നായിക. തമിഴ്, ഹിന്ദി ഭാഷകളിലായാണ് ചിത്രം പുറത്തിറങ്ങുന്നത്. ഇരുധി സുട്രുവെന്നാണ് തമിഴ് ചിത്രത്തിന് പേരിട്ടിരിക്കുന്നത്. ഒരു ഫ്രീസ്‌റ്റൈല്‍ ബോക്‌സറുടെ കഥയാണ് സാലാ ഖാദൂസ് പറയുന്നത്. ബോക്‌സിംഗില്‍ അടിപതറുന്ന ഒരു താരം തെരുവില്‍ നിന്ന് ഒരു പെണ്‍കുട്ടിയെ കണ്ടെത്തി രാജ്യത്തിന് വലിയ നേട്ടങ്ങള്‍ നേടിത്തരുന്നതാണ് സിനിമയുടെ പ്രമേയം. കായിക പരിശീലകനായാണ് മാധവന്‍ വേഷമിടുന്നത്. ചിത്രത്തിലെ മാധവന്റെ ഏറെ വ്യത്യസ്തമായ ഗെറ്റപ്പ് വലിയ ചര്‍ച്ചയായിരുന്നു. മുംതാസ് സോര്‍ക്കാര്‍, നാസര്‍, രാധാദേവി, കാലി വെങ്കിട്ട് എന്നിവരാണ് സിനിമയിലെ മറ്റ് പ്രധാന കഥാപാത്രങ്ങള്‍. സുധാ കൊങ്കാര പ്രസാദാണ് സിനിമ സംവിധാനം ചെയ്തിരിക്കുന്നത്. ജനുവരി 29ന് ചിത്രം തീയേറ്ററുകളിലേക്ക് എത്തുന്ന ചിത്രം ഏറെ പ്രതീക്ഷ നല്‍കുന്നതാണെന്ന് സംവിധായകന്‍ പറയുന്നു. ആരാധകര്‍ രണ്ടുംകൈയ്യും നീട്ടി സ്വീകരിക്കുന്ന ചേരുവകകളാണ് ചിത്രത്തിലുള്ളത്.
ജമ്മു കശ്മീരിലെ കുഫ്വാര ജില്ലയിലെ മച്ചില് സെകുറില് നിയന്ത്രണ രേഖയിലെ…