LIVE KERALA NEWS

വാഷിങ്ടൺ: നമുക്ക് ടിക്ടോക്കിനെ രക്ഷിക്കണമെന്ന് നിയുക്ത അമേരിക്കൻ പ്രസിഡന്‍റ് ഡോണൾഡ് ട്രംപ്. വാഷിങ്ടണിൽ ‘മേക്ക് അമേരിക്ക ഗ്രേറ്റ് എഗൈൻ’ വിജയ റാലിയിൽ അനുയായികളെ അഭിസംബോധന ചെയ്യവെയാണ് ടിക്ടോക്ക് വിഷയത്തിൽ തന്റെ നിലപാട് ട്രംപ് പ്രഖ്യാപിച്ചത്.

‘നമുക്ക് ടിക്ടോക്കിനെ സംരക്ഷിക്കേണ്ടതുണ്ട്. കാരണം, നമുക്ക് തൊഴിൽ ലഭിക്കേണ്ടതുണ്ട്. നമ്മുടെ ബിസിനസ് ചൈനക്ക് നൽകാൻ ആഗ്രഹിക്കുന്നില്ല. ടിക് ടോക്കിന്‍റെ 50 ശതമാനം അമേരിക്ക തന്നെ സ്വന്തമാക്കുമെന്ന വ്യവസ്ഥയിൽ ടിക് ടോക്കിന് അംഗീകാരം നൽകി. അമേരിക്ക നേരിടുന്ന ഓരോ പ്രതിസന്ധിയും ചരിത്രപരമായ വേഗതയിലും ശക്തിയിലും പ്രവർത്തിച്ച് പരിഹാരം കാണും. നമ്മുടെ രാജ്യത്തെ തിരിച്ചു പിടിക്കാൻ പോകുന്നു. നീണ്ട നാലു വർഷത്തെ രാജ്യത്തിന്‍റെ പതനത്തിന് തിരശ്ശീല വീഴുകയാണ്. അമേരിക്കയുടെ ശക്തിയുടെയും സമൃദ്ധിയുടെയും അന്തസിന്‍റെയും അഭിമാനത്തിന്‍റെയും ഒരു പുതിയ ദിനം ആരംഭിക്കുകയാണ് ‘- ട്രംപ് വ്യക്തമാക്കി.

ചൈ​നീ​സ് ഷോ​ർ​ട്ട് വി​ഡി​യോ ആ​പ്പാ​യ ടി​ക് ടോ​ക് നി​രോ​ധ​നം അമേരിക്കയിൽ ഞാ​യ​റാ​ഴ്ച മുതൽ നി​ല​വി​ൽ​ വ​രുമെന്നാണ് ജോ ബൈഡൻ സർക്കാർ പ്രഖ്യാപിച്ചത്. ജ​നു​വ​രി 19ന​കം ബൈ​റ്റ്ഡാ​ൻ​സ് ക​മ്പ​നി​യു​ടെ അമേരിക്കയിലെ മു​ഴു​വ​ൻ ആ​സ്തി​യും വി​റ്റൊ​ഴി​യ​ണ​മെ​ന്ന ബൈ​ഡ​ന്‍ സ​ര്‍ക്കാ​ര്‍ ന​ട​പ്പാ​ക്കി​യ നി​യ​മം പാ​ലി​ക്കാ​ത്ത​തി​നാ​ലാ​ണ് പ്ര​വ​ർ​ത്ത​നം നി​ർ​ത്താൻ തീരുമാനിച്ചിരുന്ന​ത്.

ആ​സ്തി വി​റ്റി​ല്ലെ​ങ്കി​ൽ രാ​ജ്യ​ത്ത് നി​രോ​ധ​നം നേ​രി​ട​ണ​മെ​ന്ന വി​വാ​ദ​ നി​യ​മ​ത്തി​ന് സു​പ്രീം​കോ​ട​തി വെ​ള്ളി​യാ​ഴ്ച അം​ഗീ​കാ​രം ന​ൽ​കി​യി​രു​ന്നു. 17 കോ​ടി ഉ​പ​ഭോ​ക്താ​ക്ക​ളു​ടെ അ​ഭി​പ്രാ​യ സ്വാ​ത​ന്ത്ര്യ​ത്തെ നി​യ​മം ഹ​നി​ക്കു​മെ​ന്ന ടി​ക് ടോ​കി​ന്റെ വാ​ദം സു​പ്രീം​കോ​ട​തി ത​ള്ളുകയും ചെയ്തു. ടി​ക് ടോ​ക് അമേരിക്കയിൽ ല​ഭ്യ​മാ​ക്കു​ന്നു​ണ്ടെ​ങ്കി​ൽ അ​ത് അ​മേ​രി​ക്ക​ൻ ഉ​ട​മ​സ്ഥ​ത​യി​ൽ മാ​ത്ര​മാ​യി​രി​ക്ക​ണ​മെ​ന്നാണ് വൈ​റ്റ് ഹൗ​സ് പ്ര​സ് സെ​ക്ര​ട്ട​റി ക​രി​ൻ ജീ​ൻ ​പി​യ​റി വ്യക്തമാക്കിയത്. നി​യ​മം ന​ട​പ്പാ​ക്കേ​ണ്ട​ത് ട്രം​പ് ഭ​ര​ണ​കൂ​ട​മാ​ണെ​ന്നും അ​വ​ർ ചൂ​ണ്ടി​ക്കാട്ടി​യിരുന്നു. അ​തേ​സ​മ​യം, നി​രോ​ധ​നം അ​ഭി​പ്രാ​യ സ്വാ​ത​ന്ത്ര്യ​ത്തി​ന് എതി​രാ​ണെ​ന്നും അ​ധി​കാ​ര​ത്തി​ൽ വ​ന്ന ​ശേ​ഷം കാ​ര്യ​ങ്ങ​ൾ പ​രി​ശോ​ധി​ക്കു​മെ​ന്നു​മാണ് ഡോണൾഡ് ട്രം​പ് അന്ന് പ്ര​തി​ക​രിച്ചത്.