LIVE KERALA NEWS
Wednesday 22. Oct 2025
കൊച്ചി: ഹൈക്കോടതി വളപ്പില്‍ അഭിഭാഷകര്‍ അഴിഞ്ഞാടിയ സംഭവത്തില്‍ ജുഡീഷ്യല്‍ അന്വേഷണത്തിന് എജി ശിപാര്‍ശ ചെയ്തു. മാധ്യമപ്രവര്‍ത്തകരെ കൈയേറ്റം ചെയ്ത സംഭവത്തിലാണ് ഹൈക്കോടതി ആക്റ്റിങ് ചീഫ് ജസ്റ്റിസിനോടും സര്‍ക്കാരിനോടും അഡ്വക്കേറ്റ് ജനറല്‍ സി.പി സുധാകരപ്രസാദ് ജുഡീഷ്യല്‍ അന്വേഷണം ആവശ്യപ്പെട്ടത്. സംഭവത്തില്‍ മാധ്യമപ്രവര്‍ത്തകര്‍ക്കും പൊലീസിനും അഭിഭാഷകര്‍ക്കും വീഴ്ച പറ്റിയിട്ടുണ്ട്. എല്ലാവരുടെയും ഭാഗത്ത് തെറ്റുണ്ട്.ജുഡീഷ്യല്‍ അന്വേഷണത്തില്‍ സത്യം വെളിവാകും. വിരമിച്ച ജില്ലാ ജഡ്ജിയുടെ സേവനം ഇതിനായി വിട്ടുതരാന്‍ ആവശ്യപ്പെടും. പ്രശ്‌ന പരിഹാരത്തിനായാണ് നടപടിയെന്നും അദ്ദേഹം പറഞ്ഞു.അതേസമയം ഒരു സംഘം അഭിഭാഷകര്‍ ഇന്ന് നടത്തുന്ന ഹൈക്കോടതി ബഹിഷ്‌കരണത്തില്‍ പങ്കെടുക്കില്ലെന്ന് എറണാകുളം ജില്ലാ ബാര്‍ അസോസിയേഷന്‍ വ്യക്തമാക്കി. അഭിഭാഷകര്‍ക്കിടയിലെ ഭിന്നതായാണ് ഇതിന് കാരണമെന്ന് വിവരമുണ്ട്. അതേസമയം അഭിഭാഷകര്‍ ഗൗണിട്ട് സമരം ചെയ്യുന്നത് തെറ്റാണ് മനുഷ്യാവകാശ കമ്മീഷന്‍ ചെയര്‍മാന്‍ ജെ ബി കോശി അഭിപ്രായപ്പെട്ടു. കഴിഞ്ഞ ദിവസം മേനക ബോട്ട്‌ജെട്ടിയില്‍ ഗവണ്‍മെന്റ് പ്ലീഡര്‍ അഡ്വ. ധനേഷ് മാത്യു മാഞ്ഞൂരാന്‍ വഴിയാത്രക്കാരിയെ കയറിപ്പടിച്ച സംഭവത്തില്‍ പൊലീസ് കേസെടുത്ത വാര്‍ത്ത മാധ്യമങ്ങള്‍ പ്രാധാന്യത്തോടെ നല്‍കിയതാണ് പ്രശ്‌നങ്ങള്‍ക്ക് തുടക്കം. ഇതേതുടര്‍ന്ന് രജിസ്ട്രാര്‍ക്ക് പരാതി നല്‍കാന്‍ എത്തിയ വനിതകളായ മാധ്യമപ്രവര്‍ത്തകരെ അഭിഭാഷകര്‍ അപമാനിച്ച് ഇറക്കിവിടുകയും ക്യാമറാമാന്‍മാരെയും മാധ്യമപ്രവര്‍ത്തകരെയും മര്‍ദ്ദിക്കുകയും ചെയ്തു. മാധ്യമപ്രവര്‍ത്തകരുടെ പ്രതിഷേധ റാലിയിലേക്ക് ബൈക്ക് ഓടിച്ചുകയറ്റാനും ശ്രമം നടന്നു. ഉന്തും തള്ളുമുണ്ടായതോടെ പൊലീസ് ലാത്തിവീശുകയും ചെയ്തിരുന്നു.
കൊല്ലം: കുപ്രസിദ്ധ കുറ്റവാളി ആട് ആന്റണിയുടെ ശിക്ഷാവിധി റിപ്പോര്ട്ട് ചെയ്യാനെത്തിയ മാധ്യമപ്രവര്‍ത്തകരെ കൊല്ലം…