LIVE KERALA NEWS

തിരുവനന്തപുരം:പ്രതിപക്ഷ നേതാവിനെ ചൊല്ലിയുളള തര്‍ക്കങ്ങള്‍ക്ക് വിരാമമിട്ടുകൊണ്ട് ഒടുവില്‍ രമേശ് ചെന്നിത്തലയെ തീരുമാനിച്ചു. ഉമ്മന്‍ചാണ്ടി യുഡിഎഫ് ചെയര്‍മാനാകും. പ്രതിപക്ഷ നേതാവ് സ്ഥാനം ഏറ്റെടുക്കാന്‍ ഇല്ലെന്ന് ഉമ്മന്‍ചാണ്ടി നിലപാട് എടുത്തതോടെയാണ് നറുക്ക് രമേശ് ചെന്നിത്തലയ്ക്ക് വീണത്. പ്രതിപക്ഷ നേതൃസ്ഥാനത്തേക്ക് രമേശ് ചെന്നിത്തലയെ ഐ ഗ്രൂപ്പ് നേരത്തെ ഉയര്‍ത്തിക്കാട്ടിയിരുന്നു. വട്ടിയൂര്‍ക്കാവില്‍ നിന്നും വിജയിച്ച കെ മുരളീധരന്റെ പേരും പറവൂര്‍ എംഎല്‍എ വിഡി സതീശന്റെ പേരും ഉയര്‍ന്നു കേട്ടിരുന്നുവെങ്കിലും അതെല്ലാം വെട്ടി രമേശ് ചെന്നിത്തലയെ പ്രതിപക്ഷ നേതാവാക്കാന്‍ കോണ്‍ഗ്രസ് നേതൃത്വം തീരുമാനിക്കുകയായിരുന്നു. ഞായാറാഴ്ച രാവിലെ പാര്‍ട്ടി ആസ്ഥാനത്ത് ചേരുന്ന യോഗത്തിലാകും ഇതേ സംബന്ധിച്ച് ഔദോഗിക പ്രഖ്യാപനം ഉണ്ടാകുക.