LIVE KERALA NEWS
Friday 17. Oct 2025
ന്യൂഡല്‍ഹി: മന്ത്രി സ്മൃതി ഇറാനിക്ക് ബിരുദം നല്‍കിയ രേഖകള്‍ കണ്ടെത്താനായില്ലെന്ന് ഡല്‍ഹി സര്‍വകലാശാല. ഡല്‍ഹി മെട്രൊപൊളിറ്റന്‍ മജിസ്‌ട്രേറ്റ് കോടതിയിലാണ് സര്‍വകലാശാല നിലപാട് വ്യക്തമാക്കിയത്. 2004ലെ ലോകസഭാ തെരഞ്ഞെടുപ്പില്‍ സമര്‍പ്പിക്കപ്പെട്ട സത്യവാങ്മൂലത്തിലാണ് 1996ല ഡല്‍ഹി സര്‍വകലാശാലയില്‍ നിന്ന് ബി.എ. പാസ്സായതായി നലകിയത്. എന്നാല്‍ ഈ രേഖകളൊന്നും അന്വേഷണത്തില്‍ കണ്ടെത്തിയില്ലെന്നാണ് സര്‍വകലാശാല കോടതിയെ അറിയിച്ചത്. സര്‍വകലാശാലയിലെ സ്‌കൂള്‍ ഓഫ് ഓപ്പണ്‍ ലേണിങ് ഡിപ്പാര്‍ട്ട്‌മെന്റിന്റെ അസിസ്റ്റന്റ് രജിസ്ട്രാര്‍ ഒ.പി. തല്‍വാറാണ് ചൊവ്വാഴ്ച കോടതിയെ ഇക്കാര്യം അറിയിച്ചത്.
എന്നാല്‍ 1993-94 വര്‍ഷത്തില്‍ ബികോം പൂര്‍ത്തിയാക്കിയതും ഇതിന്റെ ഫലവും സര്‍വകലാശാലയുടെ പക്കലുണ്ട്. ഇതോടൊപ്പം പന്ത്രണ്ടാം ക്ലാസ് പാസ്സായതിന്റെ സര്‍ട്ടിഫിക്കറ്റുകള്‍ സമര്‍പ്പിച്ചതിന്റെ രേഖകള്‍ കാണുന്നില്ല. കൂടാതെ 2013-14ല്‍ ബി.എ. പൊളിറ്റിക്കല്‍ സയന്‍സില്‍ വിദൂര വിദ്യഭ്യാസം വഴി പ്രവേശനം തേടിയതായും അദ്ദേഹം പറഞ്ഞു. കേസില്‍ ജൂണ്‍ ആറിനാണ് അടുത്ത വാദം. സ്വതന്ത്ര എഴുത്തുകാരനായ അഹമെര്‍ ഖാനാണ് മന്ത്രിയുടെ വിദ്യാഭ്യാസ യോഗ്യത സംബന്ധിച്ച രേഖകള്‍ പരിശോധിക്കണമെന്ന് ആവശ്യപ്പെട്ട് കോടതിയെ സമീപിച്ചത്.
അപമാനിക്കുന്ന രീതിയിലാണ് യൂത്ത് കോൺഗ്രസ് സ്ഥാനത്തുനിന്ന് തന്നെ മാറ്റിയതെന്ന് ചാണ്ടി…