മന്ത്രിമാരുടെ വിദേശയാത്രകള് കൊണ്ടല്ല സംസ്ഥാനത്തു സാമ്പത്തികനില മോശമായതെന്ന് സിപിഎം സംസ്ഥാന സെക്രട്ടറി എം.വി ഗോവിന്ദന്. മന്ത്രിമാരുടെ വിദേശയാത്രകള് വേണ്ടെന്ന് വയ്ക്കാന് പറ്റില്ലെന്നും സാമൂഹികപരമായും ഭരണപരമായും യാത്രകള് ആവശ്യമാണെന്നും അദ്ദേഹം ചെന്നൈയില് പറഞ്ഞു.
മുഖ്യമന്ത്രിയും മന്ത്രിമാരായ മുഹമ്മദ് റിയാസും വി. ശിവന്കുട്ടിയും വി.എന്.വാസവനുമാണ് വിദേശപര്യടനത്തിന് ഒരുങ്ങുന്നത്. മുഖ്യമന്ത്രിയും മന്ത്രി വി.ശിവന്കുട്ടിയും അടുത്തമാസം ഒന്നിന് യൂറോപ്പിലേക്ക് തിരിക്കും. രണ്ടാഴ്ച നീളുന്ന സന്ദര്ശനത്തില് ഫിന്ലന്ഡും നോര്വേയും സന്ദര്ശിക്കും. വിദ്യാഭ്യാസമേഖലയിലെ സഹകരണത്തിനാണ് ഫിന്ലന്ഡ് ക്ഷണിച്ചിരിക്കുന്നത്.