കൊച്ചി: നടിയെ ആക്രമിച്ച കേസില് നടന് ദിലീപിനെതിരെയുള്ള തെളിവുകള് വ്യാജമല്ലെന്ന് സംവിധായകന് ബാലചന്ദ്രകുമാര്.ദിലീപിനെതിരെയുള്ള വധഗൂഢാലോചന കേസില് തെളിവുകള് അന്വേഷണ സംഘത്തിന് കൈമാറിയെന്ന് ബാലചന്ദ്ര കുമാര് പറഞ്ഞു. കേസിലെ ഓഡിയോ റെക്കോര്ഡുകളാണ് കൈമാറിയത്. കളമശ്ശേരി ക്രൈംബ്രാഞ്ച് ഓഫിസിലെത്തിയാണ് ബാലചന്ദ്ര കുമാര് മൊഴി നല്കിയത്.തെളിവുകള് കൃത്രിമമായി ഉണ്ടാക്കിയതല്ലെന്ന് ബാലചന്ദ്ര കുമാര് പറഞ്ഞു. തന്നെ പൊലീസ് ഇറക്കിയതാണെന്ന് ദിലീപ് പറയുന്നുണ്ടെന്നും പറ്റുമെങ്കില് തെളിവുകള് പുറത്തുവിടട്ടെയെന്നും അദ്ദേഹം പറഞ്ഞു.കേസുമായി ബന്ധപ്പെട്ട് സാക്ഷികളെ സ്വാധീനിക്കാന് ശ്രമിച്ചതിന്റെ മുഴുവന് തെളിവുകള് കൈമാറിയതായും ശബ്ദം ദിലീപിന്റേതാണെന്ന് തെളിയിക്കാന് സഹായകമായ സംഭാഷണവും കൈമാറിയതായും ബാലചന്ദ്ര കുമാര് പറഞ്ഞു.തന്നെ പോലെ കൂടുതല് ആളുകള് വരും ദിവസങ്ങളില് തെളിവുകളുമായി രംഗത്ത് വരുമെന്നും അദ്ദേഹം കൂട്ടിച്ചേര്ത്തു. ഇതുവരെ ആരും വരാതിരുന്നതിന് കാരണം ഭായമാണെന്നും അദ്ദേഹം പറഞ്ഞു.തെളിവുകള് ഒരിക്കലും കൃത്രിമമായി ഉണ്ടാക്കിയിട്ടില്ല. പുറത്തുവന്നത് അദ്ദേഹത്തിന്റെ ശബ്ദമല്ലെന്ന് അദ്ദേഹം ഒരിക്കലും പറഞ്ഞിട്ടില്ല. മുഖ്യമന്ത്രിക്ക് കൊടുത്ത പാരാതിയിലും അദ്ദേഹം പറഞ്ഞിട്ടില്ല.ദിലീപുമായുണ്ടായിരുന്നത് സുതാര്യമായ സാമ്പത്തിക ഇടപാടുകള് മാത്രമാണെന്നും പരാതി തല്കിയതിന് ശേഷവും ഭീഷണിയുണ്ടായിരുന്നെന്നും ബാലചന്ദ്രന് പറഞ്ഞു.അതേസമയം, നടിയെ ആക്രമിച്ച കേസില് സിനിമ താരങ്ങളുടെ മൊഴി മാറ്റത്തിന്റെ കാരണം കണ്ടെത്തുന്നതിന് പൊലീസ് അന്വേഷണം ആരംഭിച്ചിട്ടുണ്ട്. നടന് സിദ്ദിഖ്, ഇടവേള ബാബു, ഭാമ, ബിന്ദു പണിക്കര് എന്നിവര് ഉള്പ്പെടെയുള്ളവരാണ് കോടതിയില് മൊഴി മാറ്റിയിരുന്നത്.20 സാക്ഷികളാണ് വിചാരണയ്ക്കിടെ കൂറുമാറി പ്രതിഭാഗത്ത് ചേര്ന്നിരുന്നത്. ഇവരുടെ കൂറു മാറ്റത്തിന്റെ സാമ്പത്തിക ശ്രോതസ് പൊലീസ് അന്വേഷിക്കും.അതേസമയം, കേസിലെ പ്രധാന സാക്ഷി സാഗറിനെ മൊഴി മാറ്റാന് പ്രേരിപ്പിച്ചത് ദിലീപും സംഘവുമെന്ന് തെളിയിക്കുന്ന രേഖകള് പുറത്ത് വന്നിട്ടുണ്ട്. റിപ്പോര്ട്ടര് ടി.വിയാണ് ഇതുസംബന്ധിച്ച തെളിവുകള് പുറത്തുവിട്ടത്.