ന്യൂഡല്ഹി: രാജ്യത്ത് വാണിജ്യ ആവശ്യത്തിനുള്ള പാചക വാതകത്തിന്റെ വില വര്ദ്ധിപ്പിച്ചു. സിലിണ്ടറിന് 101 രൂപയാണ് ഒറ്റയടിക്ക് കൂട്ടിയത്. ഇതോടെ 19 കിലോ വാണിജ്യ സിലിണ്ടറിന് കൊച്ചിയിലെ വില 2095.50 രൂപയായി. ഗാര്ഹിക സിലിണ്ടര് വിലയില് മാറ്റമില്ല.
ഹോട്ടല് ഉള്പ്പെടെയുള്ളവയുടെ പ്രവര്ത്തനത്തെ പ്രതികൂലമായി ബാധിക്കുന്നതാണ് വില വര്ധന.കഴിഞ്ഞ നവംബര് ഒന്നിനും വാണിജ്യ ആവശ്യങ്ങള്ക്കുള്ള പാചകവാതകത്തിന്റെ വില വര്ദ്ധിപ്പിച്ചിരുന്നു. നവംബര് ഒന്നിന് വാണിജ്യാവശ്യങ്ങള്ക്കുള്ള സിലിണ്ടറിന് 266 രൂപ കൂട്ടിയിരുന്നു. ഇതോടെ വാണിജ്യ സിലണ്ടറിന്റെ വില 1994 രൂപയിലേക്ക് എത്തിയിരുന്നു.ഒക്ടോബറില് ഗാര്ഹിക ആവശ്യത്തിനുള്ള പാചകവാതകത്തിന്റെ വില 15 രൂപ കൂട്ടിയിരുന്നു. 906.50 രൂപയാണ് ഗാര്ഹിക ആവശ്യത്തിനുള്ള പാചകവാതക സിലിണ്ടറിന്റെ വില.