കോഴിക്കോട്: കോഴിക്കോട് കാളാണ്ടിത്താഴത്ത് റോഡരികില് പുരുഷ മൃതദേഹം കത്തിക്കരിഞ്ഞ നിലയില് കണ്ടെത്തി.കാളാണ്ടിതാഴം സ്വദേശി ജസ്റ്റിന് ജേക്കബിന്റെ (72)മൃതദേഹമാണ് കണ്ടെത്തിയത്. തിങ്കളാഴ്ച പുലര്ച്ചെ രണ്ടരയോടെയാണ് മൃതദേഹം റോഡരികില് കത്തിക്കരിഞ്ഞ നിലയില് യാത്രക്കാരന് കണ്ടെത്തിയത്. യാത്രക്കാരനാണ് പൊലീസിനെ വിവരമറിയിച്ചത്.മരണപ്പെട്ട ജസ്റ്റിന് ജേക്കബ് വിരമിച്ച പൊലീസുകാരനാണ്. ജസ്റ്റിന്റെ വീടിന്റെ അടുത്ത് തന്നെയുള്ള റോഡരികിലാണ് മൃതദേഹം കണ്ടത്.ജസ്റ്റിനും ഭാര്യയും മാത്രമാണ് വീട്ടിലുണ്ടായിരുന്നത്. കാന്സര് രോഗിയായ ജസ്റ്റിന് മനംനൊന്ത് ആത്മഹത്യ ചെയ്തതാകാമെന്നാണ് പൊലീസിന്റെ പ്രാഥമിക നിഗമനം.