കൊച്ചി: ഇന്ധനവില വര്ധനയില് പ്രതിഷേധിച്ച് കൊച്ചിയില് കോണ്ഗ്രസ് നടത്തിയ വഴിതടയല് സമരത്തിനിടെ നടന് ജോജു ജോര്ജിന്റെ വാഹനം തകര്ത്തെന്ന കേസില് ഒരാള് കൂടി പിടിയില്. യൂത്ത് കോണ്ഗ്രസ് നേതാവ് ഷെരീഫ് ആണ് അറസ്റ്റിലായത്. കഴിഞ്ഞ ദിവസം രാത്രിയാണ് ഷെരീഫ് അറസ്റ്റിലായത്.ഇതോടെ കേസില് അറസ്റ്റിലായവരുടെ എണ്ണം രണ്ടായി. അറസ്റ്റിലുള്ള ജോസഫിന്റെ മൊഴി അനുസരിച്ചാണ് ഷെരീഫിനെ തിരിച്ചറിഞ്ഞതെന്ന് പൊലീസ് പറഞ്ഞു. ജോസഫിന്റെ ജാമ്യഹര്ജി എറണാകുളം ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതി വെള്ളിയാഴ്ച തള്ളിയിരുന്നു. വൈറ്റില ദേളീയപാത ഉപരോധത്തിനിടെയുണ്ടായ സംഭവ വികാസങ്ങളില് രണ്ടു കേസുകളാണ് പൊലീസ് റജിസ്റ്റര് ചെയ്തിരിക്കുന്നത്. വാഹനം തല്ലിതകര്ത്ത് ആക്രമിക്കാന് ശ്രമിച്ചെന്ന ജോജുവിന്റെ പരാതിയില് എട്ട്് പേര്ക്കെതിരെയും വഴിതടയല് സമരവുമായി ബന്ധപ്പെട്ട് 30 പേര്ക്കെതിരെയുമാണ് ജാമ്യമില്ല വകുപ്പനുസരിച്ച് കേസെടുത്തിരിക്കുന്നത്. ഇന്ധന വില വര്ധനവിനെതിരെ കോണ്ഗ്രസ് കൊച്ചിയില് സംഘടിപ്പിച്ച ദേശീയ പാത ഉപരോധ സമരം നടന് ജോജു ജോര്ജിന്റെ അപ്രതീക്ഷിത പ്രതിഷേധത്തെത്തുടര്ന്നായിരുന്നു വിവാദമായത്