തിരുവനന്തപുരം: മരയ്ക്കാര് റിലീസ് തര്ക്കം പരിഹരിക്കാന് സാംസ്കാരിക മന്ത്രി സജി ചെറിയാന് വിളിച്ച യോഗം മാറ്റിവെച്ചു.യോഗത്തില് പങ്കെടുക്കാന് മരയ്ക്കാര് ചിത്രത്തിന്റെ നിര്മാതാവ് ആന്റണി പെരുമ്പാവൂര് വിസമ്മതിച്ചതാണ് യോഗം മാറ്റാന് കാരണം. എന്നാല് സംഘടനാ പ്രതിനിധികളില് ചിലരുടെ അസൗകര്യം കണക്കിലെടുത്താണ് ചര്ച്ച മാറ്റിയതെന്നുമാണ് പുറത്തുവരുന്ന വിവരങ്ങള്. എല്ലാവര്ക്കും സൗകര്യപ്രദമായ മറ്റൊരു തീയതിയില് ചര്ച്ച നടത്തുമെന്നാണ് പുതിയ അറിയിപ്പ്. കൊല്ലത്തായിരുന്നു ചര്ച്ച നിശ്ചയിച്ചിരുന്നത്.
ഫിലിം ചേമ്പര് പ്രതിനിധികളും ആന്റണി പെരുമ്പാവൂരും തമ്മിലുള്ള ചര്ച്ച പരാജയപ്പെട്ട സാഹചര്യത്തിലായിരുന്നു മന്ത്രിയുടെ ഇടപെടല്. തിയറ്ററുകളില് ചിത്രം പ്രദര്ശിപ്പിക്കുന്നതിനെ സംബന്ധിച്ച് ആന്റണി പെരുമ്പാവൂര് മുന്നോട്ടുവെച്ച വ്യവസ്ഥകള് തിയറ്ററുടമകള് അംഗീകരിച്ചില്ല. തുടര്ന്നാണ് ഒ.ടി.ടി പ്ലാറ്റ്ഫോമില് ചിത്രം റിലീസ് ചെയ്യാന് തീരുമാനിച്ചത്.ചിത്രത്തിന്റെ റിലീസിന് ഇനിയും കാത്തിരിക്കാന് സാധിക്കില്ലെന്നും മരയ്ക്കാര് ഒ.ടി.ടി പ്ലാറ്റ്ഫോമുകളില് റിലീസ് ചെയ്യുന്നതിനെക്കുറിച്ച് ആലോചിക്കുന്നുണ്ടെന്നും കുറച്ച് ദിവസങ്ങള്ക്ക് മുന്പ് ആന്റണി പെരുമ്പാവൂര് വ്യക്തമാക്കിയിരുന്നു.100 കോടിരൂപയോളം ചെലവിട്ടാണ് ചിത്രം നിര്മിച്ചത്. മലയാളത്തിലെ ഏറ്റവും ചെലവേറിയ ചിത്രമെന്ന വിശേഷണത്തോടെയാണ് മരയ്ക്കാര് എത്തുന്നത്. ആശിര്വാദ് സിനിമാസ്, മൂണ്ഷൂട്ട് എന്റ്റര്ടൈന്മെന്ഡ്, കോണ്ഫിഡന്ഡ് ഗ്രൂപ്പ് എന്നീ ബാനറുകളില് ആന്റണി പെരുമ്പാവൂര്, സന്തോഷ്. ടി. കുരുവിള, റോയ് .സി.ജെ എന്നിവര് ചേര്ന്നാണ് നിര്മ്മിക്കുന്നത്.