തിരുവനന്തപുരം: ആര്യനാട് ഈഞ്ചിപ്പുരയില് വെയിറ്റിങ് ഷെഡിലേക്ക് കെഎസ്ആര്ടിസി ബസ് ഇടിച്ചുകയറി. അഞ്ചു കുട്ടികള് ഉള്പ്പെടെ ആറു പേര്ക്ക് പരിക്ക്. ഒരാളുടെ നില ഗുരുതരം. ഷെഡ് തകര്ന്നാണ് പരുക്കേറ്റത്.
രാവിലെ ഒന്പത് മണിയോടെയായിരുന്നു അപകടം. നെടുമങ്ങാട്ടേക്ക് പോകുകയായിരുന്ന ബസ് വെയിറ്റിങ് ഷെഡിലേക്ക് ് ഇടിച്ചുകയറുകയായിരുന്നു. കുട്ടികള്ക്ക് തലയ്ക്കും ദേഹത്തിനും പരിക്കേറ്റിട്ടുണ്ട്. ആര്യനാട് ഡിപ്പോയിലെ കെ.എസ്.ആര്.ടി.സി ബസാണ് നിയന്ത്രണം വിട്ട് ബസ് സ്റ്റോപ്പിലേക്ക് ഇടിച്ചു കയറിയത്.പരിക്കേറ്റവരെ തിരുവനന്തപുരം മെഡിക്കല് കോളേജിലേക്ക് കൊണ്ടുപോയിട്ടുണ്ട്. കുട്ടികളുടെ പരിക്ക് ഗുരുതരമല്ലെന്നാണ് പ്രാഥമിക റിപ്പോര്ട്ട്.