തിരുവനന്തപുരം :സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റ മുന്നറിപ്പ്. അഞ്ച് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചത്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി ജില്ലകളിലാണ് മുന്നറിയിപ്പുള്ളത്. അടുത്ത മണിക്കൂറുകളില് പത്തനംതിട്ട, കോട്ടയം, ഇടുക്കി ജില്ലകളിലെ ഒറ്റപ്പെട്ടയിടങ്ങളില് മിതമായ മഴയ്ക്കു സാധ്യതയുണ്ട്. ആലപ്പുഴ, എറണാകുളം,തൃശൂര്, പാലക്കാട്, മലപ്പുറം ജില്ലകളില് യെലോ അലര്ട്ട് നല്കി. നവംബര് 3 വരെ മഴ തുടര്ന്നേക്കും.ബംഗാള് ഉള്ക്കടലിലെ ന്യൂനമര്ദ്ദം തെക്കേ ഇന്ത്യന് തീരത്തോട് അടുക്കുന്നതാണ് തീവ്ര മഴ മുന്നറിയിപ്പിന് കാരണം. ഇടിമിന്നലിനും ശക്തമായ കാറ്റിനും സാധ്യതയുണ്ട്. മത്സ്യതൊഴിലാളികള് കടലില് പോകരുത്.