വാഷിംഗ്ടണ് ഡിസി: ഐ എസ് തലവൻ അബുബക്കർ അൽ ബാഗ്ദാദിയുടെ പിന്ഗാമിയാവുമെന്നു കരുതപ്പെട്ടിരുന്ന ഐഎസ് നേതാവിനെയും അമേരിക്കന് സൈന്യം വധിച്ചെന്ന് പ്രസിഡന്റ് ഡോണൾഡ് ട്രംപ്. ഐഎസ് വക്താവ് അബു ഹസന് മുജാഹിറാണു കൊല്ലപ്പെട്ടതെന്ന് കഴിഞ്ഞദിവസം തന്നെ വിവിധ മാധ്യമങ്ങള് റിപ്പോര്ട്ടു ചെയ്തു. ഇയാളെ ഔദ്യോഗികമായി പിന്ഗാമിയായി നിശ്ചയിച്ചിരുന്നില്ല. ഒരു എണ്ണ ട്രക്കില് ഒളിപ്പിച്ച് വടക്കന് സിറിയയിലേക്ക് എത്തിക്കുന്നതിനിടെ യുഎസ് നടത്തിയ വ്യോമാക്രമണത്തിലാണ് മുജാഹിര് കൊല്ലപ്പെട്ടതെന്ന് ന്യൂയോര്ക്ക് ടൈംസ് പറഞ്ഞു. അതേസമയം കൊല്ലപ്പെട്ടതാരാണെന്നു ട്രംപ് വ്യക്തമാക്കിയില്ല.