ന്യൂഡല്ഹി: ബോളിവുഡ് ഇതിഹാസം അമിതാഭ് ബച്ചന് ദാദാ സാഹിബ് ഫാല്ക്കെ പുരസ്കാരം. ഇന്ത്യന് സിനിമയ്ക്ക് നല്കിയ സമഗ്രസംഭാവനകള് പരിഗണിച്ചാണ് പുരസ്കാരം. കേന്ദ്രമന്ത്രി പ്രകാശ് ജാവദേക്കറാണ് ഇക്കാര്യം ട്വിറ്ററിലൂടെ അറിയിച്ചത്.
‘നമ്മളെ രണ്ട് തലമുറയോളം രസിപ്പിക്കുകയും പ്രചോദിപ്പിക്കുകയും ചെയ്ത ഇതിഹാസമായ അമിതാഭ് ബച്ചനെ ഏകകണ്ഠമായി ദാദാ സാഹിബ് ഫാല്ക്കെ അവാര്ഡിനായി തിരഞ്ഞെടുത്തിരിക്കുന്നു. രാജ്യവും രാജ്യത്തിനപ്പുറവും ഈ വാര്ത്തയില് സന്തുഷ്ടരാണ്. എന്റെ ഹൃദയം നിറഞ്ഞ ആശംസകള്’- പ്രകാശ് ജാവേദ്ക്കര് ട്വിറ്ററില് കുറിച്ചു.
1969ല് ഖ്വാജ അഹമ്മദ് അബ്ബാസ് സംവിധാനം ചെയ്ത ‘സാത് ഹിന്ദുസ്ഥാനി’യിലൂടെയാണ് അമിതാഭ് ബച്ചന് അഭിനയരംഗത്തെത്തിയത്. അറുപത് വര്ഷത്തിനിടെ 190ലേറെ സിനിമകളില് വേഷമിട്ടു. 76 കാരനായ ബച്ചന് നടനുള്ള ദേശീയ പുരസ്കാരം നാലു തവണ ലഭിച്ചിട്ടുണ്ട്.