എഐസിസി ജനറല് സെക്രട്ടറി സ്ഥാനം പ്രിയങ്ക ഗാന്ധി ഏറ്റെടുത്തു. ഡൽഹിയിലെ എഐസിസി ആസ്ഥാനത്ത് എത്തിയാണ് പ്രിയങ്ക എഐസിസി ജനറല് സെക്രട്ടറി സ്ഥാനം ഏറ്റെടുത്തത്. പ്രിയങ്കയെ ഹര്ഷാരവങ്ങളോടെയാണ് പ്രവര്ത്തകര് സ്വീകരിച്ചത്.
പ്രിയങ്ക ഗാന്ധി സിന്ദാബദ് വിളികള്ക്കിടയില് എഐസിസി ആസ്ഥാനത്തേക്ക് പ്രവേശിച്ച പ്രിയങ്ക അവര്ക്ക് അനുവദിച്ച എഐസിസി ജനറല് സെക്രട്ടറിയുടെ മുറിയിലേക്കാണ് നേരെ പോയത്. തുടര്ന്ന് യുപിയില് നിന്നുള്ള പ്രവര്ത്തകരുമായി അവര് കൂടിക്കാഴ്ച്ച ആരംഭിച്ചു.
കിഴക്കന് ഡൽഹിയുടെ ചുമതലയുള്ള എഐസിസി ജനറല് സെക്രട്ടറിയായി കഴിഞ്ഞമാസമാണ് പ്രിയങ്കയെ കോണ്ഗ്രസ് അധ്യക്ഷന് രാഹുല്ഗാന്ധി നിയമിച്ചത്. വിദേശത്തായിരുന്ന പ്രിയങ്ക എഐസിസി ജനറല് സെക്രട്ടറിയായി നിയമിച്ച ശേഷം ഇന്നാണ് ഡൽഹിയിൽ മടങ്ങിയെത്തിയത്.