കനത്ത മഴക്ക്​ സാധ്യത; മൂന്ന്​ ജില്ലകളിൽ റെഡ്​ അലർട്ട്

തിരുവനന്തപുരം: സംസ്ഥാനത്ത്​ ശക്​തമായ മഴക്ക്​ ​ സാധ്യത​യെന്ന്​​​ കാലവസ്ഥാ നിരീക്ഷണകേന്ദ്രത്തി​ന്റെ മുന്നറിയിപ്പ്​. കാലാവസ്ഥാ കേന്ദ്രത്തി​ന്റെ മുന്നറിയിപ്പിനെ തുടർന്ന്​ മൂന്ന്​ ജില്ലകളിൽ റെഡ്​ അലർട്ട്​ പ്രഖ്യാപിച്ചു​. ഇടുക്കി, തൃശൂർ, പാലക്കാട്​ ജില്ലകളിലാണ്​ റെഡ്​ അലർട്ട്​ ​. ഒക്​ടോബർ ഏഴ്​ മുതലാണ്​ ജാഗ്രത നിർദേശം നൽകിയിരിക്കുന്നത്​​.

ഞായറാഴ്ചയോടെ രൂപപ്പെടുന്ന ന്യൂനമർദ്ദം തിങ്കളാഴ്ചയോടെ ചുഴലിക്കാറ്റായി മാറാൻ സാധ്യതയുണ്ടെന്ന കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി. ലക്ഷദ്വീപിന്​ സമീപം ഞായറാഴ്​ചയോടെ ശക്​തമായ ന്യൂനമർദം രൂപം കൊള്ളും​. തിങ്കളാഴ്​ചയോടെ ഇത്​ ചുഴലിക്കാറ്റായി മാറാനും സാധ്യതയുണ്ട്​.

ദുരന്തനിവരാണ അതോറിറ്റി യോഗത്തിന്​ ശേഷം മുഖ്യമന്ത്രി പിണറായി വിജയനാണ്​ ഇക്കാര്യങ്ങൾ അറിയിച്ചത്​. റെഡ്​ അലർട്ട്​ ഉള്ള ജില്ലകളിൽ ദുരിതാശ്വാസ ക്യാമ്പുകൾ തുറക്കാൻ നിർദേശിച്ചിട്ടുണ്ട്​. എൻ.ഡി.ആർ.എഫി​​െൻറ അഞ്ച്​ സംഘങ്ങളെ നിയോഗിക്കണമെന്ന്​ കേന്ദ്രസർക്കാറിനോട്​ ആവശ്യപ്പെട്ടിട്ടുണ്ടെന്നും പിണറായി വിജയൻ പറഞ്ഞു.

ഒക്​ടോബർ അഞ്ച്​ മുതൽ മിക്ക ജില്ലകളിലും യെല്ലോ അലേർട്ട്​ പ്രഖ്യാപിച്ചിട്ടുണ്ട്​. ഇടുക്കിയിൽ നാലു മുതൽ ആറു വരെ തീയതികളിലും തൃശൂരും പാലക്കാടും ആറിനും പത്തനംതിട്ടയിൽ ഏഴിനും ഒാറഞ്ച്​ അലർട്ടും​ പ്രഖ്യാപിച്ചു​.

മത്സ്യത്തൊഴിലാളികൾ അടുത്ത രണ്ട് ദിവസത്തേയ്ക്ക് കടലിൽ പോകരുതെന്ന് കാലാവസ്ഥാനിരീക്ഷണകേന്ദ്രം അറിയിച്ചു. ഈ മുന്നറിയിപ്പ് തീരദേശ ഗ്രാമങ്ങളിലും, തുറമുഖങ്ങളിലും, മത്സ്യബന്ധന മേഖലയിലെ ആരാധനാലയങ്ങളിലും, തീരപ്രദേശത്തെ ജനപ്രതിനിധികളെയും, മത്സ്യബന്ധനവുമായി ബന്ധപ്പെട്ട് പ്രവർത്തിക്കുന്ന മറ്റു സർക്കാർ സ്ഥപനങ്ങളെയും അറിയിക്കണമെന്ന് ഫിഷറീസ് വകുപ്പിന് നിർദേശം നൽകിക്കഴിഞ്ഞു. ദീര്ഘുനാളത്തെക്ക് അറബികടലില്‍ മത്സ്യ ബന്ധനത്തിന് പോയവരെ ഈ വിവരം അറിയിക്കുന്നതിന് നടപടി സ്വീകരിക്കും. ദീര്ഘബനാളത്തെക്ക് അറബികടലില്‍ മത്സ്യ ബന്ധനത്തിന് പോയവര്‍ ഒക്ടോബർ 5ന് മുന്പ്ന സുരക്ഷിതമായി തീരം അണയണം എന്ന് നിര്ദേ്ശിച്ചിട്ടുണ്ട്