ന്യൂഡല്ഹി: മുതിര്ന്ന കോണ്ഗ്രസ് നേതാവ് ആര്.കെ.ധവാന്(81) അന്തരിച്ചു. വാര്ധക്യ സഹജമായ അസുഖങ്ങളെ തുടര്ന്ന് തുടര്ന്ന് ചികിത്സയിലായിരുന്നു..
ന്യൂഡല്ഹിയിലെ ബിഎസ് കാപുര് ആശുപത്രിയില് തിങ്കളാഴ്ച വൈകിട്ടായിരുന്നു അന്ത്യം. വൈകീട്ട് ഏഴുമണിയോടെ ആരോഗ്യം വഷളാകുകയും അന്ത്യം സംഭവിക്കുകയുമായിരുന്നു.
മുന് പ്രധാനമന്ത്രി ഇന്ദിര ഗാന്ധിയുടെ പ്രൈവറ്റ് സെക്രട്ടറിയായിരുന്നു. അടിയന്തരാവസ്ഥകാലത്ത് ഇന്ദിര ഗാന്ധിയുടെ വിശ്വസ്തനായി അറിയപ്പെട്ടു. 1962-ല് ഇന്ദിരാ ഗാന്ധിയുടെ പേഴ്സണല് അസിസ്റ്റന്റായാണ് ധവാന് ആരംഭിച്ചത്. 1984ല് ഇന്ദിരാ ഗാന്ധി വധിക്കപ്പെടുന്നതുവരെ അദ്ദേഹം ആ പദവിയില് തുടര്ന്നു.
ധവാന്റെ മരണത്തില് മുതിര്ന്ന കോണ്ഗ്രസ് നേതാക്കളും മുന് രാഷ്ട്രപതി പ്രണാബ് മുഖര്ജിയും അനുശോചിച്ചു.