കാബൂള്: അഫ്ഗാനിസ്ഥാനില് ഇന്ത്യക്കാരനടക്കം മൂന്നു വിദേശികളെ ഭീകരര് തട്ടിക്കൊണ്ടുപോയി കൊലപ്പെടുത്തി. സൊഡെക്സോ എന്ന ഫുഡ് കന്പനിയുടെ ജീവനക്കാരായ വിദേശികളെയാണു കാബൂളില്നിന്നു തട്ടിക്കൊണ്ടുപോയി കൊലപ്പെടുത്തിയത്. ഇന്ത്യ, മലേഷ്യ, മാസിഡോണിയ എന്നിവിടങ്ങളില്നിന്നുള്ളവരാണു കൊല്ലപ്പെട്ടത്.
മരിച്ചവരുടെ കൈയിലുണ്ടായിരുന്ന തിരിച്ചറിയല് കാര്ഡില്നിന്നാണ് ഇവര് വിദേശികളാണെന്നു തിരിച്ചറിഞ്ഞത്. പ്രാദേശവാസിയായ ഒരു ഡ്രൈവര്ക്കൊപ്പം കാറില് സഞ്ചരിക്കവെയാണ് മുപ്പത്തൊന്പതുകാരനായ ഇന്ത്യക്കാരനെ ഉള്പ്പെടെ തട്ടിക്കൊണ്ടുപോയത്.
ഇവരുടെ പേരുവിവരങ്ങള് പുറത്തുവിട്ടിട്ടില്ല.