കോടതിയില്‍ മാധ്യമങ്ങള്‍ ‘കടക്ക് പുറത്തെ’ന്നല്ലെന്ന് മുഖ്യമന്ത്രി

മാധ്യമ പ്രവര്‍ത്തകര്‍ കോടതിയില്‍ പ്രവേശിക്കുന്നതിനോട് വിയോജിപ്പില്ലെന്ന് മുഖ്യമന്ത്രി പിണറായി വിജയന്‍. മാധ്യമപ്രവര്‍ത്തകരെ ഇനിയും കോടതിയില്‍ കയറ്റാതെ തടയുന്നതിനോട് സര്‍ക്കാറിന് യോജിപ്പില്ലെന്ന് പിണറായി വിജയന്‍ പറഞ്ഞു. ഹൈകോടതി ചീഫ് ജസ്റ്റിസുമായി ഇക്കാര്യം സംസാരിച്ചിരുന്നതായും വിഷയത്തില്‍ പരസ്യമായ നിലപാട് വ്യക്തമാക്കുകയല്ലാതെ സര്‍ക്കാറിന് മറ്റൊന്നും ചെയ്യാനില്ലെന്നും അദ്ദേഹം വ്യക്തമാക്കി. മലപ്പുറത്ത് നടന്ന കേരള പത്രപ്രവര്‍ത്തക യൂനിയന്‍ സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
മാധ്യമ പ്രവര്‍ത്തകര്‍ക്കുള്ള കോടതി വിലക്ക് മുതിര്‍ന്ന അഭിഭാഷക പ്രതിനിധികളുമായും സംസാരിച്ചെന്നും അവരെല്ലാം കോടതിയില്‍ മാധ്യമസ്വാതന്ത്ര്യം ഹനിക്കുന്നതിനെതിരാണെന്നും അദ്ദേഹം അറിയിച്ചു. ഇനിയും എവിടെയാണ് തടസമെന്ന് മനസിലാകുന്നില്ല. ഇതിനെതിരെ മാധ്യമപ്രവര്‍ത്തകരുടെ ഏത് ആലോചനക്കൊപ്പവും സര്‍ക്കാറുണ്ടാകുമെന്നും മുഖ്യമന്ത്രി ഉറപ്പ് നല്‍കി.

© 2024 Live Kerala News. All Rights Reserved.