കൊച്ചി: നടന് മോഹന്ലാലിനും നിര്മാതാവ് ആന്റണി പെരുമ്പാവൂരിനുമെതിരെ ഫേസ്ബുക്കില് അപകീര്ത്തികരമായ പ്രചാരണം നടത്തിയ യുവാവിനെ പൊലീസ് അറസ്റ്റ് ചെയ്തു. കുന്നംകുളം പെരുമ്പിലാവ് സ്വദേശി നസീഫാണ് (23) അറസ്റ്റിലായത്. നസീഹിനെ പെരുമ്പാവൂര് സ്റ്റേഷനിലെത്തിച്ച് ചോദ്യം ചെയ്യുകയാണ്. ആന്റണി പെരുമ്പാവൂരിന്റെ പരാതിയുടെ അടിസ്ഥാനത്തില് കുന്നംകുളത്തെ വീട്ടില്നിന്നാണ് ഇയാളെ പൊലീസ് പിടികൂടിയത്. പെരുമ്പാവൂരില് ഇതരസംസ്ഥാന തൊഴിലാളികള്ക്കുവേണ്ടി മോഹന്ലാലും ആന്റണി പെരുമ്പാവൂരും പെണ്വാണിഭം നടത്തുന്നുവെന്നാണ് ഇയാള് ഫേസ്ബുക്ക് ലൈവിലൂടെ പറഞ്ഞത്. നേരത്തേ എസ്.എഫ്.ഐക്കെതിരെയും നടന് പൃഥ്വിരാജിനെതിരെയും യുവനടിമാര്ക്കെതിരെയും ഇയാള് ഫേസ്ബുക്ക് ലൈവില് അപകീര്ത്തികരമായ വീഡിയോ പോസ്റ്റ് ചെയ്തിരുന്നു.