തിരുവനന്തപുരം: 2016ലെ സംസ്ഥാന ചലച്ചിത്ര അവാര്ഡുകള് മന്ത്രി എ.കെ.ബാലന് പ്രഖ്യാപിച്ചു .മികച്ച നടനായി വിനായകനും മികച്ച നടിയായി രജിഷാ വിജയനും തെരഞ്ഞെടുക്കപ്പെട്ടു. കമ്മട്ടിപ്പാടത്തിലെ അഭിനയത്തിനാണ് വിനായകന് മികച്ച നടനായത്. അനുരാഗ കരിക്കിന് വെള്ളത്തിലെ അഭിനയത്തിനാണ് രജിഷയ്ക്ക് പുരസ്കാരം. മാന്ഹോള് മികച്ച ചിത്രമായും ഈ സിനിമ സംവിധാനം ചെയ്ത വിധു വിന്സെന്റ് മികച്ച സംവിധായികയായും തെരഞ്ഞെടുക്കപ്പെട്ടു.68 സിനിമകളാണ് പുരസ്കാരത്തിന് എത്തിയത്. പ്രശസ്ത ഒഡീഷ സംവിധായകനും ക്യാമറാമാനുമായ എ.കെ.ബിർ അധ്യക്ഷനായ പത്തംഗ ജൂറിയാണ് അവാർഡ് നിർണയം നടത്തിയത്.
മികച്ച ചിത്രം: മാന്ഹോള്
മികച്ച നടന്: വിനായകന് (കമ്മട്ടിപ്പാടം)
മികച്ച നടി: രജിഷാ വിജയന്( അനുരാഗ കരിക്കിന്വെള്ളം)
ജനപ്രിയ ചിത്രം: മഹേഷിന്റെ പ്രതികാരം
മികച്ച സംവിധായിക: വിധു വിന്സെന്റ് (മാന്ഹോള്)
മികച്ച രണ്ടാമത്തെ ചിത്രം: ഒറ്റയാള് പാത
ഛായാഗ്രഹണം: എംജെ രാധാകൃഷ്ണന് (കാട് പൂക്കുന്ന നേരം)
മികച്ച സ്വഭാവ നടൻ: മണികണ്ഠൻ (കമ്മട്ടിപ്പാടം)
മികച്ച സ്വഭാവ നടി: വി.കെ.കാഞ്ചന
തിരക്കഥാകൃത്ത്: ശ്യാം പുഷ്കരൻ (മഹേഷിന്റെ പ്രതികാരം)
നവാഗത സംവിധായകൻ: ഷാനവാസ് വാവക്കുട്ടി (കിസ്മത്ത്)
മികച്ച കുട്ടികളുടെ ചിത്രം: കോലുമിട്ടായി
പിന്നണി ഗായകൻ: സൂരജ് സന്തോഷ്
പിന്നണി ഗായിക: ചിത്ര
മികച്ച മേക്കപ്പ് മാൻ: എൻ.ജി.റോഷൻ
കഥാകൃത്ത്: സലിം കുമാർ (കറുത്ത ജൂതൻ)
ബാലതാരം (ആൺ): ചേതൻ ജയലാൽ (ഗപ്പി)
മികച്ച സിനിമാ ഗ്രന്ഥം: സിനിമ മുതൽ സിനിമ വരെ
മികച്ച സിനിമാ ലേഖനം: വെളുത്ത തിരശീലയിലെ കറുത്ത ഉടലുകൾ