LIVE KERALA NEWS
Wednesday 24. Apr 2024
ആമിര്‍ഖാന്‍ നായകനാകുന്ന ചിത്രം ദംഗല്‍ 100 കോടി ക്ലബില്‍. റിലീസ് ചെയ്ത മൂന്ന് ദിവസം കൊണ്ട് തന്നെ ദംഗല്‍ 100 കോടി ക്ലബ്ബും കടന്ന് മുന്നേറി കൊണ്ടിരിക്കുന്നു. ഇന്ത്യയുടെ വനിതാ ഗുസ്തി താരങ്ങളായ ഗീത ഫോഗാട്ടിന്റെയും ബബിത കുമാരിയുടെയും പിതാവായ ഗുസ്തിചാമ്പ്യനും പരിശീലകനുമായ മഹാവീര്‍ ഫോഗാട്ടിനെയാണ് ദംഗലില്‍ ആമിര്‍ അവതരിപ്പിക്കുന്നത്. ഇതോടെ റിലീസ് ചെയ്ത് ഏറ്റവും വേഗം 100 കോടിയിലെത്തുന്ന ചിത്രമെന്നും റെക്കോര്‍ഡും ദംഗല്‍ നേടി.ക്രിസ്മസ് ദിനത്തില്‍ 41.25 കോടിയാണ് ദംഗലിന്റെ കളക്ഷന്‍. ഒരാഴ്ച തികയുന്നതിന് മുമ്പ് ആമിര്‍ഖാന്‍ ചിത്രം 106.95 കോടി നേടിക്കഴിഞ്ഞു.നിതേഷ് തിവാരിയാണ് ചിത്രം സംവിധാനം ചെയ്തത്. ഫാത്തിമ ഷെയ്ക്ക്, സാന്യ മല്‍ഹോത്ര എന്നിവരാണ് മുതിര്‍ന്ന പെണ്‍കുട്ടികളുടെ റോളില്‍ അഭിനയിക്കുന്നത്. ഇന്ത്യയില്‍ മാത്രം 4300 സ്‌ക്രീനുകളിലാണ് ചിത്രം റിലീസ് ചെയ്തത്. ചിത്രം റിലീസാകുന്നതിന്റെ മുമ്പ് തന്നെ 40 ശതമാനം ടിക്കറ്റുകള്‍ അഡ്വാന്‍സ് ബുക്കിങ്ങിലൂടെ വിറ്റഴിഞ്ഞിരുന്നു. 100 കോടി ക്ലബ്ലില്‍ ഇടംനേടുന്ന ആമിര്‍ഖാന്റെ മൂന്നാമത്തെ ചിത്രമാണ് ദംഗല്‍. ഗജിനി, ത്രീ ഇഡിയറ്റ്, ധൂം3, പി.കെ എന്നിവയാണ് ഇതിന് മുമ്പ് 100 കോടി ക്ലബ്ബില്‍ ഇടം നേടിയ ആമിര്‍ ചിത്രങ്ങള്‍.
കല്പ്പറ്റ: മാനന്തവാടിയില് പൊലീസും വയനാട് മണ്ഡലം എന്ഡിഎ സ്ഥാനാര്ത്ഥി കെ…