ഹിറ്റ്‌ലര്‍ ജൂതന്‍മാരെ നശിപ്പിച്ചത് പോലെ ട്രംപ് നിങ്ങളെയും ഇല്ലാതാക്കും; മുസ്‌ലിം പള്ളികള്‍ക്ക് ഭീഷണിക്കത്ത്

വാഷിങ്ടന്‍: നിയുക്ത അമേരിക്കന്‍ പ്രസിഡന്റ് ഡോണള്‍ഡ് ട്രംപ് മുസ്‌ലിംകളെ രാജ്യത്തുനിന്നു തുടച്ചുനീക്കുമെന്നു ഭീഷണിപ്പെടുത്തി കലിഫോര്‍ണിയയിലെ സാന്‍ജോസ്, ലോങ് ബീച്ച്, പോമോന എന്നി മുസ്‌ലിം പള്ളികള്‍ക്കു അജ്ഞാതന്റെ ഭീഷണി കത്ത് . ജര്‍മന്‍ ഭരണാധികാരിയായിരുന്ന അഡോള്‍ഫ് ഹിറ്റ്‌ലര്‍ ജൂതന്‍മാരെ നശിപ്പിച്ചത് പോലെ അമേരിത്തയിലെ മുസ്ലീംങ്ങളെ ട്രംപ് ഇല്ലാതാക്കുമെന്നും ു കത്തില്‍ പറയുന്നു. മുസ്‌ലിംകള്‍ സാത്താന്റെ സന്തതികളാണ്. അമേരിക്കയിലെ പുതിയ ഷെരീഫാണ് ട്രംപ്. അദ്ദേഹം മുസ്‌ലിംകളെ പുറത്താക്കി അമേരിക്കയെ വീണ്ടും പ്രകാശപൂരിതമാക്കുമെന്നും കത്തിലുണ്ട്. കൗണ്‍സില്‍ ഓഫ് ഇസ്‌ലാമിക് അമേരിക്കന്‍ റിലേഷന്‍സ് (സിഎഐആര്‍) ആണ് കത്തു ലഭിച്ച വിവരം പുറത്തുവിട്ടത്.മുസ്‌ലിംകളുടെ കണക്കെടുപ്പിന്റെ ദിനങ്ങള്‍ എത്തിച്ചേര്‍ന്നിരിക്കുന്നു. ബാഗുകള്‍ പാക്ക് ചെയ്ത് എത്രയും പെട്ടെന്നു രക്ഷപ്പെടുന്നതാണ് നല്ലത്. അമേരിക്കക്കാര്‍ നല്ല പാതയിലാണ്. ഇനിയും മുന്നോട്ടു പോകാന്‍ കഴിയട്ടെ പ്രസിഡന്റ് ട്രംപ്, യുഎസ്എയെ ദൈവം സഹായിക്കട്ടെ ഇങ്ങനെ പറഞ്ഞാണ് കത്ത് അവസാനിപ്പിക്കുന്നത്.

© 2024 Live Kerala News. All Rights Reserved.