ന്യൂയോര്ക്ക്: അമേരിക്കന് പ്രസിഡന്റ് തിരഞ്ഞെടുപ്പില് പ്രസിഡന്റ് സ്ഥാനാര്ത്ഥി ഡൊണാള്ഡ് ട്രംപ് ഭാര്യ മെലാനിയ വോട്ട് ചെയ്യുന്നത് ഒളിഞ്ഞുനോക്കിയ നടപടി വിവാദത്തില്. ഭാര്യ വോട്ട് ചെയ്യുമ്പോള് ബാലറ്റിലേക്ക് ഒളിഞ്ഞു നോത്തുന്ന ട്രംപിന്റെ ചിത്രം സോഷ്യല്മീഡിയയില് പ്രത്യക്ഷപ്പെട്ടതോടെയാണ് സംഭവം ചര്ച്ചയായത്.ഭാര്യയ്ക്കും മകള്ക്കും മരുമകനുമൊപ്പം ഈസ്റ്റ് മാന്ഹട്ടനിലെ പോളിങ് സ്റ്റേഷനിലാണ് ട്രംപ് വോട്ട് ചെയ്തത്. അതേസമയം ഭാര്യ ലാറ യുസാന്ക വോട്ട് ചെയ്യുന്നത് ഒളിഞ്ഞുനോക്കി ട്രംപിന്റെ മകന് എറിക് ട്രംപും വിവാദത്തില്. അച്ഛന്റെ പാത മകനും പിന്തുടര്ന്നു. വോട്ട് രേഖപ്പെടുത്തിയ ബാലറ്റ് പേപ്പറിന്റെ ചിത്രം എറിക് സോഷ്യല് മീഡിയയില് പോസ്റ്റ് ചെയ്തതും. ഡൊണാള്ഡിന് വോട്ട് രേഖപ്പെടുത്തിയ ബാലറ്റ് പേപ്പറിന്റെ ചിത്രമാണ് എറിക് ട്വീറ്റ് ചെയ്തത്. ‘അച്ഛനായി വോട്ട് ചെയ്യാനായതില് അഭിമാനിക്കുന്നു. യുഎസിനായി അദ്ദേഹം മഹത്തായ കാര്യങ്ങള് ചെയ്യും’ എന്ന കുറിപ്പോടെയായായിരുന്നു എറികിന്റെ ട്വീറ്റ്. സംഭവം വിവാദമായതോടെ എറിക് ട്വീറ്റ് പിന്വലിച്ചു. ന്യൂയോര്ക്കിലെ നിയമമനുസരിച്ച് വോട്ട് രേഖപ്പെടുത്തിയ ബാലറ്റ് പേപ്പര് പ്രദര്ശിപ്പിക്കുന്നത് കുറ്റകരമാണ്.